ប្រទេសអាស៊ីអាគ្នេយ៍មួយទៀត រកឃើញករណីជំងឺអុតស្វា ជាលើកដំបូង

នៅថ្ងៃសុក្រទី២៩ខែកក្កដានេះ ប្រទេសហ្វីលីពីន ស្ថិតនៅក្នុងតំបន់អាស៊ីអាគ្នេយ៍ បានរកឃើញជំងឺអុតស្វា ករណីដំបូងបង្អស់ នៅក្នុងខ្លួនពលរដ្ឋម្នាក់ ដែលវិលត្រឡប់មកពីបរទេសកាលពីដើមខែនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អនុរដ្ឋលេខាធិការក្រសួងសុខាភិបាលលោកស្រី Beverly Ho បាននិយាយថា បុរសអាយុ ៣១ ឆ្នាំរូបនេះបានជាសះស្បើយហើយ ប៉ុន្តែត្រូវគេដាក់ឲ្យនៅដាច់ដោយឡែកពីគេក្នុងផ្ទះ ខណៈមនុស្ស១០នាក់ ដែលត្រូវបានគេកំណត់ថាជាបុគ្គលជិតស្និទ្ធ ក៏ត្រូវបានបញ្ជាឲ្យធ្វើចត្តាឡីស័កផងដែរ។

ក្រសួង​សុខាភិបាល​តម្រូវ​ឲ្យ​អ្នក​ដែល​ប្រឈម​នឹង​ករណី​កើត​ជំងឺអុត​ស្វា ត្រូវ​នៅ​ដាច់​ដោយ​ឡែករយៈពេល​ពី ១៤ ទៅ ២១ ថ្ងៃ។

លោកស្រី Ho លើកឡើងថា បុគ្គលឆ្លងជំងឺ ធ្លាប់ធ្វើដំណើរទៅកាន់ប្រទេសដែលមានករណីជំងឺអុតស្វា។ ករណីហ្វីលីពីន ត្រូវបានបញ្ជាក់វិជ្ជមានកាលពីថ្ងៃព្រហស្បតិ៍ ហើយទំនាក់ទំនងជិតស្និទ្ធមិនបានបង្ហាញរោគសញ្ញាណាមួយឡើយ។

គួរបញ្ជាក់ថា នៅប្រទេសប្រមាណ៧០ បានរាយការណ៍អំពីការផ្ទុះឡើងនៃមេរោគអុតស្វា ខណៈ​ករណីដែលបញ្ជាក់ទូទាំងពិភពលោក បានកើនលើស ២០ ៣០០ករណី ហើយអង្គការសុខភាពពិភពលោកបានប្រកាសអំពីការផ្ទុះឡើងនេះ ជាភាពអាសន្នសុខភាពសកល៕

ប្រែសម្រួល៖ Vann Vann

ប្រភព៖ CNA

ចុចអាន៖ សហរដ្ឋអាមេរិក ក្លាយជាប្រទេសមានករណីឆ្លងជំងឺអុតស្វា ច្រើនជាងគេបំផុត លើពិភពលោក