សុខភាព

ការធ្លាក់ឈាម ត្រីមាសដំបូងនៃគភ៌!

បានផុស

៦ years មុន

នៅ

ថ្ងៃចន្ទ ៤ មករា ២០២១

ដោយ

ការធ្លាក់ឈាមអំឡុងពេលមានគភ៌ ជាក្តីបារម្ភរបស់ស្ត្រីជាមាតាទាំងឡាយ ។ ២០% ទៅ ៣០% នៃគភ៌សរុបអាចជួបប្រទះបញ្ហានេះ នៅអំឡុងពេលត្រីមាសដំបូង (តិចជាង ៣ខែ ឬតិចជាង ១២សប្តាហ៍)។ បញ្ហានេះអាចជាសញ្ញាអាសន្ន ដែលស្ត្រីចាំបាច់ត្រូវត្រួតពិនិត្យ និងតាមដានជាបន្ទាន់នៅមន្ទីរពេទ្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក) ប្រភេទនៃការធ្លាក់ឈាម

– ការធ្លាក់រំអិលឈាមក្រហម ឬក្រម៉ៅ (កករ ឃ្លោក ឬកាកកាហ្វេ)

– ការធ្លាក់ឈាមដូចកណ្តាលរដូវ ពណ៌ក្រហម ឬ ក្រមៅ

– ការធ្លាក់កំណកឈាម ក្រហម ឬក្រមៅ

ខ) រោគសញ្ញាផ្គួបផ្សំ

– ឈឺពោះ ឬឈឺលើថ្ងាសផ្នែកខាងក្រោមនៃពោះ

– កម្រិតឈឺ តិច ឬខ្លាំង

– រោយចង្កេះ

– អស់កម្លាំង ល្ហិតល្ហៃ

– បាត់បង់ស្មារតី

គ) មូលហេតុ ដែលអាចជួបប្រទះ (ពីស្រាលទៅធ្ងន់)មាន

– ការប៉ះទង្គិច ឬកកិតមាត់ស្បូន (ការរួមភេទ, ការពិនិត្យមាត់ស្បូន)

– ការបង្កកំណើតរបស់គភ៌ក្នុងស្បូន (ការកាច់សំបុក)

– ការគំរាមរលូត ឬរលូត

– កូនក្រៅស្បូន

– កូនពង

– ការរលាកមាត់ស្បូន

ឃ) ដំបូន្មាន

– ប្រការគួរជៀសវាងមាន ការរួមភេទ ការហែលទឹក ការធ្វើដំណើរឆ្ងាយ និងការធ្វើការងារធ្ងន់។

– សូមរក្សាអនាម័យ ដោយការផ្លាស់ប្តូរសំឡីទ្រនាប់ និងការសំអាតប្រដាប់ភេទ។

– សូមស្ត្រីយកចិត្តទុកដាក់ និងវាយតម្លៃលើបរិមាណនៃការបាត់បង់ឈាមតាមទ្វារមាស ដោយត្រួតពិនិត្យលើការប្រើប្រាស់សំឡីអនាម័យ ចំនួននៃការផ្លាស់ប្តូរសំឡី និងកម្រិតឈាមដែលជ្រាបជោគលើសំឡីរបស់ស្ត្រី។

– គ្រូពេទ្យជំនាញ ឬឆ្មបជំនាញ នឹងសួរបញ្ជាក់សុំឲ្យស្ត្រីរៀបរាប់នូវសភាព និងលក្ខណៈនៃឈាម ដែលហូរតាមទ្វារមាសរបស់ស្ត្រី។ ស្ត្រីអាចថតរូបភាពបង្ហាញជូនគ្រូពេទ្យ ឬឆ្មបជំនាញក៏បាន។

សូមស្ត្រីយកចិត្តទុកដាក់លើថ្ងៃខែមករដូវជាប្រចាំរបស់ខ្លួន បើសិនមានការរាំងរដូវ សញ្ញាធ្លាក់ឈាម ឬឈឺចាប់លើផ្ទៃពោះផ្នែកណាមួយ សូមប្រញាប់មកពិនិត្យសុខភាពកុំបីខាន ជាមួយក្រុមគ្រូពេទ្យជំនាញផ្នែកសម្ភព នៃមន្ទីរពេទ្យកាល់ម៉ែត ដើម្បីកំណត់បាននូវរោគវិនិច្ឆ័យ និងធ្វើការព្យាបាលបានទាន់ពេលវេលា ប្រកបដោយប្រសិទ្ធភាព៕

អត្ថបទ៖ រស្មី

Related Topics:សុខភាព