អ្នកវិទ្យាសាស្ត្រ រកឃើញសរីរាង្គថ្មី នៅក្នុងខ្លួនមនុស្ស

អ្នកជំនាញផ្នែកមហារីកមកពីប្រទេសហូឡង់ បានរកឃើញក្រពេញថ្មីនៅក្នុងមុខមនុស្ស ដែលត្រូវបានគេហៅថាក្រពេញ Tubarial។ ការ​ស្រាវជ្រាវ​នេះ​ត្រូវ​បាន​ចុះ​ផ្សាយ​នៅ​ក្នុង​ទស្សនាវដ្ដី​ Radiotherapy and Oncology។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងការសិក្សាដើម្បីស្វែងយល់បន្ថែម អំពីដំណើរការមហារីកនៅក្នុងក្បាល និងក, អ្នកស្រាវជ្រាវបានប្រើការស្កែនជាមួយនឹងជាតិស្ករវិទ្យុសកម្ម នៅក្នុងរាងកាយ។

គ្រូពេទ្យជំនាញខាងជំងឺមហារីកបានស្កេនអ្នកជំងឺប្រហែល១០០នាក់ ហើយអ្វីដែលធ្វើឲ្យពួកគេភ្ញាក់ផ្អើលនោះគឺថា តំបន់មួយចំនួននៃមុខ បានបញ្ចេញពន្លឺក្នុងការស្កេននោះ។ ដំបូងឡើយ ពួកគេគិតថា វាជាភាពខុសប្រក្រតីមួយចំនួន ប៉ុន្តែបើតាមការពិនិត្យបន្ថែមបានបង្ហាញថា ពួកគេជួបប្រទះជាមួយនឹងផ្នែកថ្មីទាំងមូលនៃរាងកាយមនុស្ស។

ក្រពេញ Tubarial ចូលរួមក្នុងការផលិតទឹកមាត់នៅក្នុងមាត់។ សរីរាង្គថ្មីនេះ មានទំហំប្រហាក់ប្រហែលនឹងក្រពេញទឹកមាត់សំខាន់ទាំងបី។ ទោះបីជាយ៉ាងណាក៏ដោយ ពួកគេមានទីតាំងនៅផ្នែកម្ខាងនៃបំពង់របស់ច្រមុះ។

របកគំហើញនេះ គឺស្របទៅនឹងគោលបំណងចម្បងរបស់ក្រុមស្រាវជ្រាវ ដែលខំស្វែងយល់បន្ថែមអំពីជំងឺមហារីក។ ការព្យាបាលដោយជាតិវិទ្យុសកម្មដែលសម្លាប់កោសិកាមហារីក អាចបណ្តាលឲ្យមានផលវិបាកជាមួយក្រពេញទឹកមាត់ រួមទាំងក្រពេញដែលទើបរកឃើញនេះផងដែរ៕

ប្រែសម្រួល៖ Vann Vann

ប្រភព៖ Sputnik

ចុចអាន៖ អ្នកវិទ្យាសាស្រ្ត៖ ឧប្បទ្ទវហេតុនៅមន្ទីរពិសោធន៍ផ្តល់មូលនិធិដោយអាមេរិក អាចបង្កឲ្យផ្ទុះមេរោគអេបូឡា