ចិន ទទួលស្គាល់ថា ពេលការឆ្លងកូវីដឡើងដល់កម្រិតកំពូល មួយថ្ងៃរកឃើញ​ ជិត៧លានករណី (មានវីដេអូ)

អាជ្ញាធរសុខាភិបាលចិនបាននិយាយថា ការឆ្លងវីរុសកូវីដ១៩ប្រចាំថ្ងៃចំនួន ៦.៩៤លានករណី ត្រូវបានបញ្ជាក់កាលពីចុងខែមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មជ្ឈមណ្ឌលគ្រប់គ្រង និងបង្ការជំងឺចិន (CDC) បានប្រកាសកាលពីថ្ងៃពុធទី២៥ខែមករាថា ចំនួនករណីថ្មី បានឡើងដល់ចំណុចកំពូលនៅថ្ងៃទី២២ខែធ្នូ ប៉ុន្តែបានធ្លាក់ចុះដល់ ១៥០០០ករណី កាលពីថ្ងៃចន្ទ។ យ៉ាងណាក្តី ទិន្នន័យនេះ មិនរាប់បញ្ចូលតួលេខឆ្លងសរុបនៅតាមខេត្តនោះទេ។

ចំនួន​ករណី​ឆ្លងថ្មី​ មានការកើនឡើង​​ទូទាំង​ប្រទេស ​បន្ទាប់​ពី​ចិន ​បន្ធូរបន្ថយ​វិធានការ​ប្រឆាំង​មេរោគកូវីដ​នៅ​ថ្ងៃទី៧ខែធ្នូ​។ អ្នកជំនាញ CDC កាលពីសប្តាហ៍មុនបានបង្ហាញទស្សនៈថា ៨០ភាគរយនៃចំនួនប្រជាជនរបស់ប្រទេសចិន បានឆ្លងមេរោគនេះរួចទៅហើយ។

CDC និយាយថា ចំនួនអ្នកស្លាប់ទាក់ទងនឹងមេរោគឆ្លងនៅក្នុងមន្ទីរពេទ្យ បានឡើងដល់កម្រិតកំពូលកាលពីថ្ងៃទី៤ខែមករា នៅពេលករណីចំនួន ៤២៧៣ ត្រូវបានរាយការណ៍ ហើយចំនួនអ្នកស្លាប់ដែលបានបញ្ជាក់កាលពីថ្ងៃចន្ទគឺ ៨៩៦នាក់។

យោងតាម CDC, មនុស្ស ៧២៥៩៦នាក់ បានស្លាប់ដោយសារកូវីដ ចន្លោះថ្ងៃទី៨ខែធ្នូដល់ថ្ងៃទី១៩ខែមករា។ ប៉ុន្តែ​អ្នកជំនាញ​និយាយ​ថា ដោយសារ​តួលេខ​នេះ​មិន​រាប់​បញ្ចូលចំនួន​អ្នក​ស្លាប់​នៅតាមផ្ទះនោះ ចំនួន​ពិតប្រាកដ​អាច​មាន​ច្រើន​ជាង​នេះ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ NHK

ចុចអាន៖ ទីក្រុង Tianjin របស់ចិន ផ្អាកអាជីវកម្មមួយចំនួន ដើម្បីទប់ស្កាត់ការផ្ទុះ កូវីដ ថ្មី