សុខភាព
វីតាមីន D ក៏រួមចំណែកជួយប្រឆាំងនឹងជំងឺមហារីក
តើអត្ថប្រយោជន៍វីតាមីន D ពិតជាសំខាន់សម្រាប់សុខភាពយើង និង អាចប្រឆាំងនឹងជំងឺមហារីកមែនឬទេ?
រយៈពេលកន្លងមកយើងបានដឹងត្រឹមថា វីតាមីន D គឺជាសារធាតុមួយមានមុខងារសំខាន់ជួយឲ្យឆ្អឺងរឹងមាំ ពិសេសម្រាប់សុខភាពកុមារតែម្ដង ប៉ុន្ដែការសិក្សាបានរកឃើញថា សមត្ថភាពម្យ៉ាងទៀតរបស់វីតាមីន D ក៏អាចជួយការពារពីការកើតជំងឺមហារីកផងដែរ។
ជាក់ស្ដែងណាស់ វីតាមីន D គឺជាប្រភេទខ្លាញ់រលាយ ដែលត្រូវបានបែងចែកជាពីរប្រភេទគឺ វីតាមីន D ប្រភេទ ergocalciferol ដែលមាននៅក្នុងរបបអាហារ និង វីតាមីន D ប្រភេទ cholecalciferol ដែលកើតមានក្នុងរាងកាយក្រោយពេលសំយោគជាមួយពន្លឺព្រះអាទិត្យ។
វីតាមីន D អាចជួយអោយរាងកាយអាចចាប់យកកាល់ស្យូម និង ផូស្វ័រដើម្បីបង្កើនការលូតលាស់របស់ឆ្អឹងថែមទាំងធ្វើឲ្យឆ្អឹងរឹងមាំទៀតផង។ លើសពីនោះក៏ជួយពង្រឹងដល់ប្រព័ន្ធភាពស៊ាំក្នុងរាងកាយឲ្យរឹងមាំដូចគ្នា ដែលនេះជាហេតុធ្វើអោយសុខភាពយើងល្អប្រសើរ អាចប្រឆាំងនឹងមេរោគ ជំងឺផ្សេងៗបាន។ ការសិក្សាមួយបានពិសោធន៍អ្នកជំងឺមហារីកក្នុងរដ្ឋ Pennsylvania នៃសហរដ្ឋអាមេរិក ដោយបង្ហាញលទ្ធផល ក្នុងចំណោមអ្នកជំងឺទាំងនោះមាន ៧៧% ដែលកង្វះវីតាមីន D ក្នុងរាងកាយ។ នៅមានការសិក្សារកឃើញស្រដៀងគ្នាផ្សេងៗទៀត ដែលបញ្ជាក់ថាអ្នកមានជំងឺមហារីកអាចមានចំណែក នៃកង្វះវីតាមីន D ក្នុងរាងកាយ។
ជាធម្មតាក្នុងមួយថ្ងៃរាងកាយរបស់យើង ត្រូវការវីតាមីន D ក្នុងបរិមាណផ្សេងៗគ្នា ដូចជា៖
- ចាប់ពីវ័យ១៤ ដល់ ៧០ឆ្នាំ ត្រូវការ ១៥ មីក្រូក្រាម
- ចាប់ពី៧១ឆ្នាំឡើងទៅ ត្រូវការ ២០ មីក្រូក្រាម
- និងអ្នកមានផ្ទៃពោះ និង បំបៅដោះកូន ត្រូវការអាចចន្លោះពី ១៥ ទៅ ១៦មីក្រូក្រាម។
តើយើងអាចរកវីតាមីន D បានដោយរបៀបណា?
វីតាមីនD អាចរកបានតាមរយៈការត្រូវនឹងពន្លឺព្រះអាទិត្យ។ ដើម្បីទទួលបានវីតាមីនD ពីពន្លឺព្រះ អាទិត្យ មនុស្សយើងអាចចំណាយពេលត្រឹម១៥នាទីក្នុងមួយថ្ងៃនៅក្រោមពន្លឺព្រះអាទិត្យ និងត្រូវធ្វើឲ្យបានពីពីរទៅបីដងក្នុងមួយសប្ដាហ៍។ ក្រៅពីពន្លឺព្រះអាទិត្យ យើងអាចទទួលបានវីតាមីន D ពីរបបអាហារមួយចំនួនដូចជាត្រី ស៊ុត យ៉ាអួរ និងទឹកដោះគោ មានបន្ថែមវីតាមីន D ជាដើម។
គ្នាយើងមួយចំនួនអាចនឹងចង់ប្រើអាហារបំប៉នវីតាមីនD តែថាមុននឹងប្រើគួរពិភាក្សាជាមួយគ្រូពេទ្យ។ ការទទួលបានវីតាមីន D លើសកម្រិតក៏អាចបង្កទៅជាជំងឺក្រួសក្នុងតម្រងនោមផងដែរ។ មួយវិញទៀត ការត្រូវពន្លឺថ្ងៃច្រើន ក៏អាចបង្កជាបញ្ហាដល់ស្បែក ពិសេសជំងឺមហារីកស្បែក ដែលចំណុចនេះ គ្នាយើងត្រូវកំណត់ និងកម្រិតការត្រូវពន្លឺថ្ងៃតាមការណែនាំ។
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានជាតិ១២ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)