សុខភាព

កូនឈឺដល់កម្រិតណា ទើបគ្រូពេទ្យតម្រូវឲ្យព្យួរសេរ៉ូម?

បានផុស

៥ years មុន

នៅ

ថ្ងៃព្រហស្បតិ៍ ៤ កុម្ភៈ ២០២១

ដោយ

បើតាមក្បួនពេទ្យ អ្នកជំងឺមិនមែនសុទ្ធតែត្រូវឲ្យបញ្ចូលសេរ៉ូមតាមសរសៃឡើយ តែជាក់ស្ដែងយើងសង្កេតឃើញជំងឺខ្លះមានបញ្ហាបន្តិចបន្តួចតែបែរជាទាមទារការព្យួរសេរ៉ូមដែរ ទាំងស្ថានភាពមិនធ្ងន់ធ្ងរផងនោះ។ តើការព្យួរសេរ៉ូមនោះអាចធ្វើទៅបានក្នុងស្ថានភាពណាខ្លះ?

វេជ្ជបណ្ឌិត អ៊ុន យូ ឯកទេសរោគកុមារ បានឲ្យដឹងថាអ្នកជំងឺណាមួយដែលអាចព្យួរសេរ៉ូមទៅបាន ទាល់តែស្ថិតក្នុងដំណាក់កាលដូចខាងក្រោម៖

១- រាករូសខ្លាំងកម្រិតទី៣

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់អ្នកជំងឺរាករូសដែលត្រូវព្យួរសេរ៉ូមនោះ ទាល់តែចាប់ពីដំណាក់កាលទី៣ឡើងទៅ បានអនុវត្តន៍វិធីនេះបាន។ នៅពេលគ្រូពេទ្យធ្វើរោគវិនិច្ឆ័យទៅឃើញថា អ្នកជំងឺមានសភាពខ្លាំងមានទាំងក្អួត រាក គេអាចនឹងដាក់សេរ៉ូម ២ ផ្លូវឯណោះ ហើយបើអ្នករាកកម្រិតទី១ ឬទី២ ត្រូវចាប់ផ្ដើមដោយការផឹកទឹកអូរ៉ាលីត

២- ក្ដៅខ្លួន

បើកូនមានអាការៈក្ដៅខ្លួន ក៏ជាកត្តានាំឲ្យកូនបាត់បង់ជាតិទឹកដូចគ្នា ដោយជាតិទឹកនឹងបាត់បង់តាមដង្ហើម បាត់តាមសរសៃ បាត់តាមរយៈស្បែក ក៏អាចបញ្ចូលសេរ៉ូមដែរ។ ប៉ុន្តែការដាក់នេះទៀតសោតគឺក្នុងកម្រិតមួយមិនធ្វើឲ្យលើសជាតិទឹកក្នុងខ្លួនក្មេងទៅវិញទេ។

៣- ជំងឺផ្សេងៗ

ពេលខ្លះគ្រូពេទ្យដាក់សេរ៉ូមឲ្យអ្នកជំងឺ ដើម្បីជាផ្លូវចាក់ថ្នាំ ហើយបូករួមកូនញ៉ាំមិនបានគ្រប់គ្រាន់ផង កូនល្វើយ អស់កម្លាំងរលើង សន្លឹម គឺត្រូវបញ្ចូលតាមសរសៃដែរ៕

អត្ថបទផ្ដល់សិទ្ធិដោយ៖ Hellokrupet

ចុចអាន៖មូលហេតុ និងរោគសញ្ញា ដែលអាចបណ្តាលឲ្យក្តៅខ្លួនក្នុងអំឡុងពេលមានផ្ទៃពោះ

ចុចអាន៖ទងសុករុំកកូនមកពីអី? គ្រោះថ្នាក់ទេ?

Related Topics: