សុខភាព

មន្ទីរសុខាភិបាលខេត្តឧត្តរមានជ័យ ផ្តល់ការពិនិត្យភ្នែក និងព្យាបាលជំងឺភ្នែក ឥតគិតថ្លៃរយៈពេល ៥ថ្ងៃ

បានផុស

២ years មុន

នៅ

ថ្ងៃព្រហស្បតិ៍ ៨ កុម្ភៈ ២០២៤

ដោយ

មន្ទីរសុខាភិបាលខេត្តឧត្តរមានជ័យ ផ្តល់ជូនការពិនិត្យភ្នែក និងព្យាបាលជំងឺភ្នែក ដោយឥតគិតថ្លៃរយៈពេល ៥ថ្ងៃ នៅមន្ទីពេទ្យបង្អែកខេត្តឧត្តរមានជ័យ។ នេះបើតាមសេចក្តីជូនដំណឹងរបស់រដ្ឋបាលខេត្តឧត្តរមានជ័យ នៅថ្ងៃទី៦ ខែកុម្ភៈ ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីជូនដំណឹង ក្រុមគ្រូពេទ្យរបស់កម្មវិធីជាតិសុខភាពភ្នែក និងក្រុមគ្រូពេទ្យ ឯកទេសផ្នែកក្រសួងសុខាភិបាល និងក្រុមគ្រូពេទ្យនៃមន្ទីពេទ្យបង្អែកខេត្តឧត្តរមានជ័យ នឹងធ្វើការពិនិត្យភ្នែក និងព្យាបាលជំងឺភ្នែក រួមទាំងបកបាយភ្នែក ដោយឥតគិតថ្លៃ ជូនប្រជាពលរដ្ឋ ចាប់ពីថ្ងៃទី១១ ដល់ថ្ងៃទី១៥ ក្នុងមន្ទីពេទ្យបង្អែកខេត្តឧត្តរមានជ័យ។

អាស្រ័យហេតុនេះ សម្រាប់ប្រជាពលរដ្ឋដែលមានបញ្ហាសុខភាពភ្នែកទាំងអស់ អាចទៅទទួលការព្យាបាលភ្នែក ដោយឥតគិតថ្លៃ៕