ព័ត៌មានជាតិ

ប្រកាសផ្លូវការពីក្រសួងសុខាភិបាល៖ អ្វីត្រូវដឹងក្រោយចាក់វាក់សាំងរួច

បានផុស

៥ years មុន

នៅ

ថ្ងៃពុធ ៣១ មីនា ២០២១

ដោយ

ក្នុងពេលដែលប្រទេសកម្ពុជាកំពុងបើកយុទ្ធនាការចាក់វ៉ាក់សាំងបង្ការជំងឺកូវីដ ១៩ ដល់ប្រជាពលរដ្ឋ ក្រសួងសុខាភិបាលបានចេញសេចក្តីណែនាំពីប្រសិទ្ធភាពវ៉ាក់សាំង រួមទាំងផលរំខានមួយចំនួនដែលអាចកើតឡើងក្រោយចាក់វ៉ាក់សាំងរួច។

ផលរំខានខ្លះៗដែលអាចកើតឡើង ក្រោយពេលចាក់វ៉ាក់សាំងរួចរួមមាន៖

-ឈឺ ឬមានហើមតិចតួចនៅកន្លែងចាក់ ក្តៅខ្លួន ស្រៀវស្រាញ អស់កម្លាំង ឈឺក្បាល ឈឺសាច់ដុំ ឈឺសន្លាក់ វិលមុខ ដែលនឹងបាត់ទៅវិញ ក្នុងរយៈពេលពីរទៅបីថ្ងៃ។ អ្នកអាចលេបថ្នាំបំបាត់ការឈឺចាប់ ឬថ្នាំបញ្ចុះកម្តៅ ប្រសិនអ្នកមិនមានបញ្ហាសុខភាពដែលពេទ្យហាម មិនឲ្យលេបថ្នាំប្រភេទនោះ។
-ប្រសិនឈឺនៅចំកន្លែងចាក់ អាចស្អំជាមួយក្រណាត់សើមត្រជាក់ដែលស្អាត។
-កុំលេបថ្នាំបំបាត់ការឈឺចាប់ ឬថ្នាំបញ្ចុះកម្តៅ មុនពេលចាក់វ៉ាក់សាំង ដើម្បីការពារផលរំខាន។
-ផឹកទឹកឲ្យបានច្រើន និងបរិភោគអាហារដែលមានជីវជាតិគ្រប់គ្រាន់។

+បន្តអនុវត្ត ៣ ការពារ ៣ កុំ មាន៖

-ពាក់ម៉ាសគ្របមាត់ និងច្រមុះ
-លាងដៃឲ្យបានញឹកញាប់
-រក្សាគម្លាត ១.៥ ម៉ែត្រឡើងទៅពីអ្នកទៃ

-កុំទៅទីកន្លែងមានមនុស្សច្រើន
-កុំទៅកន្លែងបិទជិតគ្មានខ្យល់ចេញចូល
-កុំប៉ះពាល់ ចាប់ដៃ ឬអោបគ្នា