KPT+
យុវវ័យ បើនៅតែមើលស្រាល នោះ Delta នឹងវាយលុកក្នុងសហគមន៍ កាន់តែខ្លាំងក្លាជាងមុន
លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលបានថ្លែងថា វីរុសកូវីដ១៩ ប្រភេទអាល់ហ្វា បានវាយលុកក្នុងប្រទេសកម្ពុជា ប៉ុន្តែថ្មីៗនេះវីរុសបំប្លែងខ្លួនថ្មី Delta ក៏កំពុងវាយលុកយ៉ាងសកម្ម នៅក្នុងសហគមន៍តាមកន្លែងជាដុំៗ ។ ពិភពលោកកំពុងមានការព្រួយបារម្ភខ្លាំង ប្រភេទវីរុស Delta ដោយសារការចម្លងមានល្បឿនលឿន ។
អង្គការសុខភាពពិភពលោក (WHO) បានសម្ដែងការព្រួយបារម្ភថា កូវីដត្រូវបានរីករាលដាលជាទូទៅ លើក្រុមមនុស្សមានអាយុពី ២០ ទៅ ៤០ ឆ្នាំ ដែលពួកគេភាគច្រើនមិនបានដឹងអំពីការឆ្លង។ ប្រការនេះធ្វើឲ្យក្រុមមនុស្សទាំងនោះ ចុះខ្សោយលឿន និងកាន់តែងាយឆ្លង Delta។
ដោយឡែកសម្រាប់ប្រទេសកម្ពុជាយើងវិញ ខណៈ Deltaកំពុងរាលដាលឆ្លងចូលក្នុងសហគមន៍កាន់តែច្រើន ក្នុងនោះដែរ គេក៏ឃើញយុវវ័យនិងយុវជនស្រករក្រោយ ដែលនិយមភ្លើតភ្លើនពពាក់ពពូនប្រមូលផ្ដុំគ្នា តាមហាងកាហ្វេ ហាងអាហារហូបចុក ហាងផឹកស៊ីនិងកន្លែងផ្សេងៗទៀត កកកុញមនុស្សមិនភ័យខ្លាចមេរោគសូម្បីតែបន្តិចណា។
ចូលមកដល់ពេលវេលានេះអ្នកណាក៏មានហានិភ័យដែរ បើមិនចេះការពារខ្លួន មិនប្រយ័ត្ន និងមើលស្រាលជំងឺគិតថាមិនអី។ បើយុវជនម្នាក់ៗមើលរំលងវិធីសាស្ត្ររបស់ក្រសួងសុខាភិបាល ហើយគិតថា ឲ្យតែពាក់ម៉ាសបាញ់អាកុលពេលចេញក្រៅ គឺបានហើយ នោះវីរុសបំប្លែងខ្លួន Delta នឹងវាយលុកក្នុងសហគមន៍កាន់តែខ្លាំងក្លាជាងមុនទ្វេដង។
បើទោះបីជាយើង ត្រូវរស់នៅជាមួយមេរោគក្ដី តែយើងក៏ត្រូវចេះការពារខ្លួនឯង និងអ្នកជុំវិញខ្លួន ចេះប្រុងប្រយ័ត្ននិងមានវិន័យក្នុងការរស់នៅ ក្នុងសម័យរាតត្បាតនេះ។
យុវវ័យ ជាទំពាំងស្នង មិនមែនជាជនចម្លងមេរោគទៅកាន់គ្រួសារឡើយ។ ចូរធ្វើអ្វីឲ្យមានប្រយោជន៍ ជួយដល់ប្រទេសជាតិ ក្នុងវិបត្តិនេះ។ ម្នាក់ៗត្រូវទទួលខុសត្រូវលើខ្លួនឯងរៀងៗខ្លួន ទាំងទំនួលខុសត្រូវសង្គម និងទំនួលខុសត្រូវសម្រាប់គ្រួសារ ៕
អត្ថបទ៖ សាង ស្រីល័ក្ខ
ចុចអាន៖សភាពការណ៍កំពុងខិតចូលបន្ទាត់ក្រហម ពលរដ្ឋម្នាក់ៗ មានទំនួលខុសត្រូវយ៉ាងណា ដើម្បីជួយសង្គម
ចុចអាន៖មូលហេតុដែលយុវវ័យ មានសន្ទុះនៃការឆ្លងកូវីដលឿន ជាងមនុស្សចាស់
ចុចអាន៖អ្នកជំនាញ WHO បញ្ជាក់ថា ក្រុមមនុស្សអាយុពី ២០ ទៅ ៤០ ឆ្នាំ មិនបង្ហាញរោគសញ្ញា គឺងាយនឹងឆ្លងកូវីដ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ