KPT+

ធ្លាប់មានអារម្មណ៍ល្ហិតល្ហៃ ខួរក្បាលប្រែជាទទេស្អាតភ្លាមៗដែរទេ?

បានផុស

៥ years មុន

នៅ

ថ្ងៃសុក្រ ១៧ កញ្ញា ២០២១

ដោយ

ភាពល្ហិតល្ហៃគឺជាស្ថានភាពមួយដែលខ្វះការលើកទឹកចិត្ត គ្មានគោលដៅក្នុងជីវិត ឬអារម្មណ៍ប្រែជាទទេស្អាត មិនចង់ធ្វើអ្វីទាំងអស់។ នេះជាបញ្ហាសុខភាពផ្លូវចិត្តទូទៅ ជាពិសេសនៅក្នុងកំឡុងពេលកូវីដ ដែលកម្រិតនេះគឺខុសពីធម្មតា ឬជំងឺងាយនឹងអស់កម្លាំង ធ្លាក់ទឹកចិត្តតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មូលហេតុនៃភាពទទេស្អាតក្នុងខួរក្បាល

វេជ្ជបណ្ឌិត chavit tanweerachaisakul មកពីមន្ទីរពេទ្យជូឡាឡុងកន ប្រទេសថៃ បាននិយាយថា វាបណ្ដាលមកពីអារម្មណ៍នឿយហត់ ព្យាយាមធ្វើអ្វីមួយជាយូរមកហើយ ប៉ុន្តែមិនអាចផ្លាស់ប្ដូររឿងដែលធ្វើនោះបាន។

រោគសញ្ញានៃភាពទទេស្អាត

– មានអារម្មណ៍ធុញទ្រាន់ ប៉ុន្តែមិនមែនតប់ប្រមល់ខ្លាំងឡើយ គឺនៅមានអារម្មណ៍ថាចង់ធ្វើអ្វីជាច្រើន ប៉ុន្តែគ្រាន់តែគ្មានអារម្មណ៍ នឹងធ្វើ ឬធុញគ្រប់យ៉ាងតែម្ដង។

-លែងមានអារម្មណ៍សប្បាយ ដូចជាសុខៗប្រែជាសោកសៅ ឬពោរពេញដោយអារម្មណ៍ទុកព្រួយខ្លាំង។

-មានអារម្មណ៍ថាជីវិតគ្មានគោលបំណង ប៉ុន្តែមិនអស់សង្ឃឹម។ ការសិក្សារៀនសូត្រ ការងារ គឺលែងពេញលេញដូចអ្វីដែលធ្លាប់ធ្វើពីមុនមក។

វិធីដោះស្រាយជាមួយភាពទទេស្អាត

-ព្យាយាមធ្វើសកម្មភាពសប្បាយៗ ដូចជារៀនភាសា ឬរៀនជំនាញថ្មីសម្រាប់ខ្លួនឯង។

-កំណត់គោលដៅតូចៗនៅក្នុងជីវិត និងយកឈ្នះលើវា ដូចជាការកំណត់គោលដៅសម្រាប់រៀបចំបន្ទប់ឡើងវិញ ឬមានផែនការសម្រកទម្ងន់ជាដើម។

-ស្វែងរកពេលវេលាដើម្បីធ្វើសកម្មភាពដែលអ្នកចូលចិត្ត ដោយបែងចែកពេលវេលាផ្ទាល់ខ្លួន ហើយគ្មានការរំខានពីនរណាម្នាក់ ឬឧបករណ៍អេឡិចត្រូនិកផ្សេងទៀត ។

-នៅឲ្យឆ្ងាយពីមនុស្សអវិជ្ជមាន មនុស្សកេងចំណេញលើយើង និងមនុស្សនាំតែភាពមិនល្អ ក្ដៅក្រហាយឲ្យយើង។ ធ្វើដូចនេះ ទើបអារម្មណ៍របស់អ្នក អាចធូរស្បើយមកធម្មតាវិញ ចំណែកខួរក្បាលក៏ប្រែជាមានតែរឿងល្អៗចូលមកដែរ៕

អត្ថបទ៖ សាង ស្រីល័ក្ខ

ចុចអាន៖មនុស្សយើងតែងតែមានជម្រើស ប្រសិនយើងហ៊ានសម្រេចចិត្ត

ចុចអាន៖ការប្រជែងហួសហេតុ នឹងបំផ្លាញខ្លួនឯង

Related Topics:សុខភាពផ្លូវចិត្ត