តារានិករទាំង ១២ ខ្លាចរឿងប៉ុន្មាននេះជាងគេ ក្នុងជីវិតប្រចាំថ្ងៃ

និយាយអំពីចិត្តសាស្ត្រមើលឱ្យដឹងចរិតឬកពារអ្នកដទៃនៅសម័យនេះ មិនពិបាកពេកឡើយ ដោយគ្រាន់តែព្យាយាមអានច្រើនបន្តិច អ្នកច្បាស់ជាស្គាល់បុគ្គលម្នាក់ទៀតបានប្រសើរជាងមុនមិនខាន។ ក្នុងនោះ ក្បួនចិត្តសាស្ត្រ ក៏បានលើកឡើងខ្លះៗពីការមើលចរិតមនុស្ស តាមរយៈតារានិកររបស់គេផងដែរ។

ក្នុងអត្ថបទនេះ នឹងបង្ហាញជូនខ្លីៗអំពីចរិតមួយផ្នែកនៃតារានិករទាំង​១២ ​ថាតើពួកគេខ្លាចអ្វីជាងគេក្នុងជីវិតប្រចាំថ្ងៃ។ តោះ! មកអាន!

តារានិករ Capricorn

ក្រុមនេះចិត្តបាន ចូលចិត្តនៅជាកណ្ដាល។ ខ្លាចជាងគេ ខ្លាចថាមិនអាចទទួលបានជោគជ័យ ខ្លាចភាពងងឹត និងភាពឯកោ។

តារានិករ Aquarius

ក្រុមនេះ ខ្លាចធ្វើឲ្យអ្នកដទៃឈឺចាប់ដោយសារខ្លួន មិនចូលចិត្តទម្លាប់ដដែលៗ ព្រោះវាជារឿងគួរឲ្យធុញរបស់គេ ប៉ុន្តែគេខ្លាចខ្លួនឯងមិនអាចជួយអ្វីអ្នកផ្សេងបាន។

តារានិករ Pisces

គេជាមនុស្សត្រង់ ទើបគេរមែងខ្លាចជួបមនុស្សពុតត្បុតជាទីបំផុត។ ក្រៅពីនោះ ខ្លាចខ្លួនឯងមិនអាចចូលមិនចុះចំណោមជាមួយអ្នកដទៃ។

តារានិករ Aries

គេជាមនុស្សពិបាកស្មានចិត្ត តែស្រួលយកចិត្ត។ យ៉ាងណាគេក៏មានអ្វីដែលខ្លាចដែរ គឺខ្លាចបាត់បង់មនុស្សជាទីស្រឡាញ់ ខ្លាចអំពើផិតក្បត់ ហើយខ្លាចបាត់បង់សេរីភាព។

 តារានិករ Taurus

ស្ដាប់ទៅអាចកំប្លែង តែជារឿងពិតដែលTaurus តែងតែខ្មោច ស្ទើរគ្រប់កន្លែងដែលស្ងាត់ ឬសូម្បីតែគេនិយាយរឿងខ្មោច។ មួយវិញទៀត គេរអាជាមួយនឹងការផ្លាស់ប្ដូរនានា។

តារានិករ Gemini

ធីមនេះ ​ខ្លាចបំផុត ខ្លាចអ្នកផ្សេងមិនទទួលស្គាល់គំនិតរបស់ខ្លួន ឬខ្លាចជួបមនុស្សចិត្តចង្អៀតចង្អល់។ អ្វីដែលគួរឱភ្ញាក់ផ្អើលក្រុម Gemini ខ្លាចខ្ពស់ខ្លាំងណាស់ កម្ពស់តែពីរបីម៉ែត្រអីហ្នឹង ញ័រជើងបាត់ហើយ។

តារានិករ Cancer

Cancer ជាមនុស្សស្លូត ដូច្នេះក្រុមនេះខ្លាចជាងគេ គឺមានអ្នកផ្សេងរើសអើង រួមគ្នាសម្លុតធ្វើបាបខ្លួន។ គេក៏ជាមនុស្សស្រឡាញ់បងប្អូន មិត្តភក្តិ អញ្ចឹងហើយគេខ្លាចបាត់បង់មនុស្សដែលខ្លួនស្រឡាញ់ជាទីបំផុត។

តារានិករ Leo

Leo ជាក្រុមនុស្សរឹងមាំ និងចិត្តល្អ តែគេក៏តែងតែខ្លាចអ្នកផ្សេងមិនអើពើនឹងខ្លួន ព្រមទាំងខ្លាចភាពបរាជ័យខ្លាំងផងដែរ។

តារានិករ Virgo

ខ្លាច មនុស្សជុំវិញខ្លួនបោះបង់ខ្លួនចោល ខ្លាចមនុស្សផិតក្បត់ ​រឹតរែខ្លាចមនុស្សបង្កជម្លោះដែលគ្មានហេតុផល។

តារានិករ Libra

គេជាមនុស្សចិត្តទូលាយ និងរួសរាយរាក់ទាក់។ គួរឱ្យអស់សំណើចណាស់ ដែលក្រុម Libra ខ្លាចខ្លួនឯងចាស់ ហើយក៏ខ្លាចអ្នកផ្សេងកុហកខ្លួន និងខ្លាចការនៅម្នាក់ឯង។

តារានិរករ Scorpio

Scorpio ​ជាមនុស្សស្ងប់ស្ងាត់បន្តិច និងឆាប់ចូលចំណោមគេណាស់។ ទោះជាចូលចំណោមមនុស្សងាយក៏ដោយ ក៏គេខ្លាចធ្លាយអាថ៌កំបាំងខ្លាំងជាងអ្វីៗទាំងអស់ ជាពិសេសខ្លាចបាត់បង់សេរីភាព និងភាពឯកជនរបស់ខ្លួន។

តារានិករ Sagittarius

ធីមមនុស្សស្មោះ គឺធីមនេះឯង។ បែបនេះហើយ ទើបបានជាគេខ្លាចការផិតក្បត់ ខ្លាចថាមិនអាចបំពេញតម្រូវការខ្លួនឯងបាន និងខ្លាចក្នុងការបើកចិត្តបង្ហាញអារម្មណ៍ឲ្យអ្នកដទៃឃើញ៕

ប្រែសម្រួល៖ សន្យា

ចុចអាន៖ មក​មើល​ចំណុចខ្សោយ​តារានិករទាំង១២ ហេតុអ្វី​ពួកគេ​ឧស្សាហ៍​កើតទុក្ខ

ចុចអាន៖ តើតារានិករទាំង ១២ ជួបសំណាងល្អឬអាក្រក់បែបណា ក្នុងខែតុលានេះ?