KPT+

៦ សំណួរ សួរខ្លួនឯង មុនពេលចង់ក្លាយជាគិលានុបដ្ឋាយិកា

បានផុស

៥ years មុន

នៅ

ថ្ងៃសៅរ៍ ៦ វិច្ឆិកា ២០២១

ដោយ

សាង ស្រីល័ក្ខ

មានហេតុផលជាច្រើន ដែលសិស្សនិស្សិតមួយចំនួន កំពុងពិចារណាថាគួរចូលទៅក្នុងវិស័យថែទាំអ្នកជំងឺ ឬត្រូវរៀនជំនាញផ្សេងវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដូច្នេះ មុននឹងសិស្សទាំងអស់ស្រលាញ់ជំនាញថែទាំ សាកល្បងមកឆ្លើយសំណួរសំខាន់ៗចំនួន ៦ ចំពោះខ្លួឯងជាមុនសិន។

១ តើខ្ញុំមានការការអត់ធ្មត់ប៉ុណ្ណាជាមួយអ្នកជំងឺ?

មុនចង់ក្លាយជាគិលានុបដ្ឋាយិកា សួរខ្លួនឯងថា តើចរិតលក្ខណៈសំខាន់បំផុតរបស់អ្នកជំនាញគិលានុបដ្ឋាយិកា គឺជាអ្វី ?គិលានុបដ្ឋាយិកាមួយរូប ត្រូវធ្វើការលះបង់យ៉ាងជិតស្និទ្ធជាមួយមនុស្សដែលឈឺ ឬរបួស ដោយមិនអាចដកឃ្លាបានឡើយ។ ជាគ្រូពេទ្យត្រូវមានការយល់ដឹង និងយល់ពីតម្រូវការ តូចធំរបស់អ្នកឈឺជានិច្ច។ ដែលទាំងនេះគេហៅថា ការអត់ធ្មត់របស់គ្រូពេទ្យ ជាមួយអ្នកជំងឺ។ ប្រសិនបើសិស្សឬអ្នកមានបំណងចង់សិក្សាជំនាញនេះ ហើយអាចឆ្លងផុតវគ្គនេះបាន ចឹងយើងបន្តទៅសំណួរទី ២ ម្ដង។

២ តើខ្ញុំស្គាល់មុខងារដែលត្រូវធ្វើទេ?

កាតព្វកិច្ចជាគិលានុបដ្ឋាយិកា ដែលអ្នកគួរដឹងមុនពេលចូលឧស្សាហកម្មថែទាំសុខភាព ភាគច្រើនមិនរីករាយដូចការងារអ្នកដទៃទេ។ ជាឧទាហរណ៍ អ្នកនឹងត្រូវសម្អាត និងស្លៀកពាក់ឈុតដដែលៗជាញឹកញាប់ ជួយងូតទឹកឲ្យអ្នកជំងឺ និងសម្អាតពូកជាដើម។ ចំពោះការងារនេះ អាចគួរឲ្យខ្លាចនៅពេលដំបូង។ តែយ៉ាងណា អ្នកក៏ត្រូវរំលឹកខ្លួនឯងថា នេះជាមុខងារនិងតួនាទីក្នុងនាមជាគ្រូពេទ្យថែទាំអ្នកជំងឺ។

៣ ជាញឹកញាប់ គិលានុបដ្ឋាយិកានឹង ៖

-ចូលរួមចំណែកក្នុងការបង្កើត និងអនុវត្តផែនការថែទាំសម្រាប់អ្នកជំងឺរបស់ខ្លួន។
-អប់រំអ្នកជំងឺអំពីរបៀបថែទាំខ្លួនឯង ពេញមួយជីវិតរបស់ពួកគេ ក៏ដូចជារបៀបគ្រប់គ្រងលក្ខខណ្ឌរបស់ពួកគេ។
-ផ្ដល់ដំបូន្មាន ទាក់ទងនឹងការផ្លាស់ប្តូររបៀបរស់នៅសំខាន់ៗ ដើម្បីកែលម្អសុខុមាលភាពអ្នកជំងឺ។
-ដើរតួនាទីនាំមុខ ក្នុងការធ្វើតេស្តរាងកាយ។
-ចូលរួមក្នុងការវិនិច្ឆ័យ ជាពិសេសនៅពេលនិយាយអំពីការបញ្ជាទិញ និងការបកស្រាយលទ្ធផលតេស្ត។
-ចេញវេជ្ជបញ្ជាថ្នាំ និងណែនាំអ្នកជំងឺនៅពេលណា និងរបៀបលេបថ្នាំ។
-ថែរក្សាការចូលអ្នកជំងឺ ការផ្ទេរ និងការរំសាយចេញ
-ធ្វើការបញ្ជូនទៅកាន់អ្នកអនុវត្តការថែទាំសុខភាពផ្សេងទៀត ប្រសិនបើការថែទាំឯកទេស ឬមតិទីពីរត្រូវបានទាមទារ។

៤ តើខ្ញុំស្លេកស្លាំង ឬឆាប់ស្លុតស្មារតីដែរទេ?

ការធ្វើជាគិលានុបដ្ឋាយិកា មានន័យថា យើងត្រូវតែប៉ះវត្ថុរាវមួយចំនួនដាច់ខាត ដែលមនុស្សដទៃអាចមានអារម្មណ៍ច្របូកច្របល់ ខ្ពើម ឬមិនចង់ធ្វើ ដូចជាទឹកនោម ក្អួត ឈាម និងលាមក អ្នកឈឺ ។ ការដោះស្រាយជាមួយសារធាតុរាវក្នុងរាងកាយទាំងនេះ គឺជាផ្នែកមួយនៃជីវិត ក្នុងនាមអ្នកប្រកបរបរថែទាំ ហើយមិនមានវិធីណាមួយ ដែលយើងមិនធ្វើនោះទេ។ ដូច្នេះហើយ ប្រសិនបើយើងតស៊ូបាន យើងក៏អាចក្លាយជាគិលានុបដ្ឋាយិកា បានល្អបំផុត បើទ្រាំមិនបាន នៅទិដ្ឋភាពនេះទេ ប្រញាប់ប្ដូរការងារឬរៀនជំនាញណាស្រាលៗចុះ ។

៥ តើអ្វីជាចំណុចខ្លាំងរបស់ខ្ញុំ?

នៅពេលអ្នកចាប់ផ្ដើមអាជីពជាគិលានុបដ្ឋាយិកាដំបូង អ្នកនឹងមានឱកាសស្វែងយល់ពីទិដ្ឋភាពផ្សេងៗជាច្រើន នៃការថែទាំសុខភាព ដែលអាចជួយអ្នកក្នុងការសម្រេចចិត្តថា តើគួររៀនជំនាញនេះឬអត់ ។ នេះជារឿងល្អបំផុត ក្នុងការវិភាគភាពខ្លាំង និងចំណង់ចំណូលចិត្តខ្លួនឯង មុនពេលយើងសម្រេចចិត្តថា ដាក់ពាក្យចូលរៀននៅសាលាគិលានុបដ្ឋាយិកា។

៦ តើចំនុចខ្សោយរបស់ខ្ញុំមានអ្វីខ្លះ?

ប្រសិនបើអ្នកដឹង និងយល់ពី ចំណុចខ្សោយរបស់ខ្លួនឯង មុនពេលចាប់ផ្តើមការសិក្សា អ្នកនឹងមានពេលវេលាគ្រប់គ្រាន់ដើម្បីធ្វើការកែលម្អវា និងមុនពេលចូលទៅក្នុងពិភពការងារដែលមានទិដ្ធភាពជាក់ស្ដែងតែម្ដង៕

ប្រែសម្រួល៖ សាង ស្រីល័ក្ខ

ចុចអាន៖មួយថ្ងៃៗអង្គុយរៀនតែក្នុងផ្ទះ វិធីទាំងនេះ ផ្ដល់ភាពស្រស់ស្រាយដល់ខួរក្បាលខ្លះ