Connect with us

KPT+

៥ វិធី ជួយឲ្យអារម្មណ៍ស្រស់ស្រាយ បំបាត់ភាពតានតឹងភ្លាមៗ

បានផុស

នៅ

ប្រសិនបើយើងស្ថិតក្នុងភាពតានតឹង ឬទទួលដឹងឮដំណឹងអាក្រក់ច្រើនពេក សូមព្យាយាមធ្វើខ្លួនឯងឲ្យស្រស់ស្រាយ និង​កាត់បន្ថយ​ភាព​នឿយហត់នៃ​ខួរក្បាលខ្លះ ព្រមជាមួយនឹងការឲ្យ​រាងកាយ​សម្រាកជាមួយវិធីសាស្រ្ត​ផ្សេងៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ ចូរផ្លាស់ទីរាងកាយបន្តិចម្ដង

ការធ្វើចលនា នឹងបញ្ចេញអរម៉ូន endorphins អាចជះឥទ្ធិពលជាវិជ្ជមានដល់អារម្មណ៍ វាក៏ជួយស្តារថាមពល​ឡើងវិញផងដែរ។ វា​ជា​ការពិត ហើយដូចដែលយើងបាននិយាយជាមួយអ្នកប្រើប្រាស់ APAC នៅក្នុង Inertia Health Survey អ្នកប្រើប្រាស់ ៤៧% បាននិយាយថា ការហាត់ប្រាណ ពិតជាធ្វើ​ឲ្យ​សុខភាព​ផ្លូវ​ចិត្ត​របស់​ពួកគេ​ប្រសើរ​ឡើង។

២ បរិភោគអាហារដែលមានជីវជាតិ

អាហារគឺជាប្រភពថាមពល និងជួយឲ្យ​រាងកាយរបស់យើង​មានថាមពលក្នុងការធ្វើសកម្មភាព​បានពេញលេញ។ ការស្រាវជ្រាវបានរកឃើញ អំឡុង​ពេល​នៃ​ការ​ផ្ទុះឡើង ការលក់អាហារសម្រន់ដែលមិនមានសុខភាពកើនឡើង ព្រោះ​មនុស្ស​រក​អាហារ​ងាយ​រក និង​ងាយ​ញ៉ាំ។ មូលហេតុចម្បងដែលអ្នកប្រើប្រាស់ ទទួលទានអាហារ​មិនសូវមានសុខភាព វាបណ្តាលមកពីការញ៉ាំ និងហឹរនៅពេលមានអារម្មណ៍ថប់បារម្ភ និងស្ត្រេស។

ប៉ុន្តែ​យើងក៏​គួរតែ​ញ៉ាំ​អាហារ​ដែលមាន​តុល្យភាព និង​ផ្តល់​សារធាតុចិញ្ចឹម​ចាំបាច់​ សម្រាប់​សកម្មភាព​ផ្សេងៗ​។ ក្នុងជីវិតប្រចាំថ្ងៃ និងលើកកម្ពស់ រួមជាមួយនឹងការថែរក្សាសុខភាព ។ របបអាហារដែលមានសុខភាពល្អ ផ្តល់​ឲ្យ​រាងកាយរបស់អ្នកនូវសារធាតុចិញ្ចឹម វីតាមីន និងសារធាតុរ៉ែដែលវាត្រូវការដើម្បីដំណើរការ។

៣ គេងឲ្យបានគ្រប់គ្រាន់

ការគេងគឺជាគន្លឹះក្នុងការផ្តល់ថាមពលដល់ខ្លួនឯង។ ការរៀបចំកន្លែងគេង គឺជាគន្លឹះនៃការគេងឲ្យបានល្អ។ ដូច្នេះ​អ្នក​មិន​មាន​អារម្មណ៍​ចង់​ធ្វើ​ការងារ ឬ​ចំណូល​ចិត្ត​ផ្សេង​ទៀត​នៅ​ក្នុង​បន្ទប់​គេង។ សម្រាកពីការអេក្រង់ទូរសព្ធ អានសៀវភៅ​ ផឹកតែរុក្ខជាតិមួយពែង ឬអាចងូតទឹកក្តៅមុនគេងក៏បាន។

៤ ទាក់ទងនិងនិយាយជាមួយអ្នកដទៃ

ការនិយាយជាមួយមិត្តភក្តិ ឬសាច់ញាតិ មិនថាសើចនិងជជែក ឬមានទំនាក់ទំនងជាមួយអ្នកដទៃ នឹងជួយលើកកំពស់សុខភាពរបស់យើង។ វាជួយយើងឲ្យឆ្លងកាត់គ្រាលំបាក មិនថាជាការនិយាយទូរស័ព្ទ ការផ្ញើសារ ការជជែកគ្នា ឬសរសេរសំបុត្រទៅកាន់មិត្តចាស់នៅសាលានោះទេ។ ការភ្ជាប់ទំនាក់ទំនងជាមួយមនុស្សផ្សេងទៀត នឹងជួយអ្នកឲ្យមានអារម្មណ៍ល្អ កែលម្អសុខភាពផ្លូវចិត្ត ក៏ដូចជាសុខភាពរាងកាយ ជួយឲ្យអ្នកមានភាពស្រស់ថ្លាឡើងវិញ។

៥ ផ្តល់ពេលវេលាដល់ខ្លួនឯង

ការស្វែងរកពេលវេលាផ្ទាល់ខ្លួន សូម្បីតែត្រឹមតែ ៣០ នាទី ក៏អាចមានឥទ្ធិពលវិជ្ជមានទៅលើអារម្មណ៍ និងថាមពលរបស់អ្នក។ ដើរចូលទៅក្នុងព្រៃ ឬស្វែងរកអ្នកជិតខាងថ្មី ឆ្លៀតពេលចូលបន្ទប់ បិទភ្លើង ហើយដកដង្ហើមវែងៗ ឬចាប់យកសៀវភៅមកអាន​ ហើយរកកន្លែងស្ងប់ស្ងាត់ ដើម្បីសម្រាកកាយ និងផ្លូវចិត្ត។

នៅក្នុងគ្រាលំបាក អ្នកត្រូវសម្រាកខ្លះ​ ជាមួយខ្លួនឯងតាមមធ្យោបាយផ្សេងៗដែលអ្នកគិតថាល្អបំផុត។ ខណៈពេលដែលអ្នកមានអារម្មណ៍អស់កម្លាំង គឺត្រូវផ្តោតលើការថែរក្សាទាំងសុខភាពផ្លូវកាយ និងផ្លូវចិត្ត មិន​ថា​ញ៉ាំ​អាហារ​ដែល​មាន​ជីវជាតិ ហាត់​ប្រាណ រក​ពេល​នៅ​ម្នាក់​ឯង ឬសើចសប្បាយជាមួយមិត្តភក្តិ រាងកាយរបស់យើងត្រូវការបញ្ចូលថាមពល និងថាមពលឡើងវិញជារៀងរហូត៕

ប្រែសម្រួល៖ សាង ស្រីល័ក្ខ

ចុចអាន៖អនុវត្ត​វិធី ៦ យ៉ាង​នេះ​​ ដើម្បី​បន្ធូរ​អារម្មណ៍​តានតឹង​ ទោះ​មាន​ពេល​តែ ១០ នាទី​ក៏​ដោយ

ចុចអាន៖បើ​ភ្ញាក់​មក​​អស់​កម្លាំង​សោះ​កក្រោះ​ពេក អាច​អនុវត្ត​វិធី​នេះ​នឹង​បាន​ស្រស់ស្រាយ​មុន​ទៅ​ធ្វើការ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

គម្រោងស្ថាបនាផ្លូវក្រវាត់ក្រុងទី៣ គិតរហូតមកទល់ពេលនេះ សម្រេចវឌ្ឍនភាពការងារបាន ៧៣,៧០%ហើយ

KPT+៣ ម៉ោង មុន

នេះជាការពិត ដែលពិធីបុណ្យប្រពៃណីឥណ្ឌា មានអ្នកចាក់ទម្លុះម្ជុលពេញដងខ្លួន មិនខ្លាចឈឺ

កីឡា៤ ម៉ោង មុន

កីឡាករ​កូនកាត់​ខ្មែរ​អាមេរិក១​រូប​ កំពុង​ត្រូវ​បាន​អ្នក​ស្នេហា​វិស័យ​បាល់ទាត់ ចង់ឃើញ​ចូល​ក្រុម​ជម្រើសជាតិ​កម្ពុជា

ព័ត៌មានជាតិ៤ ម៉ោង មុន

៥​ឆ្នាំ​ចុង​ក្រោយនេះ ខេត្ត​ព្រះសីហនុ​សម្រេចបាន​សមិទ្ធ​ផល គួរ​ជាទី​មោទនៈ ធ្វើ​ឲ្យ​ខេត្ត​មួយ​នេះ ប្រែ​មុខមាត់​កាន់តែ​ល្អ​ប្រសើរ​ឡើង

ព័ត៌មានជាតិ៤ ម៉ោង មុន

តំណាង​បក្ស​ប្រជាជន ជួប​សន្ទនា​ជាមួយ​ប្រតិភូ​សហភាព​អឺរ៉ុប ដើម្បី​ផ្លាស់ប្ដូរ​បទ ពិសោធន៍ នៃ​យុទ្ធនាការ​ឃោសនាបោះឆ្នោត​

Sokha Hotels

ព័ត៌មានពេញនិយម