Connect with us

KPT+

ហេតុផលបែបនេះសោះ ទើបមនុស្សបច្ចុប្បន្ន​និយមដំណើរកម្សាន្ត​បោះតង់

បានផុស

នៅ

ទេសចរណ៍បោះតង់ បានកើនប្រជាប្រិយភាពចាប់តាំងពីឆ្នាំ ២០០៦ ជាពិសេសនៅក្នុងប្រទេស អាល្លឺម៉ង់ ហើយ​កំពុង​កើន​ឡើង​ដល់​ទៅ ២,៥ ភាគរយ​ក្នុង​មួយ​ឆ្នាំ។

ការ​បោះ​តង់ ​បាន​ក្លាយ​ជា​ជម្រើស​ថ្មី​​ សម្រាប់​អ្នក​ដែល​ចង់​ធ្វើ​ដំណើរ​ ដោយ​មិន​មាន​ហានិភ័យ​ជួប​មនុស្ស​ ឬ​ស្នាក់​នៅ​កន្លែង​ដែល​អ្នក​មិន​ដឹង​ពី​របៀប​គ្រប់គ្រង ​និង​ធ្វើ​ឲ្យ​អ្នក​ទទួល​បាន​បទពិសោធន៍ ​ដែល​មិនធ្លាប់​ជួប​ពី​មុន​មក។

១ ទទួលបាន​អនុស្សាវរីយ៍​កាល​ពី​កុមារ​ភាព

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ទើរតែមនុស្សភាគច្រើន ​បាន​ចំណាយ​ពេល​មួយ​ចំនួន ​ក្នុង​ការ​ធ្វើ​ដំណើរ​ដោយការបោះតង់ យ៉ាងហោច​ណាស់​មួយយប់ហើយអាចជាក្រុម​មនុស្ស​ដែល​មាន​អាយុ​ចន្លោះពី ២៥-៥៥ ឆ្នាំ ​មិនថាពួកគេជា​ក្មេងជំទង់ ឬបានចូលដល់​វ័យ​អាយុឪពុកម្តាយ។ ពួកគេច្បាស់ជាធ្លាប់ឆ្លងកាត់បទពិសោធន៍​បោះ​តង់​មួយចំនួន។

សម្រាប់ហេតុផលនេះ ឪពុកម្តាយនាពេលបច្ចុប្បន្ននេះ ចង់បង្កើតអនុស្សាវរីយ៍ជាមួយគ្រួសាររបស់ពួកគេ។ មនុស្ស​ដែល​ឈាន​ចូល​ដល់​វ័យ​ធ្វើ​ការ​ តែង​តែ​ចង់​រស់​នៅ​ពេល​រាត្រី​សប្បាយ​ៗ។ ដូច្នេះការត្រលប់ទៅបោះ​តង់​វិញ គឺដូចជាការត្រលប់ទៅយុវវ័យរបស់អ្នកវិញ ។ មិនថាបច្ចេកវិទ្យារីកចម្រើនប៉ុណ្ណានោះទេ ប៉ុន្តែ​មនុស្ស​នៅ​តែ​នឹក​ដល់​ធម្មជាតិ​ដើម​របស់​ខ្លួន។

២ ទទួល​បាន​​សេរីភាព​ជា​របស់​ខ្លួន

សព្វថ្ងៃនេះ មនុស្សក្នុងសង្គមត្រូវទទួលបន្ទុក និង​សម្ពាធ​តាំងពីការទំនាក់ទំនង ប្រព័ន្ធ​ផ្សព្វផ្សាយ​សង្គម ការសិក្សា ការងារ ពួកគេមានទំនោរគិតពីកន្លែងលាក់ខ្លួន ដើម្បីបានភាព​ស្ងប់ស្ងាត់។ ហើយ​ការ​ធ្វើ​ដំណើរ​បោះ​តង់​ ហាក់​ដូច​ជា​ជម្រើស​ដ៏​ស័ក្ដិសម​បំផុត។ ការ​បោះតង់​​ គឺជាការផ្សងព្រេងនៅគ្រប់ជំហាននៃការធ្វើដំណើរ។ សំខាន់ជាងនេះ​ទៅទៀត គឺ​នៅ​ជាមួយ​ក្រុមគ្រួសារ និង​មិត្តភ័ក្ដិ​ ការធ្វើដំណើរ​ទាំងនោះ ធ្វើ​ឲ្យ​ពួកគេអាចនិយាយ និង​យល់ចិត្តគ្នា​ទៅវិញទៅមក ជាពិសេស​មើលឃើញខ្លួនឯងកាន់តែច្រើនជាងមុន។

៣ ក្លាយ​ជា​ឱសថ​ព្យាបាល​ផ្លូវចិត្ត​យ៉ាងប្រសើរ

ពីមុនទេសចរណ៍​ជា​មធ្យោបាយ​បំបាត់ទុក្ខ​ និង​មានប្រជាប្រិយភាព​មួយ​រយៈ។ ប៉ុន្តែសព្វថ្ងៃនេះ ការ​បោះ​តង់ជាក្ខណៈដំណើរកម្សាន្ត​ បាន​ក្លាយ​ទៅ​ជា​ការ​ធ្វើដំណើរ​ដែល​ព្យាបាលទាំងការ​ថែរក្សាសុខភាព ​​ផ្លូវកាយ និង​ផ្លូវចិត្តផងដែរ។

៤ ជា​ដំណើរ​កម្សាន្ត​មួយចាយប្រាក់តិច ​ទទួល​បាន​បទពិសោធន៍ច្រើន

មូលដ្ឋាន​នៃ​ការ​បោះតង់​ គឺ​ជា​ដំណើរ​កម្សាន្ត​ដែល​មាន​តម្លៃ​ថោក​សមរម្យ។ ព្រោះ​អ្នក​មិន​ត្រូវ​ចំណាយ​លើ​ការ​ស្នាក់នៅ អាហារ ប៉ុន្តែ​ការ​រៀបចំ​តង់​សម្រាប់​គេង​ក្នុង​តំបន់ ​ដែល​អាច​ត្រូវ​ចំណាយ​លើ​ការ​ថែទាំ​ខ្លះ។ ចំពោះតង់​ដែល​ប្រើ​ហើយ ​និង​អាច​ប្រើ​បាន​រហូត ​ខណៈពេល​ដែល​យើង​ចង់​ទៅ​បោះម្ដង​ទៀត។

ទាំងនេះហើយ គឺជាហេតុផលមួយក្នុងចំណោមហេតុផល​ ដែលធ្វើ​ឲ្យ​ទេសចរណ៍ប្រភេទនេះ នៅតែពេញនិយម និងមិន​ហួសសម័យ។ វាបានប្រយោជន៍ច្រើន មិនថាបទពិសោធន៍ និងភាពរឹងមាំផ្លូវចិត្ត។

៥ ជា​ដំណើរ​ផ្សងព្រេង​ដ៏​អស្ចារ្យ

ជីវិត​ធម្មតា​របស់​មនុស្សភាគច្រើន គឺធ្វើទម្លាប់ដដែលៗជារៀងរាល់ថ្ងៃ ជួនកាល​មាន​ន័យថា ​ពឹង​ផ្អែក​លើ​អ្នក​បច្ចេកទេស​ ឬអ្នក​ដែល​មាន​សមត្ថភាព​ជាក់លាក់​ក្នុង​ការគ្រប់គ្រង ពេល​ខ្លះ​អ្នក​នឹង​មាន​អារម្មណ៍​ថា អ្នកមិនអាចពឹងលើខ្លួនឯង​បាន​ទេ។ ប៉ុន្តែ​ការ​ធ្វើ​ដំណើរ​ទៅ​បោះ​តង់ ​អ្នកត្រូវ​តែ​ធ្វើអ្វី​គ្រប់យ៉ាង​ដោយ​ខ្លួនឯង​ដូចជា ​​ថែរក្សា​សុវត្ថិភាព​ខ្លួន​ឯង និង​អ្នក​ដែល​ធ្វើ​ដំណើរ​ជាមួយ​គ្នា ​ចម្អិន​អាហារ​ក្នុង​ព្រៃដោយ​គ្មាន​សម្ភារៈ​គ្រប់គ្រាន់។ ​ទាំងអស់នេះ នឹង​អនុញ្ញាត​ឲ្យ​អ្នក​ប្រើ​សភាវគតិ​រស់រាន​មានជីវិត​របស់​​អ្នក ​ទៅ​នឹង​ធម្មជាតិ ​ដែល​គេ​ហៅ​ថា​បទពិសោធន៍​ជីវិត៕

ប្រែសម្រួល៖ សាង ស្រីល័ក្ខ

ចុចអាន៖ដោយសារ​តែ​កត្តា​សន្តិភាព ដំណើរ​ទេសចរ​ណ៍​ផ្សងព្រេង​បោះតង់​កំពុង​ពេញនិយម​នៅ​ខេត្តកំពង់ស្ពឺ​

ចុចអាន៖ប្រសិន​ត្រូវ​វង្វេងផ្លូវ ពេលដើរកម្សាន្តក្នុងព្រៃ ​គួរធ្វើយ៉ាងណាខ្លះ?

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៤ នាទី មុន

សម្ដេចតេជោ ៖ ការកសាងទីក្រុងឆ្លាត ដែលមានការប្រើប្រាស់បច្ចេកវិទ្យាឌីជីថល និងភាពបៃតងគឺជាទិសដៅដ៏ត្រឹមត្រូវ

ព័ត៌មានជាតិ២១ នាទី មុន

វ័យជាង ៥០​ ឆ្នាំ​ ស្រ្តី​ម្នាក់​លក់​បុកល្ហុ​ង​តាម​ផ្លូវ សប្បាយចិត្តពេល​ភ្ញៀវ​សរសើរ​ឆ្ងាញ់ម្តងៗ​

ព័ត៌មានជាតិ៤៤ នាទី មុន

ស្វែងយល់​ពីប្រវត្តិកិច្ចប្រជុំ​អភិបាលរាជាធានី ​រដ្ឋធានី និងវេទិកាអភិបាលក្រុងអាស៊ាន

ព័ត៌មានជាតិ៥៨ នាទី មុន

ក្រុង​បាត់ដំបង ត្រៀមសាងសង់វិមានឯករាជ្យ និងបង្កើតផ្សាររាត្រីថ្មី

ព័ត៌មានអន្ដរជាតិ៥៩ នាទី មុន

លោក Xi Jinping ឲ្យបញ្ចៀសការឡើងកម្ដៅថែមទៀតក្នុងជម្លោះនៅ អ៊ុយក្រែន

Sokha Hotels

ព័ត៌មានពេញនិយម