KPT+

ប្រសិនត្រូវវង្វេងផ្លូវ ពេលដើរកម្សាន្តក្នុងព្រៃ គួរធ្វើយ៉ាងណាខ្លះ?

បានផុស

៦ years មុន

នៅ

ថ្ងៃអង្គារ ២៩ ធ្នូ ២០២០

ដោយ

មនុស្សជាច្រើន ជាពិសេសយុវវ័យចូលចិត្តដំណើរកម្សាន្តបែបផ្សងព្រេងទៅក្នុងព្រៃជ្រៅៗក្នុងពេលបច្ចុប្បន្ននេះដោយសារអារម្មណ៍ចង់ស្និទ្ធជាមួយធម្មជាតិ ប៉ុន្តែពេលកំពុងដើរលេង ស្រាប់តែវង្វេងរកផ្លូវ ចេញវិញមិនរួច តើគួរធ្វើយ៉ាងណា?

ធ្វើអារម្មណ៍ឲ្យស្ងប់

ជំហានដំបូងដែលត្រូវធ្វើគឺត្រូវជឿជាក់ខ្លួនឯងជាមុនសិន ដោយតាំងអារម្មណ៍កុំឲ្យឆោឡោ កុំឲ្យភាពភ័យខ្លាចគ្របដណ្តប់ បើពុំនោះយើងនឹងរកនឹកអ្វីមិនចេញ ហើយធ្វើអ្វីក៏មិនត្រូវ។

បន្សល់ដានច្បាស់ៗ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលដែលវង្វេងផ្លូវក្នុងព្រៃ ត្រូវព្យាយាមបង្កើតដានដែលស្រួលចំណាំសម្រាប់ក្រុមសង្គ្រោះអាចងាយរក និងជាវិធីអាចត្រឡប់មកកន្លែងដើមវិញនៅពេលដឹងថាខ្លួនដើរខុសផ្លូវ។

ចំណាំគន្លងព្រះអាទិត្យ

ចងចាំថា ព្រះអាទិត្យរះនៅខាងកើតហើយលិចនៅទិសខាងលិច និងចំណាំទិសដែលបានឆ្លងកាត់ ព្រោះយើងអាចរកផ្លូវមកវិញបានលឿន ដោយមើលទៅតាមទិសដៅនៃព្រះអាទិត្យ។

បង្កាត់ភ្នក់ភ្លើង

បើវង្វេងស្របពេលនឹងព្រះអាទិត្យលិចដែរ បង្កាត់ភ្នក់ភ្លើងជាវិធីល្អមួយអាចផ្ដល់សញ្ញាឲ្យក្រុមសង្គ្រោះអាចរកយើងឃើញ ហើយក៏អាចការពារគ្រោះថ្នាក់ពីសត្វសាហាវផងដែរ។

ស្វែងរកប្រភពទឹក នៅពេលដែលទឹកឬ អាហារដែលយកទៅជាមួយមិនគ្រប់គ្រាន់ ត្រូវស្វែងរកប្រភពទឹកដែលនៅក្បែរៗមកផឹកដើម្បីដោះទាល់សិន បើទោះបីទឹកក្នុងព្រៃមិនមានស្អាតគ្មានសុវត្ថិភាពក៏ដោយ។

មើលតាមផ្កាយ(Polaris)

សាកមើលទៅលើមេឃនៅពេលយប់ បើវាស្រឡះល្អ ហើយស្វែងរកផ្កាយមួយដែលមានមាឌធំជាងគេ និងភ្លឺជាងគេ។ បើកំពុងនៅទល់មុខនឹងវា នោះមានន័យថា យើងនៅទល់នឹងទិសខាងជើង។ នេះក៏សញ្ញាមួយ ជួយយើងឲ្យរកទិសត្រឡប់មកវិញបានដូចគ្នា។

មើលស្លែនៅនឹងដើមឈើឬថ្ម

ធម្មតាព្រះអាទិត្យរះពីទិសខាងកើតទៅកាន់ទិសខាងលិចដោយរៀងជ្រេតាមគន្លងទិសខាងជើង។ ការដែលព្រះអាទិត្យមិនអាចជះពន្លឺគ្រប់គ្រាន់ទៅគ្រប់ទិស នឹងធ្វើឲ្យស្លែដុះលើដើមឈើឬថ្មនៅជ្រុងម្ខាងដែលគ្មានពន្លឺគ្រប់គ្រាន់ ហើយទិសគ្មានស្លែ គឺទិសខាងជើង។

ប្រើផែនទីឬ ត្រីវិស័យ