KPT+

លួចស្រលាញ់យូរប៉ុណ្ណា ទើបខាងប្រុសៗ ដាច់ចិត្តសារភាព?

បានផុស

៥ years មុន

នៅ

ថ្ងៃអង្គារ ១៥ ធ្នូ ២០២០

ដោយ

Sonya

លង់ស្រលាញ់ប៉ុន្មានថ្ងៃ ទើបភាគីខាងបុរសព្រមសារភាព?

ចម្លើយ៖ អាស្រ័យលើប្រភេទមនុស្សនិងស្ថានភាពជាក់ស្តែង។ មនុស្សខ្លះ អាចនឹងមានអាការៈ ស្ទាក់ស្ទើរដូចខ្ញុំ ព្រោះ អៀន ព្រោះមិនមានទំនុកចិត្ត ព្រោះខ្លចថាគេនឹងបដិសេធ ឬខ្លាចថាមនុស្សគេស្រលាញ់ឡូយជាងយើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វាអាស្រ័យសំខាន់ថា តើមនុស្សប្រុសហ្នឹងជាអ្នកណា មានថានៈអ្វី ហើយទុកចិត្តខ្លួនឯងអត់?ខាងស្រីក៏ជាភាគីំជំនួយដែរ !

មនុស្សស្រីខ្លះ ធ្វើឱ្យខាងប្រុសមានអារម្មណ៍ថា នាងក៏ចូលចិត្តគេវិញដែរ មុនពេលនាំទៅដល់ការសារភាព។ តែមនុស្សស្រីខ្លះ ប្តូរមិនទៀងទាត់ទេ ម្តងល្អ ម្តងគេច ម្តងលេងសើចឌឺដង ម្តងព្រងើយកន្តើយ ប្រុសណាគេហ៊ានសារភាព បើខ្ញុំអត់សោះ!

ការបាននិយាយគ្នាញឹកញាប់ងាយចាប់អារម្មណ៍ដឹងចិត្តគ្នាដោយសម្ងាត់បាន។

បើគ្មានតម្រុយ បុរសៗពិតណាស់មិនហ៊ានប្រថុយនិយាយដាច់ខាត ព្រោះការបាក់មុខជារឿងដ៏ឈឺចាប់មួយក្នុងបេះដូងមនុស្សប្រុស។

សំណូមពររបស់ខ្ញុំ គឺសុំឱ្យស្រីៗទទួលគេក្នុងនាមជាមិត្តភក្តិសិន។ បង្កើតការដើរលេងធម្មតា តែកុំប្រញាប់សួរថា នេះជាការណាត់ជួបបែបគូស្នេហ៍ដែរអត់?

ការធ្វើឱ្យភាគីទំាងសងខាង មានផាសុខភាពពេលនៅក្បែរៗគ្នាជារឿងដ៏សំខាន់មួយ។

បើវាមិនវិវត្តរ៍អ្វី នៅត្រឹមមិត្តល្អ ចំណែកបើវាដំណើរការល្អ ហើយមានអារម្មណ៍ចង់ឃើញគ្នារាល់ថ្ងៃ ខាងប្រុសនឹងមិនរង់ចាំទេ គេច្បាស់ជារកឱកាសដើម្បីសារភាព ហើយបើយើងមានចិត្តលើគេដែរបង្ករឱកាសនោះឱ្យគេទៅ តែប្រសិនបើក្នុងករណីមិនចង់បន្តទំនាក់ទំនងនេះ ប្រាប់គេត្រង់ៗកុំឱ្យលង់ជ្រៅជាងហ្នឹង ប្រាប់ថាយើងមានបុរសក្នុងសុបិនរួចហើយ តែជាមនុស្សផ្សេង ធ្វើយ៉ាងណាឱ្យគេយល់ថា មិនត្រូវសារភាពនោះទេ៕

ដោយ Mr Tomorrow

ចុចអាន៖ ធ្វើយ៉ាងណាបាន ពេលបេះដូងកំពុងនឹកគេស្ទើរស្លាប់?

ចុចអាន៖ ៩សញ្ញាបង្ហាញថាគេលួចស្រលាញ់អ្នក តែខំលាក់មិនឲ្យដឹង