KPT+
ព្រឹត្តិការណ៍ប្រវត្តិសាស្រ្ត កើតឡើងចំថ្ងៃ ៥ ឧសភា
ពីមួយថ្ងៃទៅមួយថ្ងៃ មានរឿងច្រើនរាប់មិនអស់ បានកើតឡើងទូទាំងពិភពលោក ហើយរឿងខ្លះត្រូវបានគេចាត់ទុកថាជាព្រឹត្តិការណ៍ប្រវត្តិសាស្រ្តទៀតផង។
ចុះតើអ្នកដឹងទេ នៅថ្ងៃទី៥ខែឧសភា មានព្រឹត្តិការណ៍ប្រវត្តិសាស្រ្តអ្វីខ្លះ ត្រូវបានគេកត់ត្រាទុក? តោះទៅមើលជាមួយ កម្ពុជាថ្មី ទាំងអស់គ្នា!
ឆ្នាំ១៩៨៨ – តារាចម្រៀង Adele
តារាចម្រៀងប៉ុបជនជាតិអង់គ្លេស និងជាអ្នកនិពន្ធបទចម្រៀង Adele បានចាប់កំណើត។
ឆ្នាំ ១៩៦១ – Alan Shepard, Jr
លោក Alan Shepard, Jr. បានធ្វើការហោះហើររយៈពេល១៥នាទីនៅក្នុងយានអវកាស Freedom 7 ដោយក្លាយជាអវកាសយានិកអាមេរិកដំបូងគេ ដែលធ្វើដំណើរក្នុងលំហអាកាស។
ឆ្នាំ១៩៤៥ – គ្រាប់បែកប៉េងប៉ោងរបស់ជប៉ុន
ពេលកំពុងពិសាអាហារលើភ្នំ Gearhart នៃរដ្ឋ Oregon, មនុស្សចំនួន៦នាក់បានស្លាប់ បន្ទាប់ពីគ្រាប់បែកបាឡុងរបស់ជប៉ុន ផ្ទុះ។ នោះគឺជាការស្លាប់តែមួយលើកគត់ ដោយសកម្មភាពរបស់សត្រូវ ដែលកើតឡើងនៅអាមេរិក កំឡុងសង្គ្រាមលោកលើកទីពីរ។
ឆ្នាំ១៩២៧ – ទាហានអាមេរិក និងអាល្លឺម៉ង់ រួមគ្នាប្រយុទ្ធជាសម្ព័ន្ធមិត្ត
ទាហានអាមេរិក និងទាហានអាល្លឺម៉ង់ បានរារាំងការវាយលុករបស់កងកម្លាំង Waffen-SS លើបន្ទាយដ៏រឹងមាំមួយក្នុងទីក្រុង Tirol នៃប្រទេសអូទ្រីស ជាកន្លែងដែលអ្នកទោសបារាំង ត្រូវបានចាប់ខ្លួនដោយពួកណាស៊ី។ ដោយត្រូវបានគេស្គាល់ថាជាសមរភូមិ Castle Itter, វាត្រូវបានគេគិតថា ជាពេលវេលាតែមួយគត់ដែលអាមេរិក និងអាល្លឺម៉ង់ បានរួមគ្នាប្រយុទ្ធជាសម្ព័ន្ធមិត្ត ក្នុងអំឡុងសង្គ្រាមលោកលើកទីពីរ។
ឆ្នាំ១៨៦២ – ថ្ងៃបុណ្យជាតិ Cinco de Mayo
ប្រទេសម៉ិកស៊ិក បានបណ្តេញកងកម្លាំងបារាំងរបស់ស្តេច ណាប៉ូឡេអុងទី៣ នៅសមរភូមិ Puebla ដែលជ័យជម្នះនោះ បានក្លាយជានិមិត្តរូបនៃការតស៊ូចំពោះការត្រួតត្រារបស់បរទេស ហើយឥឡូវនេះត្រូវបានប្រារព្ធជាថ្ងៃបុណ្យជាតិ Cinco de Mayo។
ឆ្នាំ ១៨១៣- ទស្សនវិទូសាសនាដាណឺម៉ាក
ទស្សនវិទូសាសនាដាណឺម៉ាក Søren Kierkegaard ដែលត្រូវបានគេចាត់ទុកថាជាស្ថាបនិកនៃទស្សនវិជ្ជាអត្ថិភាពនិយម បានចាប់កំណើតនៅក្នុងទីក្រុង Copenhagen។
ឆ្នាំ ១៨០៩ – ស្ត្រីដំបូងគេ ទទួលបានប៉ាតង់ សហរដ្ឋអាមេរិក
ដោយសារបច្ចេកទេសនៃការត្បាញចំបើងជាមួយនឹងសូត្រ, Mary Kries បានក្លាយជាស្ត្រីដំបូងគេ ដែលបានទទួលប៉ាតង់របស់សហរដ្ឋអាមេរិក។ ដំណើរការនេះត្រូវបានគេប្រើយ៉ាងទូលំទូលាយក្នុងការបង្កើតមួក និងគ្រឿងពាក់លើក្បាលផ្សេងទៀត។
១៧៨៩ – បដិវត្តន៍បារាំង
នៅដើមបដិវត្តន៍បារាំង សភា Estates-General បានកោះប្រជុំជាលើកដំបូងចាប់តាំងពីឆ្នាំ ១៦១៤ នៅវិមាន Versailles ហើយបានពិភាក្សាគ្នាអំពីតួនាទីរបស់ប្រជាជនសាមញ្ញឋានៈទី៣។
ឆ្នាំ១៦៤០ – ស្តេច Charles ទី១ រំលាយសភា
ស្តេច Charles ទី១នៃប្រទេសអង់គ្លេស បានរំលាយសភាខ្លី។ នោះជាសភាដំបូងគេដែលត្រូវបានកោះប្រជុំក្នុងរយៈពេល១១ឆ្នាំ៕
ប្រែសម្រួល៖ Vann Vann
ចុចអាន៖ ជីកកកាយព្រឹត្តិការណ៍ប្រវត្តិសាស្រ្តដែលកើតឡើងចំថ្ងៃ ៤ ឧសភា
-
ព័ត៌មានជាតិ២៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល