Connect with us

KPT+

ចរិតលក្ខណៈ ៥ យ៉ាង របស់គូស្នេហ៍ ដែលបញ្ចាក់ថា គាត់ស្រលាញ់អ្នកស្មោះខ្លាំង

បានផុស

នៅ

ការ​ស្វែង​រក​ដៃ​គូ​ដែល​គ្រាន់​តែ​និយាយថាចូល​ចិត្ត និង​ស្រលាញ់​គឺ​ងាយ​ស្រួល ប៉ុន្តែ​ដៃ​គូ​ដែល​ស្មោះ​ត្រង់​​ ពិត​ជា​មិន​ងាយ​ស្រួល​ឡើយ។ ព្រោះ​ចិត្ត​ស្មោះ​នឹង​នៅ​ជាមួយ​អ្នក ​មិន​ថា​ពេល​លំបាក​ឬ​សប្បាយ ។ ដូច្នេះ​ហើយ ប្រសិន​បើ​អ្នក​បាន​ជួប​ដៃគូ​ដែល​ស្រលាញ់​ស្មោះ ចូរ​ថែរក្សា​ឲ្យ​បាន​ល្អ ហើយ​កុំ​ទុក​ចោល ព្រោះ​សម័យ​នេះ ​ពិបាក​រក​មនុស្ស​ស្មោះ​ណាស់។

ទន្ទឹម​នោះ​​​ ដៃគូ​ដែល​ស្រឡាញ់​គ្នា​ដោយ​ស្មោះ ​មាន​លក្ខណៈ ៥ យ៉ាង ដែលយើង​អាច​សំគាល់ដឹង​បាន៖

១ តែងអម​ដំណើរយើង​ក្នុង​គ្រា​លំបាក

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចរិតលក្ខណៈ​របស់​ដៃគូ​ដែល​ស្រលាញ់​​គ្នា​អស់​ពី​ចិត្ត គឺ​​តែងកំដរ​អ្នក​ក្នុង​គ្រា​លំបាកណាមួយ។ ព្រោះ​ពេល​មាន​នរណា​ម្នាក់​ចង់​នៅ​ជាមួយ​អ្នក​ដោយ​ស្មោះ មិន​ថា​ក្នុង​កាលៈទេសៈ​ណា​ ក៏​មិន​អាច​ធ្វើ​ឲ្យ​គាត់​រង្គោះរង្គើ​ចិត្ត​បាន​​ដែរ។ ដៃគូ​ស្មោះត្រង់​ នឹង​ព្យាយាម​ជួយ​អ្នក​ឲ្យ​ក្រោក​ឡើង ហើយ​កំដរ​រហូតដល់​យើង​អាច​ត្រលប់​មក​ភាព​ដើម​វិញ។ ដូច្នេះហើយ ប្រសិនបើដៃគូរបស់អ្នក​ នៅ​ស្មោះស្ម័គ្រ​ដើម្បី​កំដរ​អ្នក​ក្នុង​គ្រា​រីករាយ ឬ​លំបាក នោះ​ជា​សញ្ញា​បង្ហាញថា គាត់ពិតជា​ស្រលាញ់​អ្នក​ដោយ​ស្មោះ​ពិតមែន។

២ ជ្រើសរើស​បន្ត និង​ជួសជុល​ទំនាក់ទំនង​នៅ​ពេល​មាន​បញ្ហា

ប្រសិនបើ​​មាន​បញ្ហា ដៃគូ​តែងចង់កែលម្អជាជាងការបែកគ្នា នោះក៏ជា​សញ្ញា​ថា​ គាត់​ស្រឡាញ់​អ្នក​អស់​ពី​ចិត្ត។ ព្រោះ​អ្នក​ដែល​ស្មោះ​ត្រង់​នឹង​មិន​ងាយ​សម្រេច​ចិត្ត​ចាកចេញ​ពេល​មាន​បញ្ហា។ អ្នក​គួរ​ដឹង​គុណ ​ប្រសិន​បើ​អ្នក​មាន​មនុស្ស​បែប​នេះ​ជា​ដៃ​គូ​។ ព្រោះ​ក្រៅ​ពី​ស្រលាញ់​​ដោយ​ស្មោះ គាត់​ក៏​យល់​ពី​របៀប​រស់​នៅ​ជាមួយ​យើងផងដែរ។

៣ ព្យាយាមស្វែងយល់ពីចំណុចល្អ និងអាក្រក់ផ្ទាល់ខ្លួនរបស់​យើង

ចរិត​លក្ខណៈ​របស់​ដៃគូស្មោះត្រង់​ ក៏ត្រូវបានមើលឃើញផងដែរ ​ពីរបៀបដែលគាត់​ព្យាយាម​យល់​អំពី​ល្អ និងអាក្រក់ផ្ទាល់ខ្លួនរបស់អ្នក។ នៅ​ដំណាក់កាល​នេះ ដៃគូយើង​មិន​ងាយ​វិនិច្ឆ័យថាយើងមានចរិតបែបណាទេ​​ ប៉ុន្តែ​គាត់​ព្យាយាម​យល់​ថា យើង​​ជា​អ្វី​។ ព្រោះ​អ្នក​ដែល​ស្រឡាញ់​ពិត​ប្រាកដ​ នឹង​ចង់​ស្គាល់​អ្នក​ឲ្យ​កាន់តែ​ស៊ីជម្រៅ និង​ចង់​ដឹង​ថា​អ្នក​ពិត​ជា​អ្វីសម្រាប់គាត់។ ដូច្នេះហើយ ប្រសិនបើអ្នកកំពុងណាត់ជួបឬមានដៃគូ ប៉ុន្តែគាត់​ខ្ជិលស្វែងយល់​ពីផ្នែក​ផ្ទាល់ខ្លួន​របស់អ្នក ហើយមានទំនោរមិនចង់យល់ នោះជាសញ្ញាបង្ហាញថា គាត់ពិតជា​មិន​ស្មោះត្រង់ ​ឬមិនបានស្រលាញ់អ្នកទេ។

៤ មិន​ទាមទារ និងទាញយកប្រយោជន៍ពីអ្នក

ដៃគូដែលស្រលាញ់យើង​អស់ពីចិត្ត គឺជាមនុស្សដែលមិនដែល​ទាមទារ​អ្វីពីអ្នក ហើយក៏មិន​ដែល​ទាញ​យក​ផល​ប្រយោជន៍​ពី​អ្នកដូចគ្នា។ នេះ​ជា​ភស្តុតាង​បញ្ជាក់​ថា​ គាត់​ស្រឡាញ់​និង​មាន​ទំនាក់ទំនង​ជាមួយ​អ្នក​មិនមែន​ដោយសារ​គាត់​ចង់​។ ទោះ​យ៉ាងណា​ សម័យនេះ​ពិបាក​រក​ដៃគូ​បែបនេះ​ណាស់ ព្រោះ​មនុស្ស​ខ្លះ​ចូល​មក​ទាញ​យក​ប្រយោជន៍​ពី​ដៃគូ​ឬ​បាន​សម្លឹង​ឃើញ​អ្វី​ដែល​យើង​មាន។ ដូច្នេះ​ប្រសិន​បើ​អ្នក​រក​ឃើញ​ស្នេហា​ដូច​ដែល​បាន​រៀបរាប់ អាច​និយាយ​ថា​ អ្នក​មាន​សំណាង​ណាស់​ ដែល​ជួប​នាង ​ឬ​គាត់។

៥ មិន​បំបាក់​មុខ​ដៃគូ​នៅ​ចំពោះ​មុខ​អ្នកដទៃ

លក្ខណៈចុងក្រោយរបស់ដៃគូ ដែលពិតជាស្រលាញ់​ពិតប្រាកដនោះគឺថា ​ពួកគេមិន​ដែល​ធ្វើឲ្យម្ខាង​ទៀត​​​មើលទៅអាក្រក់ក្នុងក្រសែភ្នែកអ្នកដទៃឡើយ។ ជាទូទៅគាត់តែងបង្ហាញ​ពីអ្នក ទៅកាន់ផ្សេងអំពីរឿងល្អៗ។ ជាពិសេសគាត់ ការពារ​អ្នក​ប្រសិនបើ​មាន​មនុស្ស​និយាយ​អាក្រក់​ពី​អ្នក។ ព្រោះដៃគូ​ដែល​ស្រលាញ់​​ស្មោះ ប្រាកដជានឹងព្យាយាមរក្សាកិត្តិយស​របស់​ម្ខាងទៀត ​ឲ្យ​អស់​ពី​សមត្ថភាពដែលគេមាន។

យ៉ាងណាមិញ​ ប្រសិន​បើ​ដៃគូ​អ្នក​បច្ចុប្បន្ន​នេះ​មាន​លក្ខណៈ​ទាំង ​៥ ​យ៉ាង​ ដូច​ដែល​បាន​រៀបរាប់​ នោះ​អ្នក​ពិតជា​សំណាង​ណាស់ ​ដែល​ត្រូវ​បាន​គេ​ស្រលាញ់​ពេញ​បេះដូង​បែបនេះ។ ដូច្នេះ​ត្រូវចេះ​រក្សា​ទំនាក់ទំនង​នេះ ​ឲ្យ​នៅ​គង់វង្ស​ និងដាក់ចិត្តឲ្យទាបបំផុត ប្រសិនបើមានជម្លោះណាមួយកើតឡើង៕

ប្រែសម្រួល៖ សាង ស្រីល័ក្ខ

ចុចអាន៖ហេតុផល ៥ យ៉ាង បង្ហាញថា អ្នកនិងដៃគូ មិនអាចសាងអនាគតរួមគ្នាបានទេ

ចុចអាន៖ទំនាក់ទំនងពោរពេញដោយការកុហក ចុងក្រោយ នឹងទទួលបានបែបនេះក្នុងជីវិត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម