KPT+

ទំនាក់ទំនងពោរពេញដោយការកុហក ចុងក្រោយ នឹងទទួលបានបែបនេះក្នុងជីវិត

បានផុស

៤ years មុន

នៅ

ថ្ងៃព្រហស្បតិ៍ ៩ មិថុនា ២០២២

ដោយ

ការមានទំនាក់ទំនងល្អជាមួយដៃគូរបស់អ្នក មិនមែនជារឿងងាយស្រួលនោះទេ។ ពេលខ្លះមានរឿងជាច្រើន ដែលត្រូវត្រៀមខ្លួនប្រឈមមុខ រួមទាំងរឿងអាក្រក់ផងដែរ។

ចំនុចសំខាន់មួយនៃទំនាក់ទំនងមិនល្អ ជារឿយៗត្រូវបានកំណត់លក្ខណៈដោយទំនាក់ទំនង ដែលពោរពេញទៅដោយការកុហក។ យ៉ាងណាមិញ ដើម្បីចៀសវាងបញ្ហានេះ អ្នកត្រូវតែយល់ពីសញ្ញាដំបូង នៅពេលដែលទំនាក់ទំនងពោរពេញទៅដោយការកុហក។

១ អារម្មណ៍នៃការជឿទុកចិត្តត្រូវបានបាត់បង់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការជឿទុកចិត្តគឺជាដើមទុន ជាមូលដ្ឋានធំក្នុងការកសាងទំនាក់ទំនងដែលមានសុខភាពល្អ និងរក្សាបានគង់វង្សជានិរន្តរ។ ការទុកចិត្តប្រៀបដូចជាគ្រឹះមួយ ដែលធ្វើឲ្យទំនាក់ទំនងកាន់តែរឹងមាំ ហើយមិនងាយរង្គោះរង្គើផងដែរ។ ប៉ុន្តែប្រសិនបើទំនាក់ទំនងរបស់អ្នកជាមួយដៃគូពោរពេញទៅដោយការកុហក។ វាអាចទៅរួចដែលថា ការទុកចិត្តគ្នានឹងរលាយបាត់ ហើយត្រូវបានជំនួសដោយការកុហកគ្នា។

២ ទំនាក់ទំនងចាប់ផ្ដើមមានអារម្មណ៍ណាយពីគ្នា

ប្រសិនបើទំនាក់ទំនងរបស់អ្នកទាំងពីរ ពោរពេញទៅដោយការកុហក មិនថារឿងកាក់ល្អិត នោះនឹងបណ្ដាលឲ្យភាគីម្ខាងៗមានអារម្មណ៍ផ្ទាល់ខ្លួនឡើងមក។ ជាពិសេស នេះហើយជាអ្វីដែលធ្វើឲ្យទំនាក់ទំនងចាប់ផ្ដើមមានអារម្មណ៍ណាយចិត្តពីគ្នា បើដូច្នេះមែន វានឹងពិបាកក្នុងការបន្តទំនាក់ទំនងប្រកបដោយសុខភាពល្អណាស់។

៣ ពិបាកក្នុងការបែងចែករវាងរឿងស្មោះត្រង់ និងរឿងកុហក

គ្មាននរណាម្នាក់ចង់កុហកទេ ប៉ុន្តែការកុហកនឹងធ្វើឲ្យដៃគូលែងទុកចិត្តអ្នកទៀតហើយ។ បញ្ហានេះនឹងបណ្ដាលឲ្យអារម្មណ៍ប្រែជាច្របូកច្របល់ ពេលមានទំនាក់ទំនងបែបនេះ។ តាមពិត មិនមែនជាញឹកញាប់ទេ ដែលពួកគេនឹងពិបាកបែងចែករវាងរឿងស្មោះត្រង់ និងការកុហក។ វានឹងបណ្តាលឲ្យមានភាពមិនស្រួល នៅក្នុងទំនាក់ទំនងដោយស្វ័យប្រវត្ត។

៤ មិនអាចមើលឃើញ ភាពច្បាស់លាស់នៃទំនាក់ទំនង

អ្នកប្រាកដជារំពឹងថានឹងមានទំនាក់ទំនងច្បាស់លាស់ជាមួយអនាគត។ ប៉ុន្តែ មិនមែនគូស្វាមីភរិយាទាំងអស់អាចដឹងរឿងនេះដោយប្រយ័ត្នប្រយែងនោះទេ។ ទំនាក់ទំនងដែលផ្អែកលើការភូតភរ ជាបន្តបន្ទាប់នឹងបង្កឲ្យមានអារម្មណ៍ច្របូកច្របល់។ នេះក៏នឹងធ្វើឲ្យអនាគតនៃទំនាក់ទំនង ដែលទាក់ទងគ្នាមិនច្បាស់លាស់ឡើងមក។

៥ ការផ្ដល់ឲ្យគ្នាទៅវិញទៅមក មិនមែនជាអាទិភាពទៀតទេ

នៅពេលដែលអ្នកមានទំនាក់ទំនងជាមួយដៃគូរបស់អ្នក អ្នកហាក់ដូចជាកំពុងព្យាយាមផ្ដល់អាទិភាពដល់គ្នាទៅវិញទៅមក។ បើបែបនេះមែននោះ ប្រាកដជាមិនមានចិត្តចង់កុហកឡើយ។ ប៉ុន្តែ នៅពេលដែលការផ្ដល់ឲ្យគ្នាទៅវិញទៅមកលែងជាអាទិភាព វានឹងងាយស្រួលក្នុងការបញ្ចូលការកុហកបានដោយងាយវិញ។ ប្រសិនបើករណីនេះកើតឡើងហើយ នោះទំនាក់ទំនងរវាងភាគី នឹងច្បាស់ជាមិនដំណើរការល្អទៀតទេ។

ទោះបីយ៉ាងណាក៏ដោយ ចូរចាំទុកថា ការភូតភរកុហកបោកប្រាស់ មិនបានបំពេញចិត្តយើងឲ្យសុខសាន្តសប្បាយ ឬធ្វើឲ្យទំនាក់ទំនងរវាងដៃគូមានសុខភាពល្អទេ។ ក្នុងនាមជាដៃគូ ជាមនុស្សដែលសម្រេចចិត្តថាកាន់ដៃដើរទៅមុខជាមួយគ្នាត្រូវតែស្មោះត្រង់និងភក្ដីភាព មនុស្សស្រលាញ់គ្នាគេនឹងព្រមទទួលយកភាពខ្វះខាតរវាងគ្នា ហើយប៉ះប៉ូវឡើងមក។ គេមិនបានបំពេញឲ្យតែម្ខាងៗ ឯម្នាក់ទៀតសុខ ម្នាក់ទៀតលំបាកនោះទេ៕

ប្រែសម្រួល៖ សាង ស្រីល័ក្ខ

ចុចអាន៖អាកប្បកិរិយា ៥ នេះហើយ ជាមូលហេតុធ្វើឲ្យគូស្នេហ៍ឈានទៅបែកបាក់គ្នា

ចុចអាន៖៦ ចំណុច ត្រូវគិត និងរៀបចំក្នុងពិធីអាពាហ៍ពិពាហ៍ មុនមួយសប្តាហ៍