វត្ថុស្រោបមាស​ទាំងនេះ មានតែសេដ្ឋីៗប៉ុណ្ណោះ ដែលអាចជះលុយទិញប្រើបាន

ជាមួយនឹងទ្រព្យសម្បត្តិដ៏ច្រើនសន្ធឹកសន្ធាប់ រហូតដល់រាប់ពាន់លានដុល្លារ មហាសេដ្ឋីលំដាប់ពិភពលោកមួយចំនួន ប្រឹងរកវិធីចំណាយយ៉ាងខ្ជះខ្ជាយ ជារៀងរាល់ថ្ងៃ។ ក្រៅពីការធ្វើដំណើរថ្លៃៗ ប្រមូលទូកជិះទូកទំនើប ឬទិញទំនិញម៉ាកល្បីៗសម្រាប់កម្សាន្ត ពួកគេនិយមប្រើប្រាស់វត្ថុស្រោបមាស ឬវត្ថុធាតុមាសសុទ្ធ ១០០% ដើម្បីបញ្ជាក់បន្ថែមពីភាពមានបានរបស់ពួកគេ។

ក្រដាសអនាម័យ

ក្រដាសបង្គន់មាសសុទ្ធនេះ ត្រូវបានបង្កើតឡើងដោយអ្នកស្រី Kellyt Wearstler ដែលជាអ្នកជំនាញផ្នែករចនាម៉ូដដ៏ល្បីរបស់អាមេរិក។ នៅពេលក្រដាសនេះត្រូវបានលក់ដំបូង មួយដុំមានតម្លៃជាង ១.៣លានដុល្លារឯណោះ ​ហើយជាការពិតណាស់ មានតែមហាសេដ្ឋីប៉ុណ្ណោះដែលអាចទិញវាប្រើបាន។

បង្គន់

បង្គន់នេះធ្វើពីមាស 24k តម្លៃ ២.៥លានដុល្លារ។ វាជាផលិតរបស់ក្រុមហ៊ុន Hangfung Group របស់ហុងកុង។ ពេលដាក់តាំងបង្ហាញដំបូង នៅក្នុងបន្ទប់ទឹកដែលមានឈ្មោះថា “The Hall of Gold” បង្គន់នេះមិនសូវទាក់ទាញអ្នកទស្សនានោះទេ ព្រោះតម្លៃកប់ក្ដោងពេក។ យ៉ាងណាមិញ សេដ្ឋីៗ​មាន​ការ​ពេញ​និយម​យ៉ាង​ខ្លាំង ​ក្នុង​ការ​ប្រើ​បង្គន់​ធ្វើ​ពី​មាស​ នៅ​ក្នុង​បន្ទប់​ទឹក​របស់​ពួក​គេ។

សាប៊ូកក់សក់

សាប៊ូ​កក់​សក់​ថ្លៃ​បំផុត​លើ​ពិភពលោកមួយ​នេះ ​ផលិត​ដោយ​ក្រុមហ៊ុន​មួយ ​ក្នុង​ប្រទេស​លីបង់។ គ្រឿងផ្សំសំខាន់ៗរបស់វារួមមានប្រេង និងឱសថដ៏មានតម្លៃ ជាពិសេសមាស និងប្លាទីនដែលកិនម៉ត់ល្អ នៅក្នុងគ្រឿងផ្សំ។

រថយន្ត

រថយន្តទំនើប Lamborghini ពណ៌មាសនេះ មានតម្លៃ ៦២លានដុល្លារអាមេរិក ហើយមិនមានមនុស្សច្រើនទេក្នុងពិភពលោក ដែលអាចទិញវាជិះបាន។

ចានការ៉េម

ចានតូចនេះ លម្អជាមួយកម្ទេចមាស គឺមានការពេញនិយមយ៉ាងខ្លាំង ក្នុងចំណោមកំពូលអ្នកមានៗ​ ដែលមានប្រាក់ចាយរាប់មិនអស់។

ឈើចាក់ធ្មេញ

នេះជាឈើចាក់ធ្មេញមាសសម្រាប់មហាសេដ្ឋីមានតម្លៃរហូតដល់ ៦០០ដុល្លារ ក្នុងមួយដើម។

មឈូស

ទោះ​ស្លាប់​ទៅ​ហើយ ក៏​មហាសេដ្ឋីខ្លះ ​នៅ​តែ​ចង់​បញ្ជាក់ពីភាពហាយសូរ​របស់ខ្លួន នោះ​ហើយ​ជា​មូលហេតុ​នៃ​ការ​លេច​ចេញ​នូវ​មឈូស​ធ្វើ​ដោយដៃ ស្រោបមាសពាសពេញ ទាំងក្នុងទាំងក្រៅ​។ មឈូសនេះជាផលិតផលរបស់ក្រុមហ៊ុន Golden Casket៕

ប្រែសម្រួល៖ សន្យា

ប្រភព៖ Bestie

ចុចអាន៖ អាហាររោយកម្ទេចមាសថ្លៃលំដាប់ពិភពលោក មានតែអភិជនទើបអាចទទួលទានបាន

ចុចអាន៖ មនុស្សទម្លាប់សម្ញែងអ្វីៗស្រោប មាស ព្រោះគេមានជំនឿលើរឿងនេះខ្លាំង