KPT+

អាហាររោយកម្ទេចមាសថ្លៃលំដាប់ពិភពលោក មានតែអភិជនទើបអាចទទួលទានបាន

បានផុស

៤ years មុន

នៅ

ថ្ងៃចន្ទ ១៨ តុលា ២០២១

ដោយ

សាង ស្រីល័ក្ខ

មាសដែលអាចបរិភោគដូចអាហារ ត្រូវបានគេស្គាល់តាំងពីសតវត្សទី ១៦ ហើយប្រើដើម្បីតុបតែងលើម្ហូប និងភេសជ្ជៈផ្សេងៗ។

អាហារខាងក្រោមនេះ សុទ្ធតែរោយកម្ទេចមាស និងថ្លៃលំដាប់ពិភពលោក ជាពិសេសអាហារនេះ មានតែអភិជនទើបអាចទទួលទានបាន

១ Lindeth Howe Pudding ៣៤,៥៣១ ដុល្លារ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ថិតក្នុងតម្លៃ ៣៤,៥៣១ ដុល្លារ Lindeth Howe Pudding គឺជាបង្អែមថ្លៃបំផុតនៅលើពិភពលោក។ បង្អែមនេះគឺជាការបង្កើតរបស់មេចុងភៅ Marc Guibert ត្រូវបានផ្សារភ្ជាប់ជាមួយនឹងសណ្ឋាគារ Lindeth Howe Country House ។ វាគឺជាបង្អែមធ្វើពីសូកូឡា និងផ្សំគ្រឿងលំដាប់ខ្ពស់ដូចជា ពងត្រីមាស និងសូកូឡា ៤ ប្រភេទ រួមបញ្ចូលនៅក្នុងអាហារនេះ នៃក្លិនឈ្ងុយរបស់ផ្លែ peach ជាពិសេសគឺកម្ទេចមាសដុំៗដាក់ជុំវិញ។

២ Almas Caviar ៣៤,០០០ ដុល្លារ

Almas Caviar គឺជាអាហារដ៏កម្រ ក្នុងតម្លៃ ៣៤,០០០ ដុល្លារ ក៏ជាអាហារថ្លៃនៅលើពិភពលោកផងដែរ។ វាមានដើមកំណើតមកពីប្រទេសអ៊ីរ៉ង់ ហើយមានតែហាងមួយចំនួនដែលត្រូវបានជ្រើសរើសដាក់នៅក្នុងហាងរបស់ពួកគេ។ Almas Caviar គឺជាមុខម្ហូបផ្ដាច់មុខ ហើយត្រូវបានលក់ក្នុងប្រអប់សំណប៉ាហាំងធ្វើពីមាស ២៤ ការ៉ាត់ ដែលធ្វើឲ្យវាមានតម្លៃទ្វេដង។ ជាពិសេសវាមានលក្ខណៈសម្បត្តិជាឱសថ និងព្យាបាលរោគាបាន។

៣ Grand Velas Taco ២៥,០០០ ដុល្លារ

តម្លៃ ២៥,០០០ ដុល្លារ Grand Velas Taco គឺជាអាហារថ្លៃបំផុតមួយនៅលើពិភពលោក។ គ្រឿងផ្សំសំខាន់ៗរួមមាន Beluga caviar, សាច់គោកូបេកាត់, ឡាំប៊ូស្តូននិងឈីសខ្មៅ។ ផ្កានិងស្លឹកមាសដែលរោយពីលើអាហារនេះ គឺអាចបរិភោគនិងត្រូវបានគេប្រើដើម្បីបង្កើន Taco។

៤ The Posh Pie ១២,០០០ ដុល្លារ

នំ Posh Pie ត្រូវបានគេដាក់ឈ្មោះថាជាអាហារដ៏ធំបំផុត ក៏ដូចជាអាហារថ្លៃបំផុតនៅលើពិភពលោក។ វាអាចរកបានក្នុងតម្លៃ ១២,០០០ ដុល្លារ ហើយអ្នកទិញច្បាស់ជាហួសចិត្ត ប៉ុន្តែវាមានអ្វីដែលគួរឲ្យចាប់អារម្មណ៍។ Posh Pie បានធ្វើឡើងដោយសណ្ឋាគារ The Lord Dudley ក្នុងទីក្រុងស៊ីដនី ហើយត្រូវបានគេកត់សំគាល់ពីបរិមាណកាឡូរីដ៏ច្រើនដែលមាននៅក្នុងនំ។ គ្រឿងផ្សំសំខាន់ដែលត្រូវបានប្រើក្នុងការរៀបចំគឺសាច់គោល្អ premium បង្កងយក្សពីរ និងរោយស្លឹកមាស ដែលអាចបរិភោគបាន។

៥ Pizza មាស ២,០០០ ដុល្លារ

Pizza នេះត្រូវបានផលិតម្ចាស់ជើងឯកពិភពលោក Gordon Ramsey ដែលដំបូងគាត់បានបម្រើនៅក្នុងភោជនីយដ្ឋាន The Maze ។ ភីហ្សារបស់លោកលក់ក្នុងតម្លៃជាង ២,០០០ ដុល្លារ ដែលធ្វើឲ្យវាក្លាយជាអាហារថ្លៃបំផុត។

“ Royal Pizza ” ជាឈ្មោះភីហ្សាដែលបានបង្កើតឡើងនៅក្នុងភោជនីយដ្ឋានឌូបៃ Pierchic សម្រាប់គ្រួសាររាជវង្សនៅឌូបៃ។ គ្រឿងផ្សំរួមមាន white Italian truffles,black Perigord truffles, សាច់ French foie gras,Mongra saffron មកពីកាស្មៀ, ផ្សិត matsutake របស់ជប៉ុន និងស្លឹកមាស។

៦ ស៊ូស៊ីមាស ១៨០០ ដុល្លារ ក្នុងមួយដុំ

ស៊ូស៊ីមាសត្រូវបានគេចាត់ទុកថា ជាម្ហូបថ្លៃបំផុតមួយនៅលើពិភពលោក។ វាទទួលបានកំណត់ត្រាដោយសៀវភៅកំណត់ត្រា Guinness ស៊ូស៊ីមាសមានតម្លៃ ១៨០០ ដុល្លារក្នុងមួយដុំ។ មេចុងភៅដែលបានបង្កើតស៊ូស៊ីមាសគឺ Angelito Araneta Jr បានបង្កើតដោយប្រើគ្រឿងផ្សំដ៏អស្ចារ្យ ដូចជាសាល់ម៉ុនន័រវេស, ហ្វ័យហ្គ្រេស, សារ៉ាហ្វរ៉ុននិងចុងក្រោយគុជខ្យង ពេជ្រ ដែលត្រូវបានប្រោះនៅលើផ្នែកនីមួយៗនៃស៊ូស៊ី។ ជំនួសឲ្យសារាយសមុទ្រដែលរុំស៊ូស៊ី មេចុងភៅរូបនេះ បានប្រើស្លឹកមាសមករុំជំនួសវិញ។

៧ នំ Bagel ១ពាន់ដុល្លារ

មេចុងភៅ Frank Tujague មកពីសណ្ឋាគារ The Westin ញូវយ៉កបានបង្កើត Bagel ដ៏ប្រណិត ដែលឥឡូវនេះ ត្រូវបានគេហៅថា Bagel ១ពាន់ដុល្លារ។ Bagel ត្រូវបានផលិតឡើងដោយឈីសត្រុហ្វហ្វែលពណ៌ស ដែលត្រូវបានគេស្គាល់ថាជាមាសពណ៌ស ហើយត្រូវបានគេចាត់ទុកថាជាអាហារថ្លៃបំផុតទី ២ បន្ទាប់ពី caviar ។ វាក៏មានផ្ទុកនូវ ចាហួយ Riesling ដែលមានដុំមាស និងរួមបញ្ចូលស្លឹកមាស ២ ការ៉ាត់ចូលផងដែរ។

៨ The Golden Opulence Sundae ១ ពាន់ដុល្លារ

The Golden Opulence Sundae គឺជាការ៉េមដែលមានតម្លៃ ១ពាន់ដុល្លាក្នុងមួយកែវ វាការ៉េមថ្លៃបំផុតមួយនៅលើពិភពលោក។ គ្រឿងផ្សំរបស់វាគឺគ្រាប់អាល់ម៉ុន សូកូឡាខ្មៅ ពងត្រីមាស និងកម្ទេចមាសបន្ថែមលើសាច់នំក្នុងការ៉េម។

៩ The Golden Phoenix Cupcake ១ ពាន់ដុល្លារ

អ្នកប្រាកដជាមានចម្ងល់មិនខាន គ្រាន់តែ Cupcake មួយសោះ មានតម្លៃថ្លៃខ្លាំងជាងនំធម្មតាផ្សេងទៀត។ មូលហេតុដែលវាថ្លៃ គឺមកពីគ្រឿងផ្សំផ្តាច់មុខនៃនំ Cupcake ដ៏ល្បីលើពិភពលោកនេះ រួមមានសណ្តែកវ៉ានីឡាពីអ៊ូហ្គង់ដា សូកូឡាអាមេឌីប៉សឺឡាណា និងសន្លឹកមាសដែលអាចបរិភោគបាន។ ហើយសន្លឹកមាសដាក់ជាមួយ ច្រើនយកមកពីឌូបៃ ទើបធ្វើឲ្យនំ Cupcakeតូចមួយ បានតម្លៃកប់ពពកយ៉ាងនេះ។

១០ ការ៉េម The Black Diamond ៨១៧ ដុល្លារ

The Black Diamond គឺជាជ័យជំនះដ៏អស្ចារ្យមួយទៀតនៅលើតារាងពិន្ទុរបស់ឌូបៃ ក្នុងតម្លៃ ៨១៧ ដុល្លារ។
ជាការពិត The Black Diamond បានរោយដោយកម្ទេចមាសសន្លឹក ២៣ ការ៉ាត់នៅលើការ៉េម។ លើសពីនេះទៅទៀត ការ៉េមនេះមានរសជាតិឈ្ងុយឆ្ងាញ់ ត្រូវបានគេដាក់ក្នុងចានដែលមានក្បូរក្បាច់និងស្លាបព្រា Versace ដែលនេះជាមូលហេតុដែល Black Diamond Sundae មានតម្លៃថ្លៃខ្លាំង៕

ប្រែសម្រួល៖ សាង ស្រីល័ក្ខ

ចុចអាន៖កំពូលប៊ិចថ្លៃកប់ពពកសឹងមិនគួរឲ្យជឿ ១ឆ្នាំផលិតតែម្ដង ហើយតែមួយប៉ុណ្ណោះ!

ចុចអាន៖ដឹងតម្លៃពានរង្វាន់នេះហើយ អ្នកអាចនឹងឈប់ឆ្ងល់ មូលហេតុដែលកីឡាករម្នាក់ៗតែងចង់បានជាកម្មសិទ្ធ

ចុចអាន៖កំហុសឆ្គងទាំង ៦ ពីប្រវត្តិសាស្ត្រ ធ្វើឲ្យអន្តរាយដល់ពិភពលោក និងខាតបង់លុយកាក់វាល់លាន

ចុចអាន៖កំពូលម៉ាកយីហោសំលៀកបំពាក់ថ្លៃបំផុតទាំង១០ ជា Brands លំដាប់ពិភពលោក

Related Topics:ចំណេះដឹងទូទៅ