KPT+

មកដឹងវិធីសាស្ត្រនៃកំពូលសេដ្ឋី ៥ រូប មានកំណើតចេញពីគ្រួសារក្រីក្រ

បានផុស

៦ years មុន

នៅ

ថ្ងៃព្រហស្បតិ៍ ២៤ ធ្នូ ២០២០

ដោយ

មិនមែនជារឿងធម្មតាទេ ដែលឃើញមនុស្សក្រីក្រទទួលជោគជ័យក្នុងជីវិតពួកគេ។ ប៉ុន្តែរឿងទាំងនេះកើតឡើងនៅក្នុងជីវិតពិត ជាមួយមនុស្សដែលតែងតែជឿជាក់លើក្ដីសុបិនខ្លួន ហើយខិតខំឲ្យរឿងទាំងនោះក្លាយជាការពិត។

នេះគឺជាមនុស្សជោគជ័យចំនួន ៥នាក់ ដែលចាប់ផ្ដើមពីកន្លែងក្រខ្សត់៖

១ . Leonardo DiCaprio

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុនពេលដែល Leonardo បានល្បីល្បាញ លោកមានជីវភាពលំបាក។ កាលពីនៅក្មេងលោកជាមនុស្សក្រីក្រ ហើយធ្លាប់រស់នៅតាមដងផ្លូវ នៃ Los Angeles។ លោកត្រូវបានហ៊ុមព័ទ្ធដោយគ្រឿងញៀននិងពេស្យាចារ ប៉ុន្តែលោកមិនអនុញ្ញាតឲ្យរឿងទាំងនោះមកបំផ្លាញសុបិនឡើយ។

ទោះបីជាយុវជនរបស់លោកពោរពេញដោយអំពើហិង្សានិងឧក្រិដ្ឋកម្មនៅគ្រប់ទីកន្លែងក៏ដោយ តែលោកបានពុះពារឧបសគ្គរហូតជោគជ័យ។ បច្ចុប្បន្នលោកមានទ្រព្យសម្បត្តិសុទ្ធចំនួន ២៤៥ លានដុល្លារ ក្នុងចំណោមតារាដែលត្រូវបានគេគោរពបំផុតរបស់ហូលីវូដ។

២. Walt Disney

Walt Disney ត្រូវបានចិញ្ចឹមនៅក្នុងកសិដ្ឋានមួយ ហើយស្ទើរតែមិនអាចរកលុយបាន។ លោកចាប់ផ្ដើមគូររូបភាពដើម្បីលក់ទៅអ្នកជិតខាង។ ក្នុងដំណាក់កាលមួយនៃជីវិតគ្មានការងារធ្វើរបស់លោក តែបងប្រុសរបស់លោក បានជួយឲ្យមានការងារធ្វើ។

លោកចាប់ផ្ដើមគូររូបភាពធម្មតា រហូតដល់គំនូរជីវចល។ ទ្រព្យសម្បត្តិសុទ្ធនៅពេលលោកស្លាប់គឺមាន ៨០ លានដុល្លារ។

៣. Shah Rukh Khan

គ្រួសាររបស់ Shah Rukh Khan មិនមានប្រាក់គ្រប់គ្រាន់សូម្បីតែនាំគាត់ទៅល្ខោន (ឥឡូវនេះលោកត្រូវបានគេមើលឃើញនៅតាមរោងកុននៅជុំវិញពិភពលោក)។ ឪពុកម្ដាយរបស់លោកបានស្លាប់មុនអាយុ ដែលបណ្ដាលឲ្យប្អូនស្រីរបស់លោកក៏ត្រូវបានគេបញ្ជូនទៅមន្ទីរពេទ្យផ្លូវចិត្ត។ ការបរាជ័យមិនមែនជាការអាម៉ាស់មុខទេ តែជាគ្រូបង្រៀននិងវិធីផ្សេងទៀតដើម្បីបង្ហាញពីរឿងដែលធ្លាប់ឆ្លងកាត់ស្ទើរតែពេញមួយជីវិតរបស់លោក។

ភាពជោគជ័យរបស់លោក បានមកពីការតស៊ូនិងការជំរុញ។ ទ្រព្យសម្បត្តិសុទ្ធរបស់ Shah Rukh Khan សព្វថ្ងៃមានចំនួន ៦០០ លានដុល្លារ។

៤. Jack ma

Jack រស់នៅក្នុងសង្កាត់តូចមួយជាមួយឪពុកម្ដាយ ធ្វើជាអ្នកនិពន្ធតន្ត្រី។ ក្នុងវ័យកុមារភាពលោកបានប្រលងបឋមសិក្សាពីរដង ប្រឡងមធ្យមសិក្សាបីដង និងប្រឡងចូលសាកលវិទ្យាល័យចំនួនបីដង។ លោកបានសរសេរទៅសាកលវិទ្យាល័យ Harvard ចំនួន ១០ ដង ហើយបដិសេធរាល់លើក។ បន្ទាប់ពីបរិញ្ញាបត្ររបស់លោកបានដាក់ពាក្យសុំការងារខុសៗគ្នា ហើយត្រូវបានបដិសេធ ៣០ ដង។

បច្ចុប្បន្ននេះលោកត្រូវបានគេស្គាល់ថាជាស្ថាបនិកហាងលក់ទំនិញអេឡិចត្រូនិក Alibaba ដែលតម្លៃរបស់វាគឺច្រើនជាងហ្វេសប៊ុកនិងដំណើរការទំនិញច្រើនជាង eBay និង Amazon បូកបញ្ចូលគ្នា។ ទ្រព្យសម្បត្តិសុទ្ធ ៣០ ៨ ពាន់លានដុល្លារ។

៥ . Shahid Khan

នេះគឺជាអ្នកជំនួញជនជាតិប៉ាគីស្ថានម្នាក់ ដែលបានធ្វើដំណើរទៅសហរដ្ឋអាមេរិក ដោយសង្ឃឹមថានឹងរកបានអាជីពមួយដែលមានត្រឹមតែ ៥០០ ដុល្លារ។ លោកបានចាប់ផ្ដើមសិក្សានៅសាកលវិទ្យាល័យ Illinois ខណៈពេលដែលលោកធ្វើការជាអ្នកលាងចាន និងទទួលបានប្រាក់ឈ្នួល ១,២ ដុល្លារក្នុងមួយម៉ោង។

បច្ចុប្បន្ននេះ Shahid កាន់កាប់ក្រុមហ៊ុន Flex-N-Gate ដែលជាក្រុមហ៊ុនឯកជនធំជាងគេមួយនៅសហរដ្ឋអាមេរិក ក្លឹបបាល់ទាត់ Premier League Fulham និងក្លឹប Jacksonville Jaguars របស់ NFL ។ ទ្រព្យសម្បត្តិសុទ្ធរបស់លោកមានចំនួន ៨,៧ ពាន់លានដុល្លារ៕

ប្រែសម្រួល៖ សាង ស្រីល័ក្ខ

ប្រភព៖bornrealist

ចុចអាន៖ចង់មានបាននឹងគេ អនុវត្តមេរៀន ៥ យ៉ាងតាមពួកអ្នកមាន

ចុចអាន៖មកស្គាល់ម៉ាកសម្លៀកបំពាក់ថ្លៃៗបំផុតនៅលើពិភពលោក

Related Topics:មហាសេដ្ឋី