Connect with us

KPT+

តើសង្សារលោក ពូទីន មានប្រវត្តិដូចម្ដេច និងទាក់ទងគ្នាតាំងពីឆ្នាំណា?

បានផុស

នៅ

ក្រសួងរតនាគារសហរដ្ឋអាមេរិកកាលពីថ្ងៃអង្គារបានប្រកាសដាក់ទណ្ឌកម្មនាង Alina Maratovna Kabaeva ជាសង្សាររបស់ប្រធានាធិបតីរុស្ស៊ីលោក វ្ល៉ាឌីមៀ ពូទីន ដែលជាផ្នែកមួយនៃវិធានការដាក់ទណ្ឌកម្មជាបន្តបន្ទាប់លើឥស្សរជនរុស្ស៊ីចំពោះសង្រ្គាមដែលកំពុងបន្តនៅក្នុងប្រទេសអ៊ុយក្រែន ក្រោមមូលហេតុថា នាងកំពុងជាអ្នកដឹកនាំ ឬធ្លាប់ជាអ្នកដឹកនាំមន្ត្រីប្រតិបត្តិធំៗរុស្ស៊ី ឬជាសមាជិកក្រុមប្រឹក្សាភិបាលនៃរដ្ឋាភិបាលសហព័ន្ធរុស្ស៊ី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដូច្នេះតើនាង Kabaeva ធ្លាប់ប្រកបអាជីពជាអ្វី ក៏ដូចជាមានទំនាក់ទំនងស្នេហាជាមួយលោក ពូទីន យ៉ាងដូចម្ដេច និងតាំងពីពេលណាមក?

នាង Alina Maratovna Kabaeva ឬ Kabayeva កើតថ្ងៃទី ១២ ខែឧសភា ឆ្នាំ ១៩៨៣ បច្ចុប្បន្នមានវ័យ ៣៩ ឆ្នាំគឺជាអ្នកនយោបាយរុស្ស៊ី ជាប្រធានក្រុមហ៊ុនប្រព័ន្ធផ្សព្វផ្សាយជាតិគ្រប់គ្រងលើទូរទស្សន៍ និងវិទ្យុដែលគាំទ្រដោយវិមានក្រឹមឡាំង និងជាអ្នកហាត់កាយសម្ព័ន្ធចង្វាក់តាំងពីអាយុ ៣ ឆ្នាំមកម្ល៉េះ ប៉ុន្តែបច្ចុប្បន្ននាងបានចូលនិវត្តន៍ហើយ ។

នាងគឺជាអត្តពលិកកាយសម្ព័ន្ធឈ្នះមេដាយច្រើនជាងគេបំផុតក្នុងប្រវត្តិសាស្ត្រកាយសម្ព័ន្ធចង្វាក់រុស្ស៊ី ដោយទទួលបានមេដាយអូឡាំពិកចំនួន ២ គ្រឿង, មេដាយជើងឯកពិភពលោកចំនួន ១៤ គ្រឿង និងមេដាយជើងឯកទ្វីបអឺរ៉ុបចំនួន ២១ គ្រឿង ។ ពីឆ្នាំ ២០០៧ ដល់ឆ្នាំ ២០១៤ នាង Kabaeva គឺជាសមាជិកសភាជាន់ទាបរបស់រុស្ស៊ី ឬហៅថា State Duma មកពីគណបក្ស United Russia ខណៈនៅខែកញ្ញា ឆ្នាំ ២០១៤ នាង Kabaeva បានក្លាយជាប្រធានក្រុមប្រឹក្សាភិបាលនៃក្រុមហ៊ុនប្រព័ន្ធផ្សព្វផ្សាយជាតិ ។

ចំណែកពាក់ព័ន្ធនឹងរឿងស្នេហាដែលគេរាយការណ៍ថានាងជាស្រីកំណាន់របស់លោកប្រធានាធិបតីរុស្ស៊ី វ្ល៉ាឌីមៀ ពូទីន នោះកើតឡើងនៅខែមេសាឆ្នាំ ២០០៨ ។ អ្នកឆ្លើយឆ្លងព័ត៌មាន Moskovsky បានរាយការណ៍ថា នាង Kabaeva បានភ្ជាប់ពាក្យជាមួយលោក ពូទីន ប៉ុន្តែរឿង​នេះ​ត្រូវ​បាននាង​បដិសេធ ហើយក្រោយមក​កាសែត​នោះក៏​ត្រូវបាន​បិទ ។ ក្នុងឆ្នាំបន្ទាប់ ស្ថានភាពនៃទំនាក់ទំនងរបស់នាង Kabaeva និងលោក ពូទីន បានក្លាយជាប្រធានបទក្ដៅ រួមទាំងការចោទប្រកាន់ថា អ្នកទាំងពីរមានកូនច្រើននាក់ជាមួយគ្នាផងដែរ ។

នៅខែកក្កដា ឆ្នាំ ២០១៣ នាង Kabaeva បាននិយាយថា នាងមិនមានកូនជាមួយលោក ពូទីន ទេ ប៉ុន្តែព័ត៌មានលាក់លៀមរបស់នាងបិទមិនជិតនោះទេ ពោលនៅខែមីនា ឆ្នាំ ២០១៥ នាងត្រូវបានគេរាយការណ៍ថាបានផ្តល់កំណើតឲ្យកូនស្រីម្នាក់នៅមន្ទីរពេទ្យ VIP នៃតំបន់ Saint Ann ក្នុងទីក្រុង Ticino ប្រទេសស្វីស ។

បន្ទាប់មកទៀតក្នុងឆ្នាំ ២០១៩ នាងត្រូវគេរាយការណ៍ថាផ្តល់កំណើតបានកូនប្រុសភ្លោះនៅគ្លីនិកសម្ភព Kulakov ក្នុងទីក្រុងមូស្គូ ។ យោងតាមកាសែតស្វីស SonntagsZeitung បានរាយការណ៍នៅឆ្នាំ ២០២២ នេះថា គ្រូពេទ្យរោគស្ត្រីជនជាតិស្វីសដែលមានដើមកំណើតរុស្ស៊ី គឺជាអ្នកជួយក្នុងការសម្រាលកូនទាំងពីរ ដោយក្នុងនោះអ្នកគ្រូពេទ្យបានបញ្ជាក់ថា កូនប្រុសដំបូងកើតនៅក្នុងឆ្នាំ ២០១៥ និងកូនប្រុសទី ២ កើតនៅឆ្នាំ ២០១៩ ហើយអ្នកទាំងពីរគឺជាកូនប្រុសរបស់លោក ពូទីន ។

យោងតាមមន្ត្រីសន្តិសុខរបស់សហរដ្ឋអាមេរិក និងអឺរ៉ុបបានឲ្យដឹងថា នាង Kabaeva បានចំណាយពេលយ៉ាងយូរនៅក្នុងប្រទេសស្វីស ចាប់តាំងពីឆ្នាំ ២០១៥ មក នៅឯលំនៅដ្ឋានក្នុងទីក្រុង Lugano និងទីក្រុង Cologny ៕

ប្រែសម្រួលដោយ ​៖ ជីវ័ន្ត

ប្រភព ៖ Wikipedia

ចុចអាន ៖ សង្សារលោក ពូទីន រងការដាក់ទណ្ឌកម្មពី អាមេរិក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

បច្ចេកវិទ្យា៤ ម៉ោង មុន

សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២

ព័ត៌មានជាតិ៤ ម៉ោង មុន

សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ

ព័ត៌មានជាតិ៥ ម៉ោង មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច៥ ម៉ោង មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ៥ ម៉ោង មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

Sokha Hotels

ព័ត៌មានពេញនិយម