KPT+

ទីបំផុតប្រលោមលោក “ដងផ្លូវភ្នំពេញ” បញ្ចេញបទចម្រៀងផ្លូវការរបស់ខ្លួនជាលើកដំបូង

បានផុស

៤ years មុន

នៅ

ថ្ងៃសុក្រ ១៦ កញ្ញា ២០២២

ដោយ

ប្រលោមលោករឿង “ដងផ្លូវភ្នំពេញ” ដែលជានិទានផ្ទាល់មាត់ដោយអ្នកនិពន្ធ ម៉ីសន សុធារី តាំងតែពីរយៈពេលប្រមាណពីរឆ្នាំមុន ហើយមានតាមដានស្ដាប់ជារៀងរាល់ថ្ងៃក្នុងGroup និទានម៉ីសនសុធារី ឥឡូវនេះបើទោះបីមិនទាន់ចេញផ្សាយប្រលោមលោកជាផ្លូវការ ឬការបោះពុម្ពសៀវភៅក្តី ប៉ុន្តែបានដាក់ចេញនូវបទចម្រៀងដ៏សែនលន្លង់លន្លោច ជាមួយនឹងចំណងជើងថា ដងផ្លូវភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដងផ្លូវភ្នំពេញ ជាចម្រៀងមួយបទប្រកបទៅដោយទំនុកភ្លេង (Melody) ពីរោះរណ្ដំចិត្ត ពេលនេះត្រូវបានចេញផ្សាយនូវកម្រងទំនុកច្រៀង នៅលើទំព័រផ្លូវការផ្ទាល់ខ្លួនរបស់អ្នកនិពន្ធ ហើយភ្ជាប់ទៅនឹងឆាណែលយូធូបរបស់អ្នកនិពន្ធផ្ទាល់តែម្តង។

កញ្ញាអ៊ិន បូបូ ដែលជាអ្នកគ្រប់គ្រងការងារមាតិកានៅ ម៉ីសនសុធារី ឌីជីថល បានឱ្យដឹងថា បទចម្រៀងនេះពិតជាតាក់តែងទំនុកឡើងផ្ទាល់ ដោយអ្នកនិពន្ធម៉ីសន សុធារី សម្រួលតន្ត្រីថ្មីដោយលោកផល វឌ្ឍនៈហើយជាបទភ្លេងចាស់ដ៏ល្បីល្បាញរបស់តារាចម្រៀងហុងកុង លោក Roman Tam។

បទចម្រៀងនេះមានចំណងជើងដើមថា ភ្លៀងបន្តិចខ្យល់បន្តិច ប៉ុន្តែត្រូវបានយកមកបកស្រាយថ្មីតម្រូវទៅតាមអត្ថន័យនៃប្រលោមលោក ដែលមានមិត្តអ្នកអានទន្ទឹងរង់ចាំការចេញជាផ្លូវការនូវសៀវភៅ សំណេររបស់អ្នកនិពន្ធរូបនេះនៅក្រោយពេលដែលអ្នកនិពន្ធបាននិទានវាដោយផ្ទាល់មាត់ទៅកាន់ហ្វេនមួយក្រុមរបស់គាត់កាលពីដើមឆ្នាំ២០២០កន្លងទៅ។

គួររំឭកផងដែរថា ដងផ្លូវភ្នំពេញ ជាប្រលោមលោកដែលបរិយាយពីសេចក្ដីស្នេហារបស់យុវវ័យមួយគូ បានតស៊ូយ៉ាងស្វិតស្វាញក្នុងវិថីជីវិតរបស់ខ្លួន ដើម្បីសម្រេចក្តីសុបិន បំពេញក្ដីស្រមៃរបស់គេនៅក្នុងទីក្រុងដ៏ធំមួយនេះ៕

តស់! ទៅទស្សនាមើលថាតើបទចម្រៀងដងផ្លូវភ្នំពេញជាភាសាខ្មែរ មានអត្ថន័យអណ្ដែតអណ្ដូងយ៉ាងណាខ្លះ