KPT+
លទ្ធផលសម្រេចចុងក្រោយ ករណី គ្រូវាយសិស្សស្រី នៃ វិទ្យាល័យ ហ៊ុន សែន សេរីភាព
លោក រស់ សុវាចា អ្នកនាំពាក្យ ក្រសួងអប់រំ យុវជន និងកីឡា មុននេះបន្តិច បានផ្ដល់ព័ត៌មានដល់ កម្ពុជាថ្មី ស្ដីពី លទ្ធផលចុងក្រោយ ជំនួប ករណី គ្រូវាយសិស្សស្រី នៃ វិទ្យាល័យ ហ៊ុន សែន សេរីភាព ដែលបានឯកភាពលើ ៤ ចំណុច។
លោក រស់ សុវាចា មានប្រសាសន៍ថា នៅថ្ងៃទី១៦ ខែកញ្ញា ឆ្នាំ២០២២ នេះ គណៈគ្រប់គ្រង វិទ្យាល័យ ហ៊ុន សែន សេរីភាព ក្រុងតាខ្មៅ ខេត្តកណ្តាល បានជួបប្រជុំជាមួយអាណាព្យាបាល និងសិស្សក្នុងហេតុការណ៍ ដើម្បីសម្របសម្រួល ហើយទទួលបានលទ្ធផល ៤ ចំណុច។
លោក រស់ សុវាចា មានប្រសាសន៍បញ្ជាក់ថា៖ “ទី១ មាតាបិតាបានទទួលស្គាល់ និងមិនបានខឹងសម្បា ឬមានបំណងប្ដឹងផ្ដល់លោក នាយកនោះទេ ទន្ទឹមនឹងនោះគឺសំណូមពរទៅលោកនាយក និងអ្នកសារព័ត៌មានមេត្តាបញ្ឈប់ចំពោះការយកព័ត៌មានចុះផ្សាយដែលមានចេតនាចោទប្រកាន់ថាកូនគាត់ខិលខូច ច្រឡើសបើស ដែលជាហេតុផលមួយធ្វើឱ្យសិស្សអាចបាក់ទឹកចិត្ត ឬប៉ះពាល់ដល់កិត្តិយសរបស់សិស្ស”។
លោក មានប្រសាសន៍បន្តថា៖ “ទី២ អ្នកអាណាព្យាបាលស្នើសុំកុំឱ្យមានការគុំកួនធ្វើបាបដោយចេតនា ឬអចេតនា និងដាក់បន្ទុកដល់សិស្ស។ ទី៣ លោកនាយកបានទទួលយកសំណូមពរ ដើម្បីការកែលម្អ និងសុំការអធ្យាស្រ័យចំពោះទង្វើឆ្គាំឆ្គងរបស់លោក និងទី៤ ភាគីទាំងពីរបានឯកភាពស្រុះស្រួលគ្នារួមគ្នាបញ្ចប់ព័ត៌មាននេះដោយសន្តិវិធី”។
គួរបញ្ជាក់ថា បន្ទាប់ពីកើតហេតុ នៅរសៀលថ្ងៃទី១៤ ខែកញ្ញានេះ មន្ទីរអប់រំ យុវជន និងកីឡាខេត្តកណ្ដាល បានជួបប្រជុំពិភាក្សាជាមួយគណៈគ្រប់គ្រង វិទ្យាល័យខាងលើផ្ទាល់។ បន្ទាប់ពីជួបប្រជុំពិភាក្សារួច មន្ទីរបានដាក់គោលការណ៍ចំនួន ៣ ចំណុចធំៗជូន គណៈគ្រប់គ្រងសាលាមានដូចតទៅ៖ ទី១. ត្រូវបង្កើនគុណភាពអប់រំ ឱ្យបានកាន់តែប្រសើរឡើង ទី២. ត្រូវអប់រំណែនាំប្អូនៗដោយមិនប្រើអំពើហិង្សា ទោះអចេតនាក្តី ចេតនាក្តី និងទី៣. អញ្ជើញអាណាព្យាបាល ប្អូនស្រីពាក់ព័ន្ធ មកជួបពិភាក្សាបកស្រាយណែនាំឱ្យបានជ្រាប។
គួររំលឹកថា កាលពីព្រឹកថ្ងៃទី១៤ ខែកញ្ញា មានការចែករំលែកវីដេអូខ្លីបន្តគ្នាលើបណ្ដាញសង្គម Facebook, TikTok, Telegram អំពីករណី នាយកវិទ្យាល័យ សេរីភាព ក្រុងតាខ្មៅ ខេត្តកណ្ដាល លោក ម៉ម សុធានី វាយសិស្សស្រី ក្នុងសាលា ខណៈសាលាបានហៅ សិស្សថ្នាក់ទី១២ ដែលលេងគូរអាវគ្នានូវអក្សរផ្សេងៗមកណែនាំ។ បន្ទាប់មក ឆ្លើយតបទៅករណីការផ្ទុះឡើងនេះ លោក រស់ សុវាចា អ្នកនាំពាក្យ ក្រសួងអប់រំ យុវជន និងកីឡា នៅរសៀលថ្ងៃនេះ បានបញ្ជាក់ថា ក្រសួងអប់រំ យុវជន និងកីឡា កំពុងស្រាវជ្រាវករណីនេះ៕
អត្ថបទ៖ ច័ន្ទ វីរៈ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង