KPT+

កូរ៉េផ្តល់អាហារូបករណ៍ដល់មន្ត្រីរាជការកម្ពុជា រ៉ាប់រងរាល់ការចំណាយទាំងអស់

បានផុស

៧ ខែ មុន

នៅ

ថ្ងៃសុក្រ ១១ សីហា ២០២៣

ដោយ

ក្រសួងអប់រំ យុវជន និងកីឡា បានឱ្យដឹងថា ក្នុងឆ្នាំសិក្សា ២០២៤ សាធារណរដ្ឋកូរ៉េនឹងផ្ដល់អាហារូបករណ៍ដល់មន្ត្រីរាជការកម្ពុជាទៅបន្តការសិក្សាថ្នាក់ក្រោយឧត្ដមសិក្សា (បរិញ្ញាបត្រជាន់ខ្ពស់ និងបណ្ឌិត) លើមុខវិជ្ជាជាច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ឆ្នាំ២០២៤ វិទ្យាស្ថានអភិវឌ្ឍន៍នៃសាធារណរដ្ឋកូរ៉េ «KDI 2024 Spring Admission» នឹងផ្ដល់អាហារូបករណ៍ដល់មន្ត្រីរាជការកម្ពុជាទាំងពីរភេទសិក្សាលើមុខវិជ្ជាជាច្រើនមុខ។

ក្នុងនោះចំពោះសិស្សមន្ត្រីនៃកម្ពុជាដែលទៅបន្តការសិក្សានៅសាធារណកូរ៉េ មិនមានការព្រួយបារម្ភពីបញ្ហាថវិកាសម្រាប់ការចាយវាយនោះទេ ព្រោះអាហារូបករណ៍នេះនឹងរ៉ាប់រងលើថ្លៃសិក្សាទាំងស្រុង និងប្រាក់ឧបត្ថម្ភប្រចាំខែក្នុងកំឡុងពេលសិក្សា។

ស្របពេលជាមួយគ្នានេះ សម្រាប់កម្មវិធីអាហារូបករណ៍នឹងចាប់ផ្ដើមទទួលពាក្យចាប់ពីថ្ងៃទី២៨ ខែសីហា ឆ្នាំ២០២៣ រហូតដល់ ថ្ងៃទី១៥ ខែកញ្ញា ឆ្នាំ២០២៣។ ដូច្នេះចំពោះមន្ត្រីរាជការកម្ពុជាដែលចង់ទៅបន្តការសិក្សាអាចដាក់ពាក្យបានតាម [email protected] (សម្រាប់ថ្នាក់បរិញ្ញាបត្រជាន់ខ្ពស់) និង [email protected] (សម្រាប់ថ្នាក់បណ្ឌិត)៕