KPT+
ហេតុផល ៣ យ៉ាងដែលអ្នកមិនអាចព្រងើយកន្តើយ ចំពោះបញ្ហាសុខភាពផ្លូវចិត្ត
សុខភាពផ្លូវចិត្តមានសារៈសំខាន់ណាស់ ជាពិសេសនៅគ្រប់ដំណាក់កាលនៃជីវិតរបស់យើង។ វារួមបញ្ចូលទាំងសុខុមាលភាពទូទៅ និងប៉ះពាល់ដល់ជីវិតតាមរបៀបជាច្រើនទៀត។
អត្ថបទនេះលើកយកមូលហេតុបីយ៉ាង ដែលបញ្ជាក់ថាសុខភាពផ្លូវចិត្តមានសារៈសំខាន់ និងមិនអាចព្រងើយកន្តើយឡើយ ៖
១. សុខភាពផ្លូវចិត្តប៉ះពាល់ដល់សុខភាពរាងកាយ
ជំងឺផ្លូវចិត្តមានបញ្ហាដូចគ្នានឹងជំងឺមហារីកដែរ ហើយវាអាចធ្វើឱ្យជីវិតមនុស្សវិវត្តទៅរកសភាពធ្ងន់ធ្ងរ។ វាបង្កឱ្យមានភាពតានតឹង ដែលធ្វើឱ្យប្រព័ន្ធភាពស៊ាំចុះខ្សោយ និងអសមត្ថភាពក្នុងការដោះស្រាយបញ្ហានានា។
ធ្ងន់ធ្ងរបំផុតនោះ វាអាចអាចឈានទៅរកការធ្វើអត្តឃាត បើសិនជាមិនបានព្យាបាលទាន់ពេលវេលាទេ។ ភាពតានតឹងនិងការថប់បារម្ភ អាចជះឥទ្ធិពលដល់សុខភាពរាងកាយទ្រុឌទ្រោមឡើងៗ។
យោងតាម គេហទំព័រ MD បញ្ជាក់ថា ការព្រួយបារម្ភធ្វើឱ្យរាងកាយបញ្ចេញអ័រម៉ូន ស្ត្រេស ដែលបង្កើនល្បឿនចង្វាក់បេះដូង ដកដង្ហើម បង្កើនជាតិស្ករក្នុងឈាមនិងបញ្ជូនឈាមបន្ថែមទៀតទៅដៃនិងជើង។ យូរៗទៅបញ្ហាទាំងនេះអាចប៉ះពាល់ដល់បេះដូងសរសៃឈាម សាច់ដុំ និងប្រព័ន្ធផ្សេងៗទៀត ។ នេះក៏ដោយសារចិត្តនិងរាងកាយយើង មានទំនាក់ទំនងគ្នាយ៉ាងជិតស្និទ្ធ។
២. សុខភាពផ្លូវចិត្តមានឥទ្ធិពលលើអ្វីៗគ្រប់យ៉ាង
សុខភាពផ្លូវចិត្តមានឥទ្ធិពលលើរបៀបដែលយើងស៊ូទ្រាំនឹងជីវិត។ កង្វះការព្យាបាល នាំឱ្យអស់សង្ឃឹម សោកសៅ គ្មានតម្លៃ មានអារម្មណ៍ថាមានកំហុស ថប់បារម្ភ ព្រួយបារម្ភ ភ័យខ្លាច និងបាត់បង់ការគ្រប់គ្រង។
យើងក៏ប្រហែលជាបាត់បង់ចំណាប់អារម្មណ៍ លើអ្វីដែលយើងធ្លាប់តែរីករាយ ដូចជា ការបំពេញភារកិច្ច និងការគ្រប់គ្រងពេលវេលាជាដើម។ ជាពិសេសអាចឈានទៅរកការប្រើប្រាស់គ្រឿងស្រវឹង និងគ្រឿងញៀន ជាលទ្ធផលចុងក្រោយនឹងធ្វើអត្តឃាត ឬគ្រោះថ្នាក់។
សរុបមក អ្វីៗនឹងត្រូវស្ដាយក្រោយ ប្រសិនបើយើងមិនយកចិត្តទុកដាក់ខ្ពស់ចំពោះសុខភាពផ្លូវចិត្ត។ បើបានជួបប្រទះនឹងបញ្ហាទាំងនេះ វាដល់ពេលដែលត្រូវស្វែងរកជំនួយជាបន្ទាន់ហើយ។
៣. មិនឱ្យតម្លៃជីវិតខ្លួន
ផ្លូវចិត្តកាន់តែធ្ងន់ធ្ងរ នឹងជះឥទ្ធិពលដល់សមត្ថភាងក្នុងការស៊ូទ្រាំលើរឿងអ្វីមួយមិនខាន។ ពេលខ្លះតែងគិតថាខ្លួនឯងទាប អន់ មាក់ងាយ ក៏អាចក្លាយជាឥរិយាបថដែលបំផ្លិចបំផ្លាញខ្លួនយើងផងដែរ។
យើងនឹងក្លាយជាមនុស្សបាត់បង់សមត្ថភាព ក្នុងការដោះស្រាយបញ្ហា និងស្វែងរកដំណោះស្រាយនៅក្នុងជីវិតប្រចាំថ្ងៃ។ ដូច្នេះឈប់បន្ទោស ឈប់មាក់ងាយ និងខ្មាសអៀននឹងខ្លួនឯង ត្រូវប្រឈមនឹងការពិតហើយដោះស្រាយវា។
ពេលយើងជួយខ្លួនឯងបាន យើងក៏អាចជួយអ្នកដទៃដែរ។ ហើយយើងក៏អាចចែករំលែករឿងរ៉ាវរបស់យើង ទៅកាន់អ្នកផ្សេង ដើម្បីកុំឲ្យពួកគេក្លាយជាជនរងគ្រោះដូចយើងដែរ៕
ប្រែសម្រួល៖ សាង ស្រីល័ក្ខ
ចុចអាន៖ សម្គាល់មើល តើប្តីប្រពន្ធយើងកំពុងកើត Depression ដែរ?
ចុចអាន៖ កុំកំណាញ់! ឧស្សាហ៍ញញឹមផ្ដល់គុណប្រយោជន៍ច្រើនយ៉ាងណាស់ដល់អ្នក
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង