ក្រុមហ៊ុនអង្គរមីលរៀបចំពិធីជប់លៀងប្រចាំឆ្នាំ២០២៣

អត្ថបទពាណិជ្ជកម្ម

នៅរាត្រីថ្ងៃទី៧ ខែមករា ឆ្នាំ២០២៤ ក្រុមហ៊ុនអង្គរឌែរីប្រូដាកខូអិលធីឌី បានរៀបចំពិធីជប់លៀងប្រចាំឆ្នាំ ដើម្បីជាការអបអរសាទរចំពោះការសហការធុរកិច្ចរវាង ក្រុមហ៊ុនអង្គរឌែរីប្រូដាកខូអិលធីឌី និងតំណាងចែកចាយទូទាំងប្រទេសសម្រាប់ឆ្នាំ២០២៣ ដែលជាឆ្នាំដ៏ប្រពៃ និងទទួលបានលទ្ធផលល្អប្រសើរ។

ក្រុមហ៊ុនអង្គរឌែរីប្រូដាកខូអិលធីឌី (រោងចក្រផលិតទឹកដោះគោអង្គរមីល) ទទួលបានអាជ្ញាប័ណ្ណពីរាជរដ្ឋាភិបាល កាលពីខែវិច្ឆិកា ឆ្នាំ២០១៣ លើផ្ទៃដី​ ៣ហិកតា​ ហើយបានដំណើរផលិត​ផលិតផលទឹកដោះគោដំបូងនៅ​ ខែកញ្ញាឆ្នាំ២០១៥​​ ជាមួយការដាក់បន្ថែមទន់វិនិយោគជាបន្តបន្ទាប់ ដែលគិតមកដល់ពេលនេះទន់វិនិយោគបានកើនឡើងដល់ប្រមាណជិត ៤១លានដុល្លារសហរដ្ឋអាមេរិក ហើយផ្ទៃដី​រោងចក្រផលិតបានកើនដល់ ៦ហិកតា​(ទ្វេដង)។ បច្ចុប្បន្ន ក្រុមហ៊ុននេះ​បាននិងកំពុង​ផ្តល់ការងារជូនកម្មករនិយោជិត​ប្រមាណជាជិត ៦០០នាក់  ក្នុងនោះនាយកដ្ឋានផ្នែកលក់ និងទីផ្សារមានចំនួន​ ១៥៨នាក់ ទូទាំងប្រទេស​ (ឆ្នាំ២០២៤មានកំណើនប្រមាណ១០%) និងបានចូលរួមចំណែកបង់ពន្ធជូនថវិកាជាតិប្រមាណ ៨ ទៅ១០លានដុល្លារសហរដ្ឋអាមេរិក ក្នុងមួយឆ្នាំៗ​។ 

លោកនាយកនៃនាយកដ្ឋានផ្នែកលក់ និងទីផ្សារ បានលើកឡើងថា «យើង​ខ្ញុំនឹងខិតខំសិក្សាស្វែងយល់អំពីតម្រូវ​ការ គោលបំណងរបស់អ្នកប្រើប្រាស់ចុងក្រោយ ដើម្បីអភិវឌ្ឍន៍នូវផលិតផលថ្មីៗជាច្រើនទៀត ដើម្បីផ្គត់ផ្គង់តម្រូវការ​ទីផ្សារប្រកបដោយនិរន្តភាព និង​ដើម្បីពង្រីកទំហំទីផ្សាររបស់យើងឱ្យកាន់តែធំជាលំដាប់ជារៀងរាល់ឆ្នាំ»។​​

លោកបន្ថែមថា ដើម្បីឆ្លើយតបទៅនឹងបរិបទនៃការប្រគួតប្រជែងដ៏ខ្លាំងនាពេលបច្ចុប្បន្ននេះ ក្រុមហ៊ុននឹងខិតខំបង្កើតនូវយុទ្ធសាស្រ្តទីផ្សារថ្មីៗដែលមានប្រសិទ្ធិភាពខ្ពស់ ដើម្បីប្រគួតប្រជែងលើទីផ្សារ​ប្រកបដោយយុទ្ធសាស្រ្ត ឈ្នះ-ឈ្នះ-ឈ្នះ-ឈ្នះ ។ ជាពិសេស មានភាពជឿជាក់ទៅលើសមត្ថភាព និងបទពិសោធក្នុងការចែកចាយលក់ផលិតផលយូរឆ្នាំ​​ព្រមទាំងការក្តាប់បាននូវព័ត៌មានទីផ្សារយ៉ាងជាក់លាក់នៅក្នុងតំបន់​រៀងៗខ្លួនរបស់តំណាងចែកចាយទាំងអស់។ ទន្ទឹមនោះ ​ក្រុមហ៊ុនមានការរំពឹងទុកជាមុនថាការសហការធុរកិច្ចក្នុង ឆ្នាំ២០២៤​​ នេះ នឹងបញ្ចប់ដោយទទួលបានលទ្ធផលល្អប្រសើរជាងឆ្នាំ២០២៣ ហើយនឹងមានកំណើនមិនតិចជាង១០–១៥%​នោះឡើយ ​ដោយសារក្រុមហ៊ុនមាន យុទ្ធសាស្រ្តល្អ ផលិតផលល្អ អ្នកចែកចាយពូកែ ការសហការល្អ នោះនឹងទទួលបានលទ្ធផលគាប់ប្រសើរជាមិនខាន។​  ចំណែក យុទ្ធសាស្រ្តគន្លឹះ ឆ្នាំ២០២៤ គឺ៖

• ការកសាងម៉ាកយីហោ តាមគ្រប់ប្រព័ន្ធផ្សព្វផ្សាយ ជាពិសេស​បណ្តាញសង្គម និង ឌីជីថល (Social and digital media)
• ការពង្រីកទីផ្សារតាមរយៈ កម្មវិធីលក់ជាពិសេសដល់ដៃគូលក់និងចែកចាយបន្ត
• ការបង្កើនបរិមាណនៃអតិថិជនប្រើប្រាស់ចុងក្រោយលើទូទាំងប្រទេស 

បន្ថែមពីនេះ តំណាងក្រុមហ៊ុន​អង្គរឌែរីប្រូដាកខូអិលធីឌី ក៏បានប្រសិទ្ធិពរបវរសួស្តី មហាប្រសើរ ដល់វត្តមានរបស់ ថ្នាក់ដឹកនាំ​​ និងបុគ្គលិកក្រុមហ៊ុនអង្គរឌែរីប្រូដាកខូអិលធីឌី អ្នកសារព័ត៌មាន ក្រុមហ៊ុនភ្នាក់ងារខ្មែរអែតហ្សូនជាទីគោរពរស្រលាញ់ ជាពិសេស ដល់តំណាងចែកចាយទូទាំងប្រទេសទាំងអស់​ នូវពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ  កុំបីឃ្លៀងឃ្លាតឡើយ។

អង្គរមីលមានមោទនភាពដែលបានផលិតនៅប្រទេសកម្ពុជា!

អង្គរមីលល្អសម្រាប់សុខភាពអ្នក! សូមអរគុណ៕  

(ប្រភពអត្ថបទពីក្រុមហ៊ុនអង្គរមីល)