Connect with us

ព័ត៌មានជាតិ

មិ​នចាញ់​តំបន់ទេសចរណ៍ផ្សេងទៀត ឆ្នេរខ្សាច់សុពណ៌គិរី ទាក់ទាញពលរដ្ឋ​ទៅ​កម្សាន្ត​ជាហូរហែ

បានផុស

នៅ

រមណីយដ្ឋាន​ឆ្នេរខ្សាច់​​សុពណ៌គិរី គឺជា​រមណីយដ្ឋានទេសចរណ៍​មួយកន្លែង​ដែល​ទទួល​បាន​ការ​ចាប់​អារម្មណ៍​ពី​ភ្ញៀវ​ទេសចរឲ្យទៅលេងកម្សាន្តជាហូរហែ ​ក្នុងចំណោម​បណ្តា​ទី​តាំង​ទេសចរណ៍​ផ្សេង​ទៀត​ក្នុង​ខេត្ត​ក្រចេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រមណីយដ្ឋាន​ឆ្នេរ​​ខ្សាច់​សុពណ៌គិរី គឺ​ទទួល​បាន​ការ​ចាប់​​អារម្មណ៍​ពី​ភ្ញៀវ​ទេសចរមិនថាតែតាម​បណ្ដា​​ខេត្ត និង​អ្នក​ដែល​រស់នៅ​ក្នុង​តំបន់ទៅ​កម្សាន្ត​ឥតឈប់ឈរ ជាពិសេសនៅ​​ថ្ងៃ​ឈប់​សម្រាក​​ពី​ការងារ និង​ក្នុង​​ឱកាស​ពិធីបុណ្យ​​ជាតិ​ខ្មែរ​នានា​។

បើ​តាម​អាជ្ញាធរ​​ខេត្ត​ក្រចេះ​​ នៅ​​រមណីយដ្ឋាន​ឆ្នេរ​ខ្សាច់​សុពណ៌គិរីមានកន្លែងសក្តានុពលជាច្រើនដូចជា មាន​រោង​​បណ្ដែត​​ទឹក​នៅ​លើ​ទឹក​ទន្លេ​មេគង្គ​ដ៏​ស្រស់​ស្អាត ទេសភាព​​ជុំវិញ​អំណោយ​​ផល មាន​ម្ហូប​​ខ្មែរ​​ជា​​ច្រើន​​មុខ សម្រាប់​​ភ្ញៀវ​​ទេសចរ​អាច​​ធ្វើការ​​កុម្ម៉ង់​តាម​តម្រូវការ។ ​ទៀត​សោត ភ្ញៀវ​ទេសចរ​ក៏​អាច​មុជ​ទឹក​លេង​កម្សាន្ត សម្រាក​ហូប​អាហារ និង​ភេសជ្ជៈ​នៅ​​ក្នុង​​រោង​​បណ្ដែត​​ទឹក និង​ថតរូបអនុស្សាវរីយ៍​ផង​ដែរ​។

រមណីយដ្ឋាន​សុពណ៌​គិរីមាន​ទី​តាំង​ស្ថិត​នៅ​តាម​ដង​​ទន្លេ​មេគង្គ​ត្រើយ​ខាង​លិច​ចម្ងាយ ៥១គ.ម ខាង​​ត្បូង​ទី​រួម​​ខេត្តក្រចេះ មាន​ទីតាំង​នៅ​ភូមិ​ជ្រោយ​អំពិល១ ឃុំ​ចំបក់ ស្រុក​ព្រែក​ប្រសព្វ ខេត្ត​ក្រចេះ។

ក្រៅ​ពី​រមណីយដ្ឋាន​សុពណ៌​គិរី នៅ​ក្នុង​ខេត្ត​ក្រចេះ​ក៏​មាន​ទីតាំង​រមណីយដ្ឋាន​ទេសចរណ៍​ជា​ច្រើន​ផ្សេង​ទៀត​​ ដែល​អាច​ទាក់ទាញ​អារម្មណ៍​ភ្ញៀវ​ទេសចរ​ជាតិ​-អន្តរជាតិ​ទៅ​លេង​​កម្សាន្ត ដូច​ជា រមណីយដ្ឋាន​ទឹកជួរ​ទន្លេ​កាំពី​ រមណីយដ្ឋាន​ឆ្នេរ​ខ្សាច់​កោះ​ទ្រង់ រមណីយដ្ឋាន​វត្ត​សសរ​ ១០០ រមណីយដ្ឋាន​អន្លង់​ផ្សោត​កាំពី រមណីយដ្ឋាន​ភ្នំ​សំបុក​ រមណីយដ្ឋាន​ឆ្នេរ​ខ្សាច់សសរ ១០០ រមណីយដ្ឋាន​ស្តូប​វិមាន​ ២​ធ្នូ​ ​និង​រមណីយដ្ឋាន​វិហារ​បុរាណ​រកា​កណ្ដាល​ជា​ដើម​៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៨ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៨ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៩ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៩ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម