KPT+

៤យ៉ាងដែលយើងច្រើនធ្វើខុសពេលដើរកម្សាន្តឆ្ងាយៗ

បានផុស

៦ years មុន

នៅ

ថ្ងៃព្រហស្បតិ៍ ១៥ តុលា ២០២០

ដោយ

សាង ស្រីល័ក្ខ

មានរឿង ៤ យ៉ាងដែលគ្នាយើងច្រើនតែធ្វើខុសពេលត្រៀមនឹងធ្វើដំណើរទៅកម្សាន្តទីឆ្ងាយៗ

១ ដូរលុយរាយ

ករណីប្រើក្រដាសធំៗដែលយើងសន្សំទុកសម្រាប់ដើរលេង ឬ ពឹងពេកលើ ATM យើងនឹងចំណាយបន្ថែមលើថ្លៃសេវាប្រតិបត្តិការ ចំណែកបើទៅបរទេសទៀតនឹងរឹតតែមិនគួរ។ នៅតំបន់ចុងកាត់មាត់ញក ការចាយលុយធំច្រើនតែលំបាកឬបានការអាប់មកវិញដែលមិនសមស្រប។ល។ គួរត្រៀមលុយគ្រប់ប្រភេទពិសេសកាន់តែតូចកាន់តែប្រសើរ។

ជាធម្មតាម៉ាស៊ីនATM នៅតាមផ្លូវនឹងពេញណែនដោយអ្នកតម្រង់ជួរដែលខាតពេលយើង ហើយនៅតាមព្រលានយន្តហោះវិញសេវាកម្ម មានតម្លៃថ្លៃជាងធម្មតាក្នុងការប្រើ ដូច្នេះព្យាយាមដកលុយនៅកណ្ដាលទីក្រុងនានាអាចសន្សំបានច្រើន។

២ សម្រាកល្អតាមផ្លូវ

នៅពេលដែលកំពុងធ្វើដំណើរម្នាក់ៗមិនព្រមសម្រាលភាពនឿយហត់ខ្លួនឯងមុនពេលទៅដល់ទេ បែរជាទៅសម្រាកនៅកន្លែងនោះទៅវិញ ។ ការរៀនគេងឲ្យបានលក់នៅលើផ្លូវឆ្ងាយៗ និងនាំឲ្យមានដំណើរកម្សាន្តដែលមិននឿយហត់នឹងខ្លួនឯង ហើយយើងអាចត្រៀមប្រើខ្នើយកល់ក ឬយកល្អកាបូបដែលដាក់អីវ៉ាន់ទន់ៗអាចប្រើជាខ្នើយបានយ៉ាងល្អគ្រប់ទីតាំងនិងតាមខ្លួនជាប់ជានិច្ច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

៣ ខាតពេលព្រោះខោអាវនិងតុបតែង

ការពិតដ៏គួរឲ្យស្ដាយ ដែលគឺយើងមិនដឹងថា យើងកំពុងមានកម្មវិធីទៅណាខ្លះគួរស្លៀកអ្វី ហើយអ្នកខ្លះត្រូវអង្គុយកើតទុក្ខរអ៊ូរទាំស្វែងរកខ្ចីមិត្តឬទិញនៅនឹងកន្លែង។ វាកើតឡើងមិនចេះគ្រប់គ្រងការដើរកម្សាន្ត ដែលជាទូទៅយើងត្រូវដឹងថានោះជាតំបន់អ្វីហើយធ្វើសកម្មភាពអ្វីនិងត្រូវស្លៀកពាក់អី។

៤ ថតរូបភ្លេចសប្បាយ

តើយើងមកបង្អួតគ្នាឬមកដើម្បីស្រូបយកទេសភាពនិងខ្យល់អាកាស? ជាញឹកញាប់យើងភ្លេចអ្វីដែលល្អបំផុតក្នុងការធ្វើដំណើរគឺអាហារនិងប្រើអារម្មណ៍។ ការប្រើវិស្សមកាលរបស់យើងធ្វើជាលេស ដើម្បីថតរូបនៅគ្រប់ទីកន្លែង សូម្បីវត្ថុក្នុងចានពីភោជនីយដ្ឋាន បង្គន់នៃ បន្ទប់សណ្ឋាគារពិតជាគួរឲ្យខ្មាសអៀនដែលមនុស្សម្នាក់តែងស្រវាថតរូបគ្រប់ទីកន្លែងដើម្បីជាប្រយោជន៍នៃការបង្ហោះនៅលើបណ្ដាញសង្គម។ គួរតែភ្ញាក់ពីគេងនៅលើគ្រែសណ្ឋាគាររបស់យើងហើយប្រើពេលវេលានោះទទួលអារម្មណ៍ផាសុកភាពល្អជាង៕

ប្រែសម្រួល៖ សុភា

ប្រភព៖ thetravel

ចុចអាន៖ចង់ឲ្យកូនជោគជ័យក្នុងជីវិត ឪពុកម្ដាយគួរធ្វើសកម្មភាពនេះ

ចុចអាន៖ចង់ទៅប្រទេសជប៉ុន គួរដឹង ១០ ចំណុចនេះជាមុនសិន

Related Topics: