KPT+

អ្នកកាសែតម្នាក់ ចោទ Ashley ថា ដាក់អន្ទាក់ Elon Musk

បានផុស

១ year មុន

នៅ

ថ្ងៃចន្ទ ២៤ កុម្ភៈ ២០២៥

ដោយ

កាលថ្ងៃទី ២១ ខែកុម្ភៈ Ashley St. Clair បានដាក់ពាក្យបណ្តឹងប្រឆាំងនឹង Elon Musk នៅតុលាការកំពូល Manhattan ក្នុងទីក្រុងញូវយ៉ក សហរដ្ឋអាមេរិក ដោយសុំឲ្យមហាសេដ្ឋីបច្ចេកវិទ្យារូបនេះ បញ្ជាក់ពីភាពជាឪពុករបស់កូនដែលនាងសម្រាលបាន ៥ ខែមុន។

ដូចពេលដែលអ្នកនិពន្ធស្រីបានប្រកាសថា នាងសម្រាលបានកូនរបស់ Elon Musk មហាសេដ្ឋីបច្ចេកវិទ្យារូបនេះមិនបានចេញសេចក្តីថ្លែងការណ៍ជាផ្លូវការណាមួយអំពីពាក្យបណ្ដឹងនោះទេ។ យ៉ាងណាមិញ លោកបានធ្វើសកម្មភាពគួរឲ្យកត់សម្គាល់មួយចំនួន ទាក់ទងនឹងរឿងអាស្រូវផ្ទាល់ខ្លួនរបស់លោកនៅលើបណ្ដាញសង្គម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មួយថ្ងៃបន្ទាប់ពីព័ត៌មានបានបែកធ្លាយថា Ashley កំពុងប្តឹង Elon Musk អ្នកកាសែត Laura Loomer ដែលមានអ្នកតាមដានជាង ១.៤ លាននាក់នៅលើ X បានចោទប្រកាន់អ្នកនិពន្ធស្រីថាបានដាក់អន្ទាក់សម្រាប់បុរសមានបំផុតរបស់ពិភពលោក។

អ្នកកាសែត Loomer បានរិះគន់ Ashley យ៉ាងដូច្នោះថា Ashley ចង់បានឯកជនភាព ប៉ុន្តែនាងបានថតអេក្រង់សារ Signal ឯកជនរបស់ Elon អំឡុងពេលទំនាក់ទំនងរបស់ពួកគេ? តើនាងមានគម្រោងវាយប្រហារ Elon យូរប៉ុណ្ណាហើយ? នាងបានថតរូបជាមួយទូរស័ព្ទមួយផ្សេងទៀត ដោយសារតែ Signal នឹងជូនដំណឹងដល់អ្នក នៅពេលដែលនរណាម្នាក់ថតអេក្រង់នៃសារដើម្បីការពារឯកជនភាពរបស់អ្នកប្រើប្រាស់។

ការបង្ហោះនេះត្រូវបានចែករំលែកបន្តដោយគណនីមួយដែលមានឈ្មោះថា Isabella Moody ជាមួយនឹងចំណងជើងថា ខ្ញុំយល់ស្របជាមួយ Laura Loomer ។ ខ្ញុំនឹងមិនបង្ហាញរឿងនេះជាសាធារណៈទេ ប៉ុន្តែឥឡូវនេះ Ashley St. Clair បានបង្ហាញសារឯកជនរបស់នាងជាមួយ Elon Musk បន្ទាប់ពីកុហក និងស្រែកទាមទារភាពឯកជន។ នេះជាភស្តុតាងបន្ថែមទៀតដែលថានាងគ្រោងនឹងចាប់ Elon នាងបានផ្ញើសារទាំងនេះមកខ្ញុំក្នុងខែឧសភា ឆ្នាំ ២០២៣ នៅពេលដែលនាងបានជួប Elon ជាលើកដំបូង ហើយចាប់ផ្តើមដេកជាមួយគាត់។