KPT+

បកស្រាយនិយមន័យនៃចិត្តមេត្តាករុណាដែលគ្រប់គ្នាលុតជង្គង់ចុះចាញ់

បានផុស

៣ years មុន

នៅ

ថ្ងៃសុក្រ ៩ មេសា ២០២១

ដោយ

និយមន័យមេត្តាករុណាគឺជាអារម្មណ៍ឬការបង្ហាញពីការអាណិតអាសូរ និងការយកចិត្តទុកដាក់ចំពោះអ្នកដទៃ ហើយខាងក្រោមនេះគឺជាអំណះអំណាងមួយក្នុងចំណោមគុណសម្បត្តិសំខាន់ដែលមនុស្សម្នាក់អាចមាន។

១. មេត្តាករុណាមានន័យថាអាណិត

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្ដីមេត្តាករុណាគឺជាគុណនាមនៃពាក្យ “ មេត្តាធម៌” មានន័យថា“ អាណិតអាសូរ” ។ ទស្សនៈសាសនាសំខាន់ៗចាត់ទុកការអាណិតអាសូរគឺជាគុណធម៌ដ៏អស្ចារ្យ។

សាសនាទាំងនេះរួមមានសាសនាហិណ្ឌូ សាសនាជេនីស៊ិម សាសនាជូដាយ សាសនាព្រះពុទ្ធ សាសនាគ្រិស្ត និងសាសនាឥស្លាម។ ម៉្យាងវិញទៀតសម្ដេចសង្ឃ Dalai Lama បានមានសង្ឃដីកាថា សេចក្ដីស្រឡាញ់និងការអាណិតអាសូរ គឺជាភាពចាំបាច់មិនមែនជាវត្ថុប្រណីតទេ។

២. ក្នុងចិត្តវិទ្យានិយមន័យនៃសេចក្តីមេត្តាករុណាគឺជាការជំរុញនិងបន្ធូរបន្ថយភាពរងទុក្ខ

ការអាណិតអាសូរបានក្លាយជាប្រធានបទនៃការស្រាវជ្រាវនៅក្នុងចិត្តវិទ្យា និងសង្គមវិជ្ជមាន។ យោងទៅតាមការសិក្សាមានន័យថា សេចក្ដីមេត្តាករុណាគឺជាសមត្ថភាពក្នុងការកំណត់អត្តសញ្ញាណជាមួយមនុស្សផ្សេងទៀត ហើយក៏ជួយបន្ធូរបន្ថយការឈឺចាប់របស់ពួកគេដែរ។

៣. ក្នុងវិស័យប្រសាទវិទ្យានិយមន័យនៃសេចក្ដីមេត្តាករុណាគឺជាការបង្ហាញពីអារម្មណ៍វិជ្ជមានចំពោះមនុស្ស

ការពិសោធន៍បានបង្ហាញថា ការអាណិតអាសូរចំពោះអ្នកដទៃមានឥទ្ធិពលលើផ្នែកខាងចុង ផ្នែកខាងមុខ និងផ្នែកខាងក្រោមនៃខួរក្បាល។ ការអាណិតអាសូរក៏មានឥទ្ធិពលលើតំបន់នៃខួរក្បាលដែលទាក់ទងនឹងភាពរីករាយនិងរង្វាន់ជាដើម។

សរុបមកការពិសោធន៍ទាំងនេះបង្ហាញពីលទ្ធផល ដែលបង្កឱ្យមានអារម្មណ៍វិជ្ជមានចំពោះមនុស្ស។

៤. ក្នុងវេជ្ជសាស្ត្រនិយមន័យនៃសេចក្ដីមេត្តាករុណាគឺជាមនោសញ្ចេតនាសង្គម

សេចក្ដីមេត្តាករុណាគឺជាគុណសម្បត្តិរួមមួយ ក្នុងចំណោមអ្នកជំនាញខាងវេជ្ជសាស្ត្រ ព្រោះនាំមកនូវបំណងប្រាថ្នាដើម្បីជួយដល់អ្នកដែលកំពុងរងគ្រោះ។

ក្នុងវេជ្ជសាស្ត្រសេចក្ដីមេត្តាករុណាមានទំនាក់ទំនងជិតស្និទ្ធ និងជំរុញឲ្យអ្នកអនុវត្តប្ដេជ្ញាចិត្តបំពេញភារកិច្ចរបស់ពួកគេ ហើយមើលចំណាប់អារម្មណ៍របស់អ្នកជំងឺរបស់ពួកគេជាមុន។

ទំនាក់ទំនងរវាងវេជ្ជបណ្ឌិតនិងអ្នកជំងឺ គឺជាភស្តុតាងដែលបង្ហាញពីការអាណិតអាសូរ ដែលជាអារម្មណ៍សង្គមមួយទាក់ទងទៅនឹងភាពជិតស្និទ្ធ ក្នុងចំណោមមនុស្សទាំងអស់។

៥. តើមនុស្សដែលចេះអាណិតអាសូរងាយនឹងអស់កម្លាំងមែនទេ?

មានទ្រឹស្ដីផ្សេងៗគ្នាទាក់ទងនឹងផលប៉ះពាល់នៃក្ដីមេត្តាចំពោះមនុស្ស។ អ្នកជំនាញខ្លះណែនាំថាមនុស្សដែលមានសមត្ថភាពខ្ពស់ក្នុងការអាណិតអាសូរចំពោះអ្នកដទៃ ទំនងជាងាយនឹងអស់កម្លាំងឬស្ត្រេស។

ប៉ុន្តែអ្នកជំនាញផ្សេងទៀតបានបង្ហាញថា វាគឺជាកង្វះនៃការអត់ធ្មត់ដែលបណ្ដាលឲ្យមានរោគសញ្ញាទាំងនេះ។ ហើយវិធីល្អបំផុតដើម្បីការពារភាពអស់កម្លាំងឬស្ត្រេស គឺត្រូវអនុវត្តសេចក្ដីមេត្តាដោយគ្មានការវិនិច្ឆ័យ។

៦. ភាពចេះអាណិតអាសូរខ្លួនឯងគឺជាការចិត្តល្អចំពោះខ្លួនឯង

ការអាណិតអាសូរមិនត្រឹមតែជាអារម្មណ៍ចំពោះអ្នកដទៃប៉ុណ្ណោះទេ ប៉ុន្តែក៏ជាអារម្មណ៍ចំពោះខ្លួនឯងផងដែរ។ អាណិតអាសូរខ្លួនឯង គឺជាដំណើរការមួយដែលអ្នករៀនធ្វើល្អចំពោះខ្លួនឯង ហើយទទួលយកថាការរងទុក្ខ គិតថាគឺជារឿងធម្មជាតិដែលកើតឡើងនៅក្នុងជីវិត៕

ប្រែសម្រួល៖ សាង ស្រីល័ក្ខ

ចុចអាន៖ចាប់ផ្ដើមសមាធិ អាចជួយផ្លូវចិត្តធូរស្រាលអំឡុងវិបត្តិកូវីដ-១៩

ចុចអាន៖ពេលជីវិតក្លាយជាអ្នកមាន ការប្រែប្រួលទាំង ៦ នេះនឹងកើតឡើង