ព័ត៌មានជាតិ
ក្រសួងសាធារណការបដិសេធសំណើជាវស្លាកលេខ “កម្ពុជា 1979.I.7”
ភ្នំពេញ៖ ក្រសួងសាធារណការ និងដឹកជញ្ជូន បានធ្វើការបដិសេធទៅនឹងសំណើសុំចុះបញ្ជីពិសេសផ្ទាល់ខ្លួន “កម្ពុជា 1979.I.7” របស់ឈ្មោះ កូវ ស្រ៊ុនឆាយ ដោយសារស្លាកនេះស្រដៀងគ្នានឹងលេខដែលបានចុះបញ្ជីរួចរាល់ហើយ។
យោងតាមសេចក្តីប្រកាសព័ត៌មានរបស់ក្រសួងសាធារណការ និងដឹកជញ្ជូន នៅថ្ងៃទី១២ ខែមេសានេះ បានឱ្យដឹងថា គណៈកម្មការអន្តរក្រសួងគ្រប់គ្រងការលក់លេខចុះបញ្ជីរថយន្ត បានពិនិត្យឃើញថា លេខចុះបញ្ជីពិសេសផ្ទាល់ខ្លួន “កម្ពុជា 1979.I.7” ដែលស្នើសុំដោយឈ្មោះ កូវ ស្រ៊ុនឆាយ នេះមានលក្ខណៈស្រដៀងនឹងលេខដែលធ្លាប់បានចុះបញ្ជីរួច ព្រមទាំងអាចធ្វើឱ្យងាយនឹងភ័ន្តច្រលំគ្នា ដែលអាចធ្វើឱ្យប៉ះពាល់ដល់សន្តិសុខ សណ្តាប់ធ្នាប់សាធារណៈ បង្កឱ្យមានការលំបាកដល់មន្រ្តីមានសមត្ថកិច្ចក្នុងការគ្រប់គ្រងទិន្នន័យយានយន្ត ក៏ដូចជាអនុវត្តនូវវិធានគ្រប់គ្រងសណ្តាប់ធ្នាប់សាធារណៈ និងបង្ក្រាបបទល្មើសនានាដែលពាក់ព័ន្ធនឹងយានយន្ត។
ការបដិសេធនេះ ធ្វើឡើងក្រោយពីឈ្មោះ កូវ ស្រ៊ុនឆាយ បានស្នើលេខចុះបញ្ជីពិសេសផ្ទាល់ខ្លួន “កម្ពុជា 1979.I.7” កាលពីដើមខែមេសា ឆ្នាំ២០២១នេះ។
ក្រសួងសាធារណការ និងដឹកជញ្ជូន បានបន្តថា គណៈកម្មការ សម្រេចមិនអនុញ្ញាតផ្តល់ជូន និងធ្វើការបង្វែរទឹកប្រាក់គ្រប់ចំនួន ១២,៣៧៦,៤០០រៀល ទៅគណនីរបស់អ្នកស្នើសុំឈ្មោះ កូវ ស្រ៊ុនឆាយ វិញ។
គួរបញ្ជាក់ថាគណៈកម្មការអន្តរក្រសួងគ្រប់គ្រងការលក់លេខចុះបញ្ជីរថយន្តមានសិទ្ធិក្នុងការត្រួតពិនិត្យឡើងវិញនូវរាល់លេខចុះបញ្ជីពិសេសផ្ទាល់ខ្លួនទាំងឡាយណាដែលបានទិញលក់តាមប្រព័ន្ធស្វ័យប្រវត្តិកម្មហើយគណៈកម្មការនេះមានសិទ្ធិសម្រេចមិនអនុញ្ញាត ឬបដិសេធ ឬស្នើសុំដកហូតយកមកវិញក្នុងករណីដែលពិនិត្យរកឃើញថាលេខចុះបញ្ជីពិសេសផ្ទាល់ខ្លួនទាំងនោះមានការពាក់ព័ន្ធនិងឈ្មោះទីកន្លែងប្រវត្តិសាស្ត្រឈ្មោះប្រាសាទឈ្មោះរាជធានីខេត្ត ឈ្មោះក្រសួងស្ថាប័ន គណបក្សនយោបាយ ឈ្មោះថ្នាក់ដឹកនាំជាន់ខ្ពស់ និងជនល្បីឈ្មោះ ឬជាលេខដែលមានទម្រង់ធ្វើឱ្យមានការភ័ន្តច្រឡំមានអត្ថន័យ ឬសូរសព្ទដែលប៉ះពាល់ដល់សណ្ដាប់ធ្នាប់សាធារណៈ និងមិនបានកំណត់ច្បាស់លាស់នៅក្នុងប្រព័ន្ធស្វ័យប្រវត្តិកម្មពីមុនមក។
ក្នុងករណីនេះប្រសិនបើសាធារណជនបានបង់ប្រាក់ទិញលេខចុះបញ្ជីទាំងនេះរួចហើយគណៈកម្មការស្នើឲ្យជ្រើសរើសលេខថ្មី ឬធ្វើការបង្វែរប្រាក់ជូនវិញគ្រប់ចំនួន៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ