ព័ត៌មានជាតិ

អាជ្ញាធរសង្កាត់ច្បារអំពៅទី ២ ចុះរៀបចំសណ្ដាប់ធ្នាប់រាល់ថ្ងៃ ក្នុងមូលដ្ឋាន

បានផុស

៩ ខែ មុន

នៅ

ថ្ងៃពុធ ២៩ តុលា ២០២៥

ដោយ

រៀងរាល់ថ្ងៃ ប្រជាពលរដ្ឋបានសង្កេតឃើញកម្លាំងអាជ្ញាធរសង្កាត់ច្បារអំពៅទី ២ ខណ្ឌច្បារអំពៅ រាជធានីភ្នំពេញ ចុះរៀបចំសណ្ដាប់ធ្នាប់ក្នុងមូលដ្ឋានរបស់ខ្លួន ចាប់ពីម៉ោង ៥ ទៀបភ្លឺឡើងទៅ គួរឲ្យកោតសរសើរខ្លាំងណាស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក កង សុធា ជាអ្នករស់នៅច្បារអំពៅ បានឲ្យដឹងថា ជារៀងរាល់ថ្ងៃ លោកតែងតែងើបពីដំណេកដើម្បីទៅទិញអីវ៉ាន់យកមកលក់ដូរនៅផ្ទះ ហើយក៏ឃើញកម្លាំងអាជ្ញាធរសង្កាត់ច្បារអំពៅទី ២ ចុះរៀបចំសណ្ដាប់ធ្នាប់លើកំណាត់ផ្លូវ ៣៦៩ និងផ្លូវជាតិលេខ ១ ក្នុងមូលដ្ឋានរបស់ខ្លួន ពុំដែលខកខានម្តងណាឡើយ។

ទាក់ទិននឹងការចុះរៀបចំសណ្ដាប់ធ្នាប់ខាងលើនេះ លោក ជូ វ៉ាន់ ជំនួយការសាលាសង្កាត់ច្បារអំពៅទី ២ បានឲ្យដឹងថា ជារៀងរាល់ព្រឹកព្រលឹមឡើងទៅ កម្លាំងចម្រុះរបស់សាលាសង្កាត់ បានចុះរៀបចំសណ្ដាប់ធ្នាប់ ព្រោះជាកន្លែងដែលពលរដ្ឋយកអីវ៉ាន់មកលក់ដោះដូរគ្នា ពិសេសតាមបណ្ដោយផ្លូវជាតិលេខ ១ និងផ្លូវ ៣៦៩។ ទោះជាយ៉ាងណា ក៏កម្លាំងចម្រុះមិនត្អូញត្អែរឡើយ ព្រោះជាភារកិច្ចចំពោះមុខទៅហើយ៕

អត្ថបទ ៖ នរា