ព័ត៌មានជាតិ
ពិធីប្រកាសចូលកាន់មុខតំណែង មន្ត្រីរាជការមន្ទីរសុខាភិបាល នៃរដ្ឋបាលខេត្ត
កាលពីព្រឹកថ្ងៃទី ១០ ខែវិច្ឆិកា ឆ្នាំ ២០២៥ លោក ប៉េង ពោធិ៍សា អភិបាល នៃគណៈអភិបាលខេត្តស្វាយរៀង បានអញ្ជើញជាអធិបតីក្នុងពិធីប្រកាសចូលកាន់មុខតំណែង មន្ត្រីរាជការមន្ទីរសុខាភិបាល នៃរដ្ឋបាលខេត្ត។
ពិធីនេះមានការអញ្ជើញចូលរួមពីលោកអភិបាលរងខេត្ត នាយករដ្ឋបាលសាលាខេត្ត លោកប្រធានមន្ទីរសុខាភិបាលខេត្ត លោកអនុប្រធានមន្ទីរមុខងារសាធារណៈខេត្ត លោកនាយករងទីចាត់ការធនធានមនុស្សសាលាខេត្ត លោក លោកស្រី អនុប្រធានមន្ទីរ និងមន្ត្រីរាជការ នៃមន្ទីរសុខាភិបាល លោក លោកស្រី បុគ្គលិកសុខាភិបាល ជាច្រើនរូបទៀត។
មានប្រសាសន៍ទៅកាន់ពិធីនេះ លោកអភិបាលខេត្ត បានបានសម្តែងនូវការកោតសរសើរ និងវាយតម្លៃខ្ពស់ចំពោះថ្នាក់ដឹកនាំ និងមន្ត្រីសុខាភិបាលគ្រប់លំដាប់ថ្នាក់ ជាពិសេសគ្រូពេទ្យ និងបុគ្គលិកសុខាភិបាល នៅតាមប៉ុស្តិ៍សុខភាព មណ្ឌលសុខភាព និងមន្ទីរពេទ្យបង្អែក គ្រប់កម្រិត ដែលបានខិតខំប្រឹងប្រែងបំពេញភារកិច្ច និងការងារ ប្រកបដោយស្មារតីទទួលខុសត្រូវ និងលះបង់ខ្ពស់ ក្នុងការបម្រើ និងផ្តល់សេវាសុខាភិបាលជូនប្រជាជន ជាពិសេសការលើកកម្ពស់ការផ្តល់សេវាសាធារណៈ សេវាអប់រំសុខភាព ការពិនិត្យព្យាបាល និងការពង្រីកយន្តការគាំពារសុខភាពសង្គមជូនប្រជាពលរដ្ឋបានល្អប្រសើរ។
លោកអភិបាលខេត្ត បានផ្ដាំផ្ញើដល់ថ្នាក់ដឹកនាំ មន្ត្រីរាជការ និងបុគ្គលិកសុខាភិបាលទាំងអស់ ជាពិសេសមន្ត្រីដែលទើបទទួលបានការតែងតាំងថ្មី នូវកិច្ចការសំខាន់ៗ មួយចំនួនដូចខាងក្រោម ៖
១-ត្រូវបន្តខិតខំពង្រឹងការសាមគ្គីភាព ឯកភាពផ្ទៃក្នុងឲ្យបានល្អទាំងក្នុងចំណោម ថ្នាក់ដឹកនាំ និងមន្ត្រីរាជការ ដើម្បីធានាឲ្យសកម្មភាពការងារមានភាពរលូន និងសម្រេចបានលទ្ធផលជោគជ័យ។
២-ត្រូវពង្រឹងរបៀបរបបការងារឲ្យបានល្អ និងបែងចែកតួនាទីភារកិច្ចនៅក្នុងអង្គភាព និងក្រុមគ្រូពេទ្យទាំងនៅក្នុងមន្ទីរពេទ្យ និងមណ្ឌលសុខភាពឲ្យបានច្បាស់លាស់ តាមមុខជំនាញរៀងៗ ខ្លួន។
៣-ត្រូវបន្តយកចិត្តទុកដាក់គ្រប់គ្រង ដឹកនាំមន្ត្រីរាជការក្រោមឱវាទឲ្យបានល្អ ប្រកបដោយការទទួលខុសត្រូវខ្ពស់ ដើម្បីឲ្យការអនុវត្តការងារបានត្រឹមត្រូវ ស្របតាមនីតិវិធី គោលការណ៍ច្បាប់ និងលិខិតបទដ្ឋានគតិយុត្តិនានា។
៤-ត្រូវលើកកម្ពស់ស្មារតីទទួលខុសត្រូវ និងម៉ឺងម៉ាត់ក្នុងការងារ ជាពិសេសការគោរពម៉ោងពេលបម្រើការងារនៅតាមបណ្តាមន្ទីរពេទ្យ និងមណ្ឌលសុខភាព។
៥-មន្ត្រីសុខាភិបាលទាំងអស់ ត្រូវតែគោរពក្រមសីលធម៌វិជ្ជាជីវៈ និងខិតខំកែលម្អ គុណភាពសេវា ដោយមានបែងចែកវេនប្រចាំការ ២៤ ម៉ោង លើ ២៤ ម៉ោង និងមិនត្រូវធ្វេសប្រហែសណាមួយកើតឡើង ដែលធ្វើឲ្យមានគ្រោះថ្នាក់ដល់អាយុជីវិតអ្នកជំងឺដោយការធ្វេសប្រហែសនោះឡើយ។
៦-ត្រូវប្រកាន់ខ្ជាប់នូវក្រមសីលធម៌គ្រូពេទ្យ ដោយត្រូវប្រើឥរិយាបថ និងពាក្យសំដីឲ្យបានសមរម្យ និងមិនត្រូវរើសអើងជាមួយប្រជាពលរដ្ឋ និងអ្នកជំងឺ ដែលមកទទួលសេវានៅតាមមណ្ឌលសុខភាព និងមន្ទីរពេទ្យរដ្ឋជាដាច់ខាត។
៧-មន្ទីរសុខាភិបាល ក៏ដូចជាអង្គភាពផ្តល់សេវាសុខាភិបាលគ្រប់ថ្នាក់ និងគ្រប់កម្រិត ត្រូវយកចិត្តទុកដាក់ក្នុងការលើកកម្ពស់ការអប់រំសុខភាពសហគមន៍ និងពង្រឹងគុណភាពថែទាំសុខភាព ជាពិសេសសមត្ថភាពធ្វើរោគវិនិច្ឆ័យ ព្យាបាល និងថែទាំ ដើម្បីចូលរួមអនុវត្តឲ្យកាន់តែទទួលបានជោគជ័យនូវគោលនយោបាយអភិវឌ្ឍន៍មូលធនមនុស្ស និងការកាត់បន្ថយ មរណភាពមាតា ទារក និងកុមារ។
៨-ត្រូវបន្តយកចិត្តទុកដាក់ខ្ពស់ពង្រឹងការអនុវត្តគោលនយោបាយ ច្បាប់ លិខិតបទដ្ឋាន គតិយុត្តិនានា ដើម្បីធានានូវការអនុវត្តការផ្តល់សេវាសុខភាពជូនប្រជាពលរដ្ឋឲ្យបានល្អ ជាពិសេសក្នុងការអនុវត្តគោលនយោបាយគាំពារសង្គមផ្សេងៗ ជូនមន្ត្រីរាជការ ប្រជាពលរដ្ឋ និង កម្មករ កម្មការិនី ឲ្យបានត្រឹមត្រូវ និងមានប្រសិទ្ធភាព តួយ៉ាង កម្មវិធីមូលនិធិសមធម៌សម្រាប់ប្រជាពលរដ្ឋក្រីក្រ និងការប្រើប្រាស់ប័ណ្ណបេឡាជាតិរបបសន្តិសុខសង្គមសម្រាប់មន្ត្រីរាជការ និងកម្មករ កម្មការិនី ជាដើម៕
អត្ថបទ ៖ ភក្ដី
-
ព័ត៌មានអន្ដរជាតិ៦ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៤ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៥ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ២ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៦ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ១ សប្តាហ៍ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៥ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៥ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS