អគ្គិសនីខេត្តក្រចេះ ចុះពិនិត្យតភ្ជាប់ចរន្តអគ្គិសនីដាច់មកពីរន្ទះបាញ់

ចរន្តអគ្គិសនីពីអនុស្ថានីយស្នួល (GS69-F2) ស្ថិតនៅឃុំស្រែចារ ស្រុកស្នួល ខេត្តក្រចេះ ត្រូវបាន​កាប់ផ្ដាច់ចរន្ត​ទាំងស្រុង នា​វេលាម៉ោង ០៦:០៥នាទីព្រឹក ថ្ងៃទី១៣ ខែវិច្ឆិកា ឆ្នាំ២០២៥‎ ដែល​មូលហេតុ​បណ្ដាល​មក​ពីរន្ទះបាញ់​ដាច់​ខ្សែ​បណ្ដាញ​តង់ស្យុងមធ្យម (MV) ចំនួន ០២សរសៃ។

‎

តាមការ​ឱ្យដឹងពីអង្គភាពអគ្គិសនីក្រចេះ បាន​ឱ្យដឹង​ថា ក្រុមការងារបច្ចេកទេសកំពុងធ្វើការជួសជុលកំហូច ដើម្បី​ភ្ជាប់​ចរន្តអគ្គិសនី​ជូន​អតិថិជន​ឱ្យបានប្រើប្រាស់ឡើងវិញ នៅពេល​ទទួលបានព័ត៌​មាន​បន្ថែមពីការ​ដាច់​ចរន្តអគ្គិសនី​នេះ ក្រុមការងារនឹងជូនដំណឹងជាបន្តបន្ទាប់ទៀត។

ប្រភពដដែល បន្តថា ករណី​ដាច់ចរន្តអគ្គិសនីពីអនុស្ថានីយស្នួល (GS69-F2) មូលហេតុ​បណ្តាល​មកពី​មានរន្ទះបាញ់​ដាច់ខ្សែ​បណ្តាញ​តង់ស្យុង​មធ្យម (MV) ចំនួន ០២សរសៃ ដែល​បណ្ដាល​ឱ្យដាច់​ចរន្តអគ្គិសនី​ស្ថិត​នៅ ឃុំស្រែចារ ស្រុកស្នួល។

នៅវេលាម៉ោង ០៩:០០នាទីព្រឹក ថ្ងៃដដែល ក្រុមការងារបច្ចេកទេស បានធ្វើការជួសជុលកំហូចរួចរាល់ និងភ្ជាប់ចរន្តអគ្គិសនីជូនអតិថិជនឱ្យបានប្រើប្រាស់ឡើងវិញ៕

អត្ថបទ៖ ប្រុញ វិធិន