ព័ត៌មានជាតិ
មន្ត្រីផ្នែកទេសចរណ៍ខេត្តកោះកុង កំពុងគិតគូរដល់ការផ្សព្វផ្សាយពីសក្ដានុពលទេសចរណ៍ឡើងវិញ
មន្ត្រីមន្ទីរទេសចរណ៍ខេត្តកោះកុង បាននិងកំពុងគិតគូរដល់ការផ្សព្វផ្សាយពីសក្តានុពលទេសចរណ៍ឡើងវិញ ដើម្បីបង្កើនការទាក់ទាញភ្ញៀវ ក្រោយស្ថានភាពបញ្ហាជម្លោះព្រំដែនបានធូរស្រាល។
ទន្ទឹមនឹងស្ថានភាពព្រំដែនបានធូរស្រាលបន្តិចហើយ មន្ទីរទេសចរណ៍ខេត្តកោះកុង នឹងពិនិត្យរាល់ការផ្សព្វផ្សាយអំពីគោលដៅតំបន់ទេសចរណ៍សំខាន់ដែលមានសក្តានុពលដល់សាធារណជនឡើងវិញ ដើម្បីមកស្នាក់នៅកម្សាន្តលេងទៅតាមក្តីបំណងរបស់ពួកគេ។
លោក សុខ ចាន់គ្រឹះស្នា ប្រធានមន្ទីរទេសចរណ៍ខេត្តកោះកុង បានឱ្យដឹងកាលពីរសៀលថ្ងៃទី ១៩ ខែមករា ថ្មីៗ នេះថា វិស័យទេសចរណ៍ បានចូលរួមចំណែកផ្តល់សេដ្ឋកិច្ចប្រាក់ចំណូលជូនសហគមន៍ និងប្រតិបត្តិករសេវាកម្មនានា ដូច្នេះតាមការណែនាំរបស់ក្រសួង និងរដ្ឋបាលខេត្ត មន្ទីរ នឹងពិនិត្យលទ្ធភាពរបស់ខ្លួនចុះផលិតមាតិកាទេសចរណ៍ និងទីតាំងទេសចរណ៍ជូនសាធារណជន ក្នុងបង្កើនការទាក់ទាញភ្ញៀវបន្ថែម។
លោកប្រធានមន្ទីរទេសចរណ៍ខេត្ត អះអាងទៀតថា ក្រុមមន្ត្រីរបស់លោក ត្រៀមចុះសាកសួរ ព្រមទាំងវាយតម្លៃផលប៉ះពាល់ដោយសារតែបញ្ហាជម្លោះព្រំដែនជាមួយប្រតិបត្តិករ សេវាករ និងសហគមន៍ទេសចរណ៍ សម្រាប់ប្រមូលព័ត៌មានជូនថ្នាក់ដឹកនាំដោះស្រាយបន្ត។ កន្លងទៅ មូលដ្ឋានស្រុកស្រែអំបិល ស្រុកបូទុមសាគរ និងស្រុកគិរីសាគរ ត្រូវបានចាប់អារម្មណ៍មកលេងកម្សាន្តរបស់ភ្ញៀវទេសចរ ខណៈទីតាំងទាំងនេះហាក់មានសុវត្ថិភាពក្នុងដំណើរកម្សាន្តបែបលក្ខណៈគ្រួសារ និងធម្មជាតិ។ ជាក់ស្ដែង ការកើនឡើងចំនួនអ្នកទេសចរ ដោយសារតែរាជរដ្ឋាភិបាល និងខេត្ត យកចិត្តទុកដាក់ពង្រីកកសាងហេដ្ឋារចនាសម្ព័ន្ធជាច្រើន ពិសេសផ្លូវជាតិលេខ ១០ និងផ្លូវជាតិលេខ ៤៨ ដែលងាយស្រួលធ្វើដំណើរទៅមកឆាប់រហ័ស។
បំណាច់ឆ្នាំ ២០២៥ កន្លងទៅ ខេត្តកោះកុង បានទទួលភ្ញៀវទេសចរសរុប ១.១៣៥.៩០២ នាក់ ក្នុងនោះ ទេសចរបរទេសជិត ៨០០.០០០ នាក់ បើធៀបនឹងឆ្នាំ ២០២៤ តួលេខបានកើនឡើង ៤៧៥.១៦៤ នាក់។ មន្ទីរ បានផ្តល់អាជ្ញាបណ្ណថ្មី និងបន្តជូនអាជីវកម្មចំនួន ១៦១ កន្លែង។
ដោយឡែកសម្រាប់ឆ្នាំ ២០២៦ នេះ មន្ទីរទេសចរណ៍ និងរដ្ឋបាលខេត្តកោះកុង នឹងប្រឹងប្រែងសហការជាមួយវិស័យឯកជន និងអង្គការដៃគូអភិវឌ្ឍន៍នានា ដើម្បីធ្វើយ៉ាងណាជួយគាំទ្រអភិវឌ្ឍន៍វិនិយោគតំបន់ទេសចរណ៍សំខាន់មួយចំនួនក្នុងមូលដ្ឋាន និងជួយផ្សព្វផ្សាយអំពីការលើកកម្ពស់សេវាកម្មទេសចរណ៍កាន់តែទាក់ទាញឱ្យច្រើនបន្ថែមទៀត ទៅកាន់សាធារណជន និងអ្នកវិនិយោគទុន៕
អត្ថបទ ៖ សិរីវឌ្ឍនៈ
-
ព័ត៌មានអន្ដរជាតិ២៣ ម៉ោង agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
កីឡា៥ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៤ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
អត្ថាធិប្បាយ៦ ថ្ងៃ agoវិចារណកថាចក្ខុវិស័យកែទម្រង់យោធាកម្ពុជា៖ ពីកម្លាំងបរិមាណ ឆ្ពោះទៅកងទ័ពជំនាញឌីជីថល និងមនសិកាការពារជាតិ
-
ព័ត៌មានអន្ដរជាតិ៣ ម៉ោង agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានអន្ដរជាតិ៦ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានអន្ដរជាតិ៥ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានជាតិ៣ ថ្ងៃ agoរោងចក្រផលិតជីក្រុមហ៊ុន ម៉ុង ឫទ្ធី ចាយទុនប្រមាណ ១០ លាន នឹងចាប់ផ្តើមផលិតចែកចាយលក់ក្នុងតម្លៃទាប ជួយកសិករដាំដុះដំណាំកសិកម្ម