ព័ត៌មានជាតិ
ពលរដ្ឋ៨១៤ គ្រួសារ នៅសង្កាត់បឹងកន្សែង ទទួលប័ណ្ណកម្មសិទ្ធិដីធ្លី
អាជ្ញាធរខេត្តរតនគិរី ចែកប័ណ្ណកម្មសិទ្ធិដីធ្លី ជូនដល់ប្រជាពលរដ្ឋ នៅក្នុងភូមិអូរកន្តិល សង្កាត់បឹងកន្សែង ក្រុងបានលុង ចំនួន៨១៤គ្រួសារ នាថ្ងៃទី១០ ខែវិច្ឆិកា ឆ្នាំ២០២០។
នៅក្នុងឱកាសចែកប័ណ្ណកម្មសិទ្ធិដីធ្លី លោក ថង សាវុន អភិបាលខេត្តរតនគិរី បានថ្លែងដាស់តឿនដល់ប្រជាពលរដ្ឋត្រូវចេះរក្សាទុកដាក់ឲ្យបានត្រឹមត្រូវ និងត្រូវប្រុងប្រយ័ត្ន កុំឲ្យបាត់បង់ ព្រោះវាជាមាសប្រាក់ដ៏សំខាន់សម្រាប់ជីវិតនិងម្យ៉ាងទៀតជាសិទ្ធិស្របច្បាប់ពេញលេញក្នុងការបែងចែក ឬផ្ទេរទ្រព្យសម្បត្តិរបស់ខ្លួន ទៅដល់កូនចៅ ខណៈរាជរដ្ឋាភិបាលកម្ពុជា ចង់ឲ្យប្រជាពលរដ្ឋរស់នៅក្នុងស្ថានភាពរៀបរយ សមរម្យ និងជាការកាត់បន្ថយភាពក្រីក្រ ប្រកបដោយសុខដុមរមនា។

លោកបានបន្តទៀតថា ផលប្រយោជន៍ជាច្រើន ដែលប្រជាជនកំពុងទទួលបានទាំងប្រយោល និងផ្ទាល់ពីការអភិវឌ្ឍលើគ្រប់វិស័យ គឺស្ថិរភាពនយោបាយ និងសន្តិភាព ដែលជាគន្លឹះនាំមកនូវសេដ្ឋកិច្ចគ្រួសារ ក៏ដូចសង្គមជាតិ បានល្អប្រសើរ ធ្វើឲ្យការប្រកបរបររកស៊ីមិនមានការភ័យខ្លាច។

លោកអភិបាលខេត្ត បានគូសបញ្ជាក់ថា ក្បាលដីដែលបានចុះបញ្ជីនៅក្នុងសៀវភៅគោលបញ្ជីដីធ្លី និងទទួលបានប័ណ្ណកម្មសិទ្ធិនេះ គឺបានបំពេញលក្ខខណ្ឌគ្រឹះដ៏រឹងមាំ ដែលធានាដោយរដ្ឋ និងការពារដោយច្បាប់ ដើម្បីយកមកប្រើប្រាស់ជាប្រយោជន៍ផ្សេងៗ សម្រាប់អាជីវកម្មផ្សេងៗ ក្នុងការកែលំអជីវភាពរស់នៅ។
លោក លី ឧសភា ប្រធានមន្ទីររៀបចំដែនដីនគរូបនីយកម្មនិងសំណង់ បានឲ្យដឹងថា កន្លងមក មានភូមិចំនួន១២ ស្មើនឹង៨,៣៧៩ វិញ្ញាបនបត្រ ត្រូវបានចែកជូនដល់ប្រជាពលរដ្ឋ។

លោកថា ក្នុងពេលឆាប់ៗខាងមុខ មន្ទីរគ្រោងចែកវិញ្ញាបនបត្រ សម្គាល់ម្ចាស់អចនវត្ថុ ចំនួន៦ភូមិបន្ថែមទៀត មានដូចជា៖ ភូមិប៉ាជន់ធំ ភូមិអូរជុំ, ភូមិទេសអន្លុង, ភូមិថារ៉ងជង, ភូមិអ៊ុន និងភូមិត្រាង ដែលមានវិញ្ញាបនបត្រ សម្គាល់ម្ចាស់អចលនវត្ថុ ប្រមាណ៣,៣២៥វិញ្ញាបនបត្រ៕
អត្ថបទ ៖ អ៊ុច សាវុទ្ធ


-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៧ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ២ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី