អ្នកភូមិ៤៨​នាក់​ដែលចូលរួមបុណ្យសពអ្នកកើតកូ​វីដ​១៩ លទ្ធផល​តេស្ត​លើកទី១ អវិជ្ជមាន

​លោក​វេជ្ជបណ្ឌិត ប្រាក់ វ៉ុ​ន ប្រធាន​មន្ទីរ​សុខាភិបាលខេត្តកំពង់ឆ្នាំង នៅ​ព្រឹក​ថ្ងៃទី​២២ ខែមេសា ឆ្នាំ​២០២១​នេះ បានបញ្ជាក់ថា អ្នកភូមិ​ព្រះរាម​រង្សី​ ចំនួន​៤៨​នាក់​ដែល​ចូលរួមក្នុងពិធីបុណ្យសពស្លាប់​ដោយជំងឺកូវីដ១៩ នោះ លទ្ធផល​តេស្ត​លើកទី១ គឺអវិជ្ជមាន​ទាំងអស់។​

គួររំលឹកថា កាលពី​យប់​ថ្ងៃទី​១៨ ខែមេសា ឆ្នាំ​២០២១ មាន​បុរស​ម្នាក់​ឈ្មោះ​ នូ ចុ​ល អាយុ​៥៧ រស់​នៅ​ភូមិ​ព្រះរាម​រង្សី ឃុំ​ជ្រៃ​បាក់ ស្រុក​រលាប្អៀរ ខេត្តកំពង់ឆ្នាំង បាន​ស្លាប់ដោយសារ​ជំងឺ​កូ​វីដ​១៩ និង​មានប្រជាពលរដ្ឋជិតខាងចូលរួមបុណ្យសពជាច្រើននាក់ ព្រោះមិនបានដឹងថាសពជនរងគ្រោះ​ស្លាប់​ដោយជំងឺកូវីដ១៩ឡើយ លុះពេលក្រុមគ្រូពេទ្យចុះមកយកសំណាកសពទើបដឹងថា ស្លាប់ដោយ​ជំងឺកូវីដ១៩ ទើបក្រុមគ្រូពេទ្យ និងអាជ្ញាធរ​ប្រមូលអ្នកពាក់ព័ន្ធទាំងអស់ឲ្យធ្វើចត្តាឡីស័ក និងយក​សំណាកតាមក្រោយ។​

សូមបញ្ជាក់ថា នេះ​ជា​ករណី​លើកដំបូង​ហើយ ​ដែលមាន​អ្នកស្លាប់ដោយសារ​ជំងឺ​កូ​វីដ​-១៩ នៅក្នុង​ខេត្តកំពង់ឆ្នាំង​៕​