ព័ត៌មានជាតិ

អាជ្ញាធររាជធានីភ្នំពេញ ទទួលបានអំណោយភ្លាម បន្តយកទៅចែកជូនដល់កងកម្លាំងដែលកំពុងឈរជើង នៅគោលដៅបិទខ្ទប់ភ្លាមៗដែរ

បានផុស

៥ years មុន

នៅ

ថ្ងៃសុក្រ ២៣ មេសា ២០២១

ដោយ

ភ្នំពេញ ៖ អភិបាលនៃគណៈអភិបាលរាជធានីភ្នំពេញលោកឃួង ស្រេងនៅរសៀលថ្ងៃទី២៣ មេសានេះបានទទួលអំណោយ ជាគ្រឿងឧបភោគ បរិភោគនិងភេសជ្ជៈ ពីក្រុមហ៊ុនJ T I ដើម្បីឲ្យរដ្ឋបាលរាជធានីភ្នំពេញបន្តយកទៅចែកចាយ ដល់កងកម្លាំងមានសមត្ថកិច្ចនិងអាជ្ញាធរដែលបាននឹងកំពុងឈរនៅតាមគោលដៅបិទខ្ទប់រាជធានីភ្នំពេញ ក្នុងខណៈដែលរាជធានីភ្នំពេញ ត្រូវបានរាជរដ្ឋាភិបាលបិទខ្ទប់ក្នុងរយៈពេល១៤ ថ្ងៃ ដើម្បីបង្ការទប់ស្កាត់ការរីករាលដាលនៃជំងឺកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុនJ T I កន្លងមកតែងបានជួយឧបត្ថម្ភមករដ្ឋបាលរាជធានីភ្នំពេញជាបន្តបន្ទាប់។ សម្រាប់អំណោយ ដែលទទួលបានពីក្រុមហ៊ុនខាងលើនៅពេលនេះរួមមាន ទឹកក្រូចចំនួន៥០០កេស ទឹកបរិសុទ្ធចំនួន៥០០ កេសនិងអាហារសម្រន់ចំនួន១០០០កញ្ចប់ក្នុងឱកាសនោះដែរ លោកឃួង ស្រេង បានថ្លែងនូវការអរគុណយ៉ាងជ្រាលជ្រៅចំពោះក្រុមហ៊ុនJTIដែលបានជួយឧបត្ថម្ភ គ្រឿងឧបភោគ បរិភោគនិងភេសជ្ជៈខាងលើនេះ ដើម្បីឲ្យរដ្ឋបាលរាជធានីភ្នំពេញបានបន្តយកទៅចែកចាយ កងកម្លាំងមានសមត្ថកិច្ចនិងអាជ្ញាធរដែលបាននឹងកំពុងឈរនៅតាមគោលដៅបិទខ្ទប់រាជធានីភ្នំពេញ រយៈពេល១៤ ថ្ងៃ ដើម្បីបង្ការទប់ស្កាត់ការរីករាលដាលនៃជំងឺកូវីដ-១៩នេះ។

ក្រោយពីបានទទួលបានអំណោយខាងលើ លោកឃួង ស្រេង ក៏បានចាត់តាំង ឲ្យលោក ហួត ហៃ និងលោកនួន ផារ័ត្ន អភិបាលរងរាជធានីភ្នំពេញ ដោយមានការចូលរួមពីតំណាងក្រុមហ៊ុនJ T I ផងដែរនោះបានបន្តយកភេសជ្ជៈ និងអាហារសម្រន់ទាំងនេះ ទៅចែកជូនដល់កងកម្លាំងនៅតាមគោលដៅបិទខ្ទប់នៅក្នុងភូមិសាស្ត្ររាជធានីភ្នំពេញ នៅល្ងាចថ្ងៃដដែលនេះ ដោយក្នុងនោះលោកហួត ហៃ បាននាំយកអំណោយទាំងនេះទៅចែកងកម្លាំងដែលបាននឹងកំពុងឈរជើងនៅគោលដៅផ្លូវជាតិលេខ៦ ក្នុងខណ្ឌជ្រោយចង្វា។ ចំណែកលោកនួន ផារ័ត្ន វិញ រួមជាមួយតំណាងក្រុមហ៊ុនJ T I បានដឹកនាំភេសជ្ជៈនេះទៅប្រគល់ជូន ដោយផ្ទាល់ដល់ទីតាំងដែលបានបិទខ្ទប់នៅតំបន់ពណ៌ក្រហម ក្នុងខណ្ឌមានជ័យនិងខណ្ឌពោធិ៍សែនជ័យព្រមៗគ្នាផងដែរ៕

ដោយ ៖ ស្រីរ័ត្ន