ព័ត៌មានជាតិ

រដ្ឋបាលខណ្ឌឫស្សីកែវ សម្រេចផ្អាកដំណើរការជាបណ្តោះអាសន្នផ្សារចំនួន៣បន្ថែមទៀត

បានផុស

៣ years មុន

នៅ

ថ្ងៃសុក្រ ២៣ មេសា ២០២១

ដោយ

ភ្នំពេញ ៖ រដ្ឋបាលខណ្ឌឫស្សីកែវ សម្រេចផ្អាកដំណើរការជាបណ្តោះអាសន្នផ្សារចំនួន៣បន្ថែមទៀតក្រោយរកឃើញមានអាជីវករនៅផ្សារទាំងនោះ មានឆ្លងជំងឺកូវីដ១៩។

បើតាមសេចក្តីជូនដំណឹងរបស់រដ្ឋបាលខណ្ឌឫស្សីកែវដែលបានផ្សាយនៅមុននេះបន្តិចបានឲ្យដឹងថា ផ្សារដែលបានផ្អាកដំណើរការជាបណ្តោះអាសន្នផ្សារចំនួន៣បន្ថែមទៀត រួមមាន៖១. ផ្សារគីឡូម៉ែត្រលេខ៦(ផ្សារឆេកូ)ក្នុងសង្កាត់គីឡូម៉ែត្រលេខ៦២. ផ្សារតូចទួលសង្កែ ក្នុងសង្កាត់ទួលសង្កែទី១ ៣.ផ្សារច្រាំងចំរេះក្នុងសង្កាត់ច្រាំងចំរេះទី២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាលខណ្ឌបានបន្តថា ការផ្អាកនេះមានរយៈពេល១៤ថ្ងៃ គឺចាប់ពីថ្ងៃទី២៣ខែមេសារហូតដល់ថ្ងៃទី៧ខែឧសភាឆ្នាំ២០២១។

រដ្ឋបាលខណ្ឌ សូមអំពាវនាវដល់បងប្អូនអាជីវករសន្តិសុខបុគ្គលិកកម្មករបម្រើការក្នុងផ្សារនិងក្រុមគ្រួសារអាជីវករពាក់ព័ន្ធព្រមទាំងប្រជាពលរដ្ឋដែលកន្លងមកធ្លាប់បានចេញចូលផ្សារទាំងបីខាងលើនៅថ្ងៃទី២០ខែមេសាឆ្នាំ២០២១ បើមានអាការៈក្តៅខ្លួនក្អកពិបាកដកដង្ហើមហើយសង្ស័យថា ឆ្លងមេរោគកូវីត១៩ សូមអញ្ជើញមកយកសំណាករកមេរោគ កូវីដ១៩ ជាបន្ទាន់ព្រមទាំងត្រូវអនុវត្តវិធានចត្តាឡីស័កស្របតាមការណែនាំរបស់ក្រសួងសុខាភិបាលឲ្យបានត្រឹមត្រូវបំផុត៕

ដោយ ៖ សំអឿន