ព័ត៌មានជាតិ
លទ្ធផលតេស្តអ្នកពាក់ព័ន្ធ១៤នាក់ជាមួយស្ត្រី៤នាក់វិជ្ជមានកូវីដ-១៩ នៅផ្សារសាលាលេខ៥
កំពង់ឆ្នាំង៖ មនុស្ស១៤នាក់ ដែលមានការពាក់ព័ន្ធផ្ទាល់ជាមួយស្រី្ត៤នាក់ ជាអាជីវករលក់មាសនៅក្នុងផ្សារសាលាលេខ៥ (មានវិជ្ជមានកូវីដ-១៩) នៅថ្ងៃទី២៤ ខែមេសា បានយកសំណាកធ្វើតេស្តសំណាកលើកទី១ ទទួលលទ្ធផល គឺអវិជ្ជមានទាំងអស់។
លោកវេជ្ជបណ្ឌិត ប្រាក់ វ៉ុន ប្រធាន មន្ទីរសុខាភិបាលខេត្តកំពង់ឆ្នាំងបានបញ្ជាក់ឱ្យដឹងថា បន្ទាប់ពីដឹងថា ស្ត្រី៤នាក់ ជាអាជីវករលក់មាសក្នុងផ្សារសាលាលេខ៥ (វិជ្ជមានកូវីដ-១៩) ក្រុមការងារនៃមន្ទីរសុខាភិបាល សហការជាមួយអាជ្ញាធរ បានស្វែងរកអ្នកពាក់ព័ន្ធដោយផ្ទាល់ ជាមួយស្ត្រីទាំង៤នាក់ខាងលើ ដើម្បីមកពិនិត្យសំណាក។
ក្នុងនោះក្រុមការងារបានរកឃើញអ្នកពាក់ព័ន្ធដោយផ្ទាល់ចំនួន១៤នាក់ ហើយយកមកវិភាគសំណាកនៅផ្ទះសំណាក់ឈ្មោះ ម៉ី ណារិន មានទីតាំងខាងត្បូងសាលាលេខ៥ លទ្ធផល គឺអវិជ្ជមានទាំងអស់។
អ្នកទាំង១៤នាក់ បានអនុញ្ញាតឱ្យទៅធ្វើចត្តាឡីស័កនៅតាមផ្ទះរៀងៗខ្លួន ដោយមានការឃ្លាំមើល និងការពារពីអាជ្ញាធរ និងសមត្ថកិច្ចមូលដ្ឋានយ៉ាងតឹងរឹង ដោយមិនអនុញ្ញាតឱ្យពួកគាត់ដើរចេញពីផ្ទះ ខណៈពេលកំពុងធ្វើចត្តាឡីស័ក១៤ថ្ងៃនេះឡើយ។
លោក ឈឹម វុទ្ធា អភិបាលស្រុកកំពង់ត្រឡាច និងជាប្រធានគណៈកម្មការ ប្រយុទ្ធប្រឆាំងនឹងជំងឺកូវីដ-១៩ ស្រុកកំពង់ត្រឡាច បានបញ្ជាក់ថា បន្ទាប់ពីទទួលបានព័ត៌មានពីប្រធានមន្ទីរសុខាភិបាលខេត្ត និងទទួលបានការណែនាំ លោកអភិបាលខេត្ត លោកក៏បានចុះប្រកាសជូនដំណឹងដល់ពលរដ្ឋ និងអាជីវករនៅក្នុងផ្សារទាំងយប់ និងបានបិទផ្សារទាំងស្រុងជាបណ្ដោះ អាសន្ន នៅម៉ោង៦ព្រឹកថ្ងៃទី២៤ ខែមេសា ដោយមិនអនុញ្ញាតឱ្យមានការចេញចូលរហូតមានការជូនដំណឹងជាថ្មី។
លោកអភិបាលស្រុក ក៏បានសុំអំពាវ នាវដល់បងប្អូនអាជីវករលក់ដូរក្នុងផ្សារ និងប្រជាពលរដ្ឋដែលបានប៉ះពាល់ជាមួយស្ត្រីទាំង៤នាក់ (វិជ្ជមានកូវីដ- ១៩) ខាងលើនេះ ទាំងផ្ទាល់ ឬដោយប្រយោល សូមស្ម័គ្រចិត្តដោយខ្លួនឯង មកយកសំណាកពិនិត្យមេរោគដើម្បីកុំឱ្យចម្លងដល់ក្រុមគ្រួសារ និងឆ្លងចូលក្នុងសហគមន៍៕
អត្ថបទ៖ ឈៀងថារិទ្ធ
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»