ព័ត៌មានជាតិ

ពលរដ្ឋនៅស្រុកអន្លង់វែង ចំនួនប្រាំនាក់បានពុលនំប៉័ង ដឹកលក់តាមម៉ូតូ

បានផុស

៥ years មុន

នៅ

ថ្ងៃពុធ ៥ ឧសភា ២០២១

ដោយ

ពលរដ្ឋចំនួនប្រាំនាក់ ដែលកំពុងធ្វើការងារជុំគ្នា ហត់នឿយអស់កម្លាំង បាននាំគ្នាទិញនំប៉័ងដឹកលក់តាមម៉ូតូ យកមកទទួលទាន ដើម្បីយកកម្លាំងធ្វើការងារបន្ដទៀត ស្រាប់តែហូបបានមួយម៉ោងកន្លះ ពលរដ្ឋទាំង៥នាក់មានអាការ:មិនស្រួលទាន់ដៃទាន់ជើងអស់កម្លាំង នាក់ខ្លះរាក ខ្លះទៀតក៏ក្អួតចង្អោរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះ បានកើតឡើងកាលពីថ្ងៃទី០៤ ខែឧសភា ឆ្នាំ២០២១ ស្ថិតនៅភូមិអូរតាម៉ែង ឃុំអន្លង់វែង ស្រុកអន្លង់វែង ខេត្តឧត្ដរមានជ័យ។

មន្ដ្រីនគរបាលអន្លង់វែងបានឲ្យដឹងថា មានករណីប្រជាពលរដ្ឋរស់នៅចំណុចអូរអំបិល ស្ថិតនៅភូមិអូរតាមែង ឃុំ-ស្រុកអន្លង់វែង បានទិញនំប៉័ងដឹកលក់តាមម៉ូតូមកពីភូមិដឹភូមិអូរជញ្ជៀន ឃុំ-ស្រុកអន្លង់វែង យកទៅហូបនៅវេលាម៉ោង ១៥-០០នាទី ដល់ម៉ោង ១៦-៣០នាទី ក៏ពុលមានអាគារ រាគ ក្អួតចង្អោរ ចំនួន០៥នាក់ ស្រី២នាក់ ក្មេង២នាក់ បានបញ្ជូនមកសង្គ្រោះនៅមន្ទីរពេទ្យបង្អែកស្រុកអន្លង់វែង។

ជនរងគ្រោះ មានឈ្មោះដូចខាងក្រោម ៖

ទី១- ឈ្មោះ មេត មៀន ភេទប្រុស អាយុ៤៦ឆ្នាំ

ទី២- ឈ្មោះ មៀន ផាលីដា ភេទស្រី អាយុ១១ឆ្នាំ

ទី៣- ឈ្មោះ មៀន ផាវីន ភេទស្រី អាយុ១៧ឆ្នាំ

ទី៤- ឈ្មោះ អ៊ាង សុខឡា ភេទប្រុស អាយុ៧ឆ្នាំ

ទី៥- ឈ្មោះ ផាន ភា ភេទប្រុស អាយុ៤៦ឆ្នាំ ។

បច្ចុប្បន្នជនរងគ្រោះទាំងប្រាំនាក់ខាងលើ ពុងដេកសម្រាកព្យាបាលនៅមន្ទីរពេទ្យបង្អែកស្រុកអន្លង់វែង៕

អត្ថបទ៖ ចាន់ ធី

សូមចុចអាន៖ ឆេះស្នាក់ការបក្សភ្នំសំពៅ អស់សម្ភារៈជាច្រើននៅមិនទាន់ដឹងមូលហេតុ