ព័ត៌មានជាតិ
វិទ្យាល័យព្រះសីហនុ ក្រុងកំពង់ចាម នឹងក្លាយជាកន្លែងព្យាបាលអ្នកជំងឺកូវីដ-១៩
កំពង់ចាម ៖ ក្រោយពីមានអ្នកជំងឺកូវីដបានឆ្លងរីករាលខ្លាំងក្នុងរយៈពេលចុងក្រោយនេះ រដ្ឋបាលខេត្តកំពង់ចាម ក្រោមការដឹកនាំពីសំណាក់ ឯកឧត្ដម អ៊ុន ចាន់ដា ប្រធានគណៈកម្មាធិការប្រយុទ្ធប្រឆាំងនឹងជំងឺកូវីដ-១៩ខេត្តកំពង់ចាម បានសម្រេចជ្រើសរើសយកវិទ្យាល័យព្រះសីហនុ ក្រុងកំពង់ចាម រៀបចំកែលម្អត្រៀមដាក់បរិក្ខាពេទ្យ ដើម្បីយកទីតាំងមួយនេះប្រែក្លាយទៅជាកន្លែងពិនិត្យព្យាបាលអ្នកជំងឺកូវីដ១៩បន្ថែមទៀត ក្រោយមន្ទីរពេទ្យមេគង្គកំពង់ចាមត្រូវបានពេញគ្រែខណៈមានអ្នកជំងឺកូវីដកើនឡើង។
ជាក់ស្ដែង នៅរសៀល ថ្ងៃទី ២២ ខែឧសភា ឆ្នាំ២០២១ ឯកឧត្ដម អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មាធិការប្រយុទ្ធប្រឆាំងនឹងជម្ងឺកូវីដ-១៩ខេត្តកំពង់ចាម បានដឹកនាំមន្ត្រីជំនាញពាក់ព័ន្ធចុះពិនិត្យទីតាំងថ្មីមួយបន្ថែមទៀត សម្រាប់ធ្វើកន្លែងពិនិត្យព្យាបាលអ្នកជំងឺកូវីដ-១៩។
ដោយឡែក វិទ្យាល័យដីដុះ ក្រុងកំពង់ចាម នឹងប្រែក្លាយទៅជាមណ្ឌលចត្តាឡីស័កមួយទៀត សម្រាប់ក្រមខណ្ឌភូមិសាស្ត្រក្រុងកំពង់ចាម ប្រសិនបើមានអ្នកប៉ះពាល់ផ្ទាល់និង ប្រយោល ដើម្បីធ្វើចត្តាឡីស័កនៅទីនេះ ខណៈមណ្ឌលចត្តាឡីស័កគរុកោសល្យត្រូវបានបងប្អូនប្រជាពលរដ្ឋមកធ្វើចត្តាឡីស័កកើនឡើង។
អាជ្ញាធរខេត្តកំពង់ចាម នៅបន្តស្វែងរកស្រាវជ្រាវអ្នកដែលប៉ះពាល់ជាមួយអ្នកជំងឺកូវីដ១៩ ជាពិសេសទៅលើបងប្អូនកម្មករកម្មការនីតាមរោងចក្រដែលប្រឈមហានិភ័យចំនួនបួនរោងចក្រក្នុងស្រុកបាធាយ ស្រុកជើងព្រៃ និងស្រុកកំពង់សៀម។ ហើយអាជ្ញាធរខេត្តបានបន្តផ្សព្វផ្សាយរឹតបន្តឹងពីវិធានសុខាភិបាលដោយតម្រូវឲ្យពលរដ្ឋទាំងអស់ពេលធ្វើដំណើរ ឬ ប្រាស្រ័យទាក់ទងគ្នាធ្វើការពាក់ម៉ាស់ជាប្រចាំ និងអនុវត្តន៍គម្លាតសុវត្ថិភាពឲ្យបានខ្ជាប់ខ្ជួនតាមការណែនាំរបស់ក្រសួងសុខាភិបាល បីការពារបីកុំ និងពីរចូលរួម ដើម្បីជៀសឆ្ងាយពីការឆ្លងរីករាលដាលជំងឺកូវីដ១៩៕
អត្ថបទ និង រូបភាព លោក ហុង ម៉េងហៀ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១០ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)