កំពូលមហាសេដ្ឋីពិភពលោក Jeff Bezos កំណត់ថ្ងៃលាឈប់ពីតំណែងជា CEO Amazon

ស្ថាបនិកក្រុមហ៊ុន Amazon លោក Jeff Bezos នឹងលាឈប់ពីតំណែងជានាយកប្រតិបត្តិ ហើយនឹងក្លាយជា ប្រធាននាយកប្រតិបត្តិ នៅថ្ងៃទី ៥ ខែកក្កដា ខាងមុខ ។

ក្នុងកិច្ចប្រជុំប្រចាំឆ្នាំរបស់ក្រុមហ៊ុន Amazon លោក Bezos បាននិយាយថា៖ “យើងបានជ្រើសរើសយកកាលបរិច្ឆេទនោះ សម្រាប់ការចាកចេញមួយនេះ ពីព្រោះវាជាមនោសញ្ចេតនាសម្រាប់ខ្ញុំ និងជាថ្ងៃដែលក្រុមហ៊ុន Amazon ត្រូវបានបង្កើក្នុងឆ្នាំ ១៩៩៤ ហើយរហូតមកដល់ពេល វាមានរយៈពេល ២៧ ឆ្នាំហើយ” ។

តាមទស្សនាវដ្តី Forbes បានឲ្យដឹងថា កាលពីថ្ងៃចន្ទលោក Bezos បានវ៉ាមហាសេដ្ឋីម៉ូដបារាំងលោក Bernard Arnault ម្ចាស់ក្រុមហ៊ុន Louis Vuitton Moet Hennessy ជាអ្នកមានបំផុតនៅលើពិភពលោក ជាមួយនឹងទឹកប្រាក់សុទ្ធប្រមាណ ១៨៩.២ ពាន់លានដុល្លារ ៕