ព័ត៌មានជាតិ
រដ្ឋបាលរាជធានី សូមឲ្យម្ចាស់សណ្ឋាគារ ភោជនីយដ្ឋាន ក្រុមហ៊ុន និងម្ចាស់អាជីវកម្មគ្រប់ប្រភេទ ផ្ដល់ព័ត៌មានជូនអាជ្ញាធរ នៅពេលបុគ្គលិកសុំច្បាប់សម្រាកដោយសង្ស័យមានជំងឺកូវីដ-១៩
ភ្នំពេញ ៖ រដ្ឋបាលរាជធានីភ្នំពេញ នៅល្ងាចថ្ងៃទី០១ ខែមិថុនា ឆ្នាំ២០២១នេះ បានចេញសេចក្តីជូនដំណឹងដល់ម្ចាស់សណ្ឋាគារ ម្ចាស់ភោជនីយដ្ឋាន ម្ចាស់ក្រុមហ៊ុននានា និងម្ចាស់អាជីវកម្មដ្ឋានគ្រប់ប្រភេទទាំងអស់ ក្នុងរាជធានីភ្នំពេញ នៅពេលបុគ្គលិករបស់ខ្លួនសុំការអនុញ្ញាតឈប់សម្រាកពីការងារ ត្រូវផ្ដល់ឈ្មោះ អាសយដ្ឋានលេខទូរសព្ទមកអាជ្ញាធរមានសមត្ថកិច្ច ដើម្បីធ្វើការវាយតម្លៃស្វែករកពីការឆ្លងជំងឺកូវីដ១៩ ជូនពួកគាត់។
ក្នុងសេចក្ដីជូនដំណឹងនេះមានន័យថា កន្លងមកមានបុគ្គលិកដែលបម្រើការ នៅក្នុងសណ្ឋាគារ ភោជនីយដ្ឋាន ក្រុមហ៊ុននានា និងអាជីវកម្មដ្ឋានគ្រប់ប្រភេទ ដែលមានអាការមិនស្រួលខ្លួន ក៏បានសុំការអនុញ្ញាតឈប់សម្រាកពីការងារ មួយរយៈ ក្រោយពីបានធូរស្បើយពួកគាត់ក៏បានចូលបម្រើការងារវិញ ដោយពុំបានដឹងថា ខ្លួនឯងមានផ្ទុកជំងឺកូវីដ-១៩ហើយមានបុគ្គលិកមួយចំនួនទៀតដែលសង្ស័យថា បានប៉ះពាល់ផ្ទាល់ ឬប្រយោលជាមួយភ្ញៀវមានផ្ទុកជំងឺកូវីដ-១៩ ក្រោយពីបានទទួលព័ត៌មាននេះ ទើបពួកគាត់បានសុំការអនុញ្ញាត ឈប់សម្រាកពីការងារទៅយកសំណាកដោយខ្លួនឯង ដោយពុំបានជូនដំណឹងទៅម្ចាស់អាជីវកម្មដ្ឋាន ឬអ្នកគ្រប់គ្រងនៅកន្លែងបំពេញការងារទាំងអស់ខាងលើ បន្ទាប់ពីយកសំណាករួចពួកគាត់បានវិលត្រឡប់ទៅបំពេញការងារវិញជាធម្មតា និងពុំបានដាក់ខ្លួនឲ្យនៅដាច់ដោយឡែក ដើម្បីរង់ចាំលទ្ធផលពីការធ្វើសំណាករបស់ខ្លួន ជាហេតុនាំឲ្យមានហានិភ័យខ្ពស់ក្នុងការឆ្លងរាលដាលជំងឺកូវីដ-១៩ ដល់បុគ្គលិកផ្សេងទៀតបំពេញការងារជាមួយ ពេលទទួលលទ្ធផលវិជ្ជមានកូវីដ-១៩។
ដើម្បីចូលរួមទប់ស្កាត់ការឆ្លងរាលដាល នៃជំងឺកូវីដ-១៩ និងឈានទៅដល់ការកាត់ផ្តាច់ការឆ្លងរាល ដាលនៃជំងឺកូវីដ-១៩ ក្នុង «ព្រឹត្តិការណ៍សហគមន៍ ២០កុម្ភៈ ២០២១» រដ្ឋបាលរាជធានីភ្នំពេញស្នើសុំដល់ម្ចាស់សណ្ឋាគារ ម្ចាស់ភោជនីយដ្ឋាន ម្ចាស់ក្រុមហ៊ុននានា និងម្ចាស់អាជីវកម្មដ្ឋានគ្រប់ប្រភេទទាំងអស់ក្នុងរាជធានីភ្នំពេញ នៅពេលបុគ្គលិករបស់ខ្លួនសុំការអនុញ្ញាតឈប់សម្រាកពីការងារត្រូវផ្តល់ឈ្មោះ អាសយដ្ឋាន លេខទូរសព្ទមកអាជ្ញាធរមានសមត្ថកិច្ច ដើម្បីធ្វើការវាយតម្លៃស្វែងរកពីការឆ្លងកូវីដ-១៩ជូនពួកគាត់។ ជាមួយគ្នានេះ រដ្ឋបាលរាជធានីភ្នំពេញ ក៏បានបង្ហាញលេខទូរស័ព្ទសម្រាប់ទំនាក់ទំនងនៅតាមបណ្ដាខណ្ឌទាំង១៤ ដើម្បីពួកគាត់ងាយស្រួលក្នុងការផ្ដល់ព័ត៌មានផងដែរ៕
ដោយ ៖ ស្រីរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ