ព័ត៌មានជាតិ
សមត្ថកិច្ចចុះប្រមូលកំណាត់ឈើរ៉ាយប៉ាយរាប់រយដុំ និងរឹបអូសយកទៅរក្សាទុក
កំណាត់ឈើឡាំង៤ជ្រុង ប្រវែង៣ម៉ែត្រ និងឈើផែជាសន្លឹកៗ សុទ្ធសឹងជាប្រភេទឈើគគីរ និងឈើត្រាវ ដែលប្រជាពលរដ្ឋបានប្រទះឃើញគររាយប៉ាយតាមចម្ការស្វាយចន្ទីជាច្រើនទីតាំង ស្ថិតនៅក្នុងភូមិសាស្ត្រភូមិកំពង់ចាម ឃុំប៉ាក់ឡាន់ ស្រុកវើនសៃ ខេត្តរតនគិរី។
កម្លាំងមន្ត្រីកងរាជអាវុធហត្ថខេត្ត កងរាជអាវុធហត្ថស្រុកវើនសៃ កងរាជអាវុធហត្ថលើផ្ទៃប្រទេស និងកម្លាំងមន្ត្រីប៉ុស្ថិ៍នគរបាលឃុំប៉ាក់ឡាន់ បានចុះ ដល់ចំណុចគំនរឈើរាយប៉ាយជាច្រើនទីតាំងនោះធ្វើកំណត់ហេតុទទួលខុសត្រូវ និងយកទៅរក្សាទុក។
លោក គឹម ឆេងលឹម នាយរងផ្នែករដ្ឋបាលព្រៃឈើ ឱ្យដឹងថា លោកនិងធ្វើកំណត់ហេតុជូនយោបល់ទៅថ្នាក់លើសម្រេច។ ដោយឡែក ក្រោយពីកម្លាំងចម្រុះបានស្វែងរុករកបន្ត ក៏ប្រទះឃើញរោងបាំងសង្ក័សីសនិ្នធិឈើមួយកន្លែងទៀតគេសង្ស័យថា ជាប្រភេទឈើប្រណិត (ធ្នុង) ស្ថិតក្នុងចំកណ្តាលចម្ការស្វាយចន្ទីមួយកន្លែង ដោយពុំស្គាល់អត្តសញ្ញាណម្ចាស់រោងឈើនោះទេ ហើយស្ថានភាពមេឃយប់ងងឹតហើយ សមត្ថកិច្ចចម្រុះក៏បានសុំគោលការណ៍ពី ឯកឧត្តម ងិន ពេជ ព្រះរាជអាជ្ញាអមសាលាតំបូងខេត្តរតនគិរី ឯកឧត្តម ព្រះរាជអាជ្ញាសម្រេច បិទខ្ទប់រោងសន្និធិនោះនិងបញ្ជាកម្លាំងសមត្ថកិច្ចយាមកាមយ៉ាងតឹងរឹងបំផុត។
ដោយមានការចង្អុរបង្ហាញពីព្រះរាជអាជ្ញា ងិន ពេជ រោងសន្និធិឈើប្រណិតនោះត្រូវបានកម្លាំងសមត្ថកិច្ចចម្រុះសម្រេចរឹបអូសយកឈើទាំងអស់នោះ មកធ្វើជាសម្បត្តិរដ្ឋ និងដឹកបញ្ជូនមករក្សាទុកនៅខណ្ឌរដ្ឋបាលព្រៃឈើខេត្តតែម្តង។
នាយរងផ្នែក លោក គឹម ឆេងលឹម បានឲ្យកម្ពុជាថ្មី ដឹងនៅព្រឹកថ្ងៃទី៤ ខែមិថុនានេះ ថាឈើដែលរឹបអូសមករក្សាទុកនៅខណ្ឌរដ្ឋបាលព្រៃឈើខេត្តនេះ មានចំនួន ៥១២ដុំ ស្មើនិង ៥២៧៥គីឡូក្រាម ស្មើនិង៣,៩០៧ម៉ែត្រត្រីគុណ(បីម៉ែត្រត្រីគុណប្រាំបួនរយប្រាំពីរ)ជាប្រភេទឈើធ្នុងសុទ្ធ ប្រជាពលរដ្ឋថា កំណាត់ឈើទាំងអស់នេះពួកគាត់ប្រទះឃើញជាច្រើនឆ្នាំមកហើយពុំឃើញអាជ្ញាធរ និងសមត្ថកិច្ចជំនាញប្រម៉ែប្រមូលទុកដាក់ឲ្យបានសមរម្យ សោះ ប្រហែលសមត្ថកិច្ចពុំបានដឹងទើបទុកឈើឲ្យ ប្រេះ ស្រាំ ហាលថ្ងៃ ហាលខ្យល់និងព្យុះភ្លៀងខួបប្រាំងខួបវស្សា បែបនេះ ដែលតាមប្រមាណមើលមានរយះពេលបីទៅបួនឆ្នាំកន្លងមកហើយ៕
អត្ថបទ៖ វុទ្ធឦសាន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង