ព័ត៌មានជាតិ

ផ្លូវមួយខ្សែ តភ្ជាប់ពីភូមិឆ្នុកទ្រូ ទៅភូមិយុគន្ឋរ បានជួសជុលកែលំអរួចរាល់ ១០០% ហើយ

បានផុស

៥ years មុន

នៅ

ថ្ងៃអង្គារ ៨ មិថុនា ២០២១

ដោយ

ផ្លូវលំមួយខ្សែប្រវែងជាង២គីឡូម៉ែត្រ តភ្ជាប់ពីភូមិឆ្នុកទ្រូ ទៅភូមិយុគន្ឋរ ស្ថិតក្នុងឃុំឆ្នុកទ្រូ ស្រុកបរិបូរណ៌ បានជួសជុលកែលំអរួចរាល់ជាស្ថាពរហើយ នៅដើមខែមិថុនានេះ។ នេះបើតាមការបញ្ជាក់ពីអាជ្ញាធរឃុំឆ្នុកទ្រូ ស្រុកបរិបូរណ៌ បានឲ្យដឹងនៅព្រឹកថ្ងៃទី៨ ខែមិថុនា ឆ្នាំ២០២១ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សាំង គីមស៊ន មេឃុំឆ្នុកទ្រូ ស្រុកបរិបូរណ៌ បានបញ្ជាក់ឲ្យដឹងថា ផ្លូវមួយខ្សែនេះបានតភ្ជាប់ពីភូមិឆ្នុកទ្រូ ទៅភូមិយុគន្ឋរ មានប្រវែង ២៣៥០ ម៉ែត្រ បានជួលជុលកែលំអរួចរាល់ហើយ ដែលបិទគម្រោង កាលពីដើមខែមិថុនា ឆ្នាំ២០២១នេះ ដោយចំណាយថវិកាមូលនិធិឃុំ មានទឹកប្រាក់ជាង ១២០លានរៀល។ ការជួសជុលផ្លូវមួយខ្សែនេះ ដើម្បីសម្រួលចរាចរណ៍ឲ្យកាន់តែប្រសើរឡើងសម្រាប់ប្រជាពលរដ្ឋ ដែលបានបន្លាស់ទីផ្ទះបណ្តែតទឹក ឱ្យមករស់នៅលើគោក ក្នុងនោះក៏បានលើកឲ្យផុតទឹក និងមានទទឹង ៦ម៉ែត្រធំជាងមុនផងដែរ។

លោកមេឃុំឆ្នុកទ្រូ បានបន្តថា កន្លងមកប្រជាពលរដ្ឋបន្លាស់ទីផ្ទះបណ្ដែតទឹក មករស់នៅលើគោក ម្តុំចំណុចតាទាំង តាមបណ្តោយផ្លូវតភ្ជាប់រវាងភូមិឆ្នុកទ្រូ និងភូមិយុគន្ឋរនេះ បានជួបការលំបាក ដោយពេលខែវស្សាផ្លូវចំណុចនេះលិចទឹក មិនអាចធ្វើដំណើរបាន ហើយផ្លូវក៏មានការរួមតូចផងដែរ ទើបអាជ្ញាធរឃុំឆ្នុកទ្រូបានឯកភាពគ្នា សម្រេចយកថវិកាមូលនិធិឃុំជាង ១២០លានរៀល កសាងផ្លូវមួយខ្សែនេះឡើងវិញ។

លោកមេឃុំក៏បានរំលឹកផងដែរថា ផ្លូវមួយខ្សែនេះ ពីដើមឡើយគ្រាន់តែជាផ្លូវបររទេះ ដឹកត្រី និងផ្លូវទៅ នេសាទតែប៉ុណ្ណោះ។ លុះក្រោយមានការបន្លាស់ទីផ្ទះបណ្តែតទឹក អាជ្ញាធរឃុំក៏ បានរៀបចំកសាងផ្លូវមួយខ្សែនេះ ជាផ្លូវដីសបណ្តោះអាសន្ន ហើយនៅពេលបន្លាស់ទីរបស់ផ្ទះទឹករបស់ប្រជាពលរដ្ឋ ឡើងគោកបាន១០០%ហើយ អាជ្ញាធរឃុំឆ្នុកទ្រូ ក៏សម្រេចជួសជុលកែលំអផ្លូវនេះ ឱ្យមានទទឹងធំជាងមុន និងមានកម្ពស់ខ្ពស់ជាមុន ដែលអាចធានាបានប្រើប្រាស់ទាំងខែប្រាំងនិងវស្សា៕

អត្ថបទ៖ ឈៀង ថារិទ្ធ

Related Topics:ហេដ្ឋារចនាសម្ព័ន្ធ ខេត្តកំពង់ឆ្នាំង

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា