ព័ត៌មានជាតិ
ស្ត្រីមានស្មារតីវិបល្លាស បង្កាត់ភ្លើងដាំបាយបណ្តាលឲ្យឆេះផ្ទះពលរដ្ឋ០៤ខ្នង នៅសង្កាត់ស្លក្រាម
សៀមរាប ៖ ស្ត្រីមានស្មារតីវិបល្លាស បានបង្កាត់ភ្លើងដាំបាយបណ្តាលឲ្យឆេះផ្ទះពលរដ្ឋមួយខ្នងត្រូវបានភ្លើងឆេះទាំងស្រុងនិងរាលដាលដល់ផ្ទះអ្នកជិតខាងចំនួន៣ខ្នងទៀត។
ហេតុការណ៍អគ្គិភ័យបានកើតឡើងនៅវេលាម៉ោង១៥និង២៨នាទី ថ្ងៃទី១០ ខែមិថុនា ឆ្នាំ២០២១ នៅចំណុចក្រុមទី៣ ភូមិបន្ទាយចាស់ សង្កាត់ស្លក្រាម ក្រុង/ខេត្តសៀមរាប។
សមត្ថកិច្ចបានឲ្យដឹងថា អគ្គិភ័យឆាបឆេះផ្ទះឈើចាស់ចំនួន០១ខ្នងទំហំ៥×៥ម៉ែត្រ ប្រក់ស័ង្កសីឆេះខូចខាតទាំងស្រុង និងរាលដល់ផ្ទះចំនួន០៣ខ្នងទៀតផ្ទះទី១. ផ្ទះលក់គ្រឿងសំណងយីហោ មហាលាភរបស់ម្ចាស់ផ្ទះឈ្មោះ វ៉ាញ សុខលក្ខិណា ភេទស្រី អាយុ៣០ឆ្នាំ នៅក្រុមទី៣ ភូមិបន្ទាយចាស់ សង្កាត់ស្លក្រាម ក្រុង/ខេត្តសៀមរាប ខូចខាត ជញ្ជាំងខាងក្រោយ និងពិដាន ប្រមាណ៣០ភាគរយនៃតួផ្ទះ។ ផ្ទះទី២. ម្ចាស់ផ្ទះឈ្មោះ អ៊ា សោមធារ័ត្ន អាយុ៤០ឆ្នាំ ភេទប្រុស នៅក្រុមទី៣ ភូមិបន្ទាយចាស់ សង្កាត់ស្លក្រាម ក្រុងសៀមរាប ខូចខាតជញ្ជាំងខាងក្រោយ និងបណ្តាញទុយោទឹក ប្រមាណ១០ភាគរយ។ ផ្ទះទី៣. ឈ្មោះ តាន់ ផេង អាយុ៤៤ឆ្នាំ ភេទប្រុស រស់នៅប្រទេសកាណាដា ជួលអោយធនាគារ ខូចខាតជញ្ជាំងខាងកើតនៃតួផ្ទះប្រមាណ៣០ភាគរយ។
លោកវរសេនីយ៍ឯក ឌុត ខុន ស្នងការរងទទួលការិយាល័យបង្ការ ពន្លត់អគ្គិភ័យ និងសង្គ្រោះបានឲ្យដឹងថា អគ្គិភ័យនេះបង្កឡើងដោយឈ្មោះ បូ សុធារី ភេទស្រី អាយុ៣៥ឆ្នាំ មានទីលំនៅមិនពិតប្រាកដ មានស្មារតីវិបល្លាស បានបង្កាត់ភ្លើងដាំបាយ នៅក្នុងបរិវេណផ្ទះមួយខ្នង របស់ឈ្មោះ សេង ហួត អាយុ៦៣ឆ្នាំ មុខរបរលក់ម៉ូតូ គ្មានម្ចាស់រស់នៅ ហើយបានឆាបឆេះបន្តទៅផ្ទះចំនួន០៣ខ្នងផ្សេងទៀត។
ក្នុងប្រតិបត្តិការនេះ សមត្ថកិច្ចចម្រុះបានអន្តរាគមន៍សង្គ្រោះ និងពន្លត់អគ្គិភ័យដោយប្រើប្រាស់ រថយន្តស្នងការដ្ឋានចំនួន ០២គ្រឿង អស់ទឹកចំនួន ៤០០០០លីត្រ, រថយន្តអាវុធហត្ថចំនួន ០៣គ្រឿង ប្រើប្រាស់ទឹកអស់ចំនួន ១៥០០០លីត្រ, រថយន្តអាជ្ញាធរអប្សរា០២គ្រឿង ប្រើទឹកអស់១៤០០០លីត្រ ទើបភ្លើងរលត់ទាំងស្រុងទៅវិញនៅវេលាម៉ោង១៦នឹង៤០នាទី ថ្ងៃខែឆ្នាំដដែល តែមិនមានគ្រោះថ្នាក់ដល់អាយុជីវិតប្រជាពលរដ្ឋឡើយ។ បញ្ជាក់ស្ត្រីមានស្មារតីវិបល្លាស បង្កាត់ភ្លើងដាំបាយបណ្តាលឲ្យឆេះផ្ទះពលរដ្ឋខាងលើ សមត្ថកិច្ចសួរនាំនិងមណ្ឌលឲ្យស្នាក់នៅ៕
ដោយ ៖ កុសល
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៥ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត