ផ្លូវលំប្រវែង៣៦០០ម៉ែត្រ ភ្ជាប់ពីផ្លូវជាតិលេខ៣៣ ទៅផ្លូវជាតិ​លេខ៣៣អា​នឹងត្រូវជួសជួល​ថ្មី​

(ខេត្តកែប)÷ កាលពីថ្ងៃទី១៧ ខែវិច្ឆិកា ឆ្នាំ២០២០​ លោក​ អ៊ុក ថា អភិបាលរងខេត្ត និងជាអនុប្រធានគណៈកម្មការរៀបចំគម្រោងខេត្ត តំណាងឯកឧត្តម សោម ពិសិដ្ឋ អភិបាលនៃគណៈអភិបាលខេត្ត បានដឹកនាំមន្ត្រីជំនាញ ចុះកំណត់អក្ស័រផ្លូវ កំណត់ទំហំផ្លូវ និងសម្របសម្រួលដោះស្រាយផលប៉ះពាល់តាមបណ្ដោយផ្លូវដែលត្រូវអនុវត្តគម្រោងជួសជុលផ្លូវលំមួយខ្សែរ​ ស្ថិតនៅសង្កាត់ព្រៃធំ ក្រុងកែប ខេត្តកែប​។

លោក​អភិបាលរងខេត្ត​ មានប្រសាសន៍ថា​ ផ្លូវលំ​នេះ​ មានប្រវែង​ សរុប​ ៣៦០០ម៉ែត្រ​ ភ្ជាប់ពីផ្លូវជាតិលេខ៣៣ ទៅភ្ជាប់ផ្លូវជាតិលេខ៣៣​អា​ ស្ថិត​ ក្នុងភូមិសាស្ត​ សង្កាត់ព្រៃធំ​ ក្រុងកែប​ ខេត្តកែប​ ត្រូវជួសជួល​ នឹងប្រែក្លាយ​ ជាផ្លូវ​ប្រភេទ​DBST ទទឹង១០ម៉ែត្រ។ លោកបានបញ្ជាក់បន្ថែម​ទៀតថា​ ដោយគម្រោងជួសជួលផ្លូវនេះ​ ប្រេីប្រាស់ថវិការគុណប្រយោជន៍ខេត្ត​ក្នុងឆ្នាំ២០២០​ យេីងមានលទ្ធភាពតែជួលជួល​ និងចាក់ជា​DBST តែប្រវែង​ ២៦០០ម៉ែត្រ​ និងទទឹង១០​ម៉ែត្រ​ តែប៉ុណ្ណោះ​ ដោយឡែកប្រវែងដែលនៅសល់​ នឹងដាក់បញ្ជូលទៅក្នុងគម្រោងអទិភាពឆ្នាំក្រោយទៀត​។

លោកបន្ថែមទៀតថា​ ប្រទេសយើងមានសន្តិភាពសព្វថ្ងៃ ដោយសារនយោបាយឈ្នះឈ្នះ របស់សម្ដេចនាយករដ្ឋមន្រ្តី ហ៊ុន សែន ស្ថាបនិកសន្តិភាពនៅកម្ពុជា បាននាំមកនូវសុខសន្តិភាព ស្ថិរភាពសង្គម ការឯកភាពជាតិពេញលេញក្នុងរយៈពេលជាង២ទសវត្សចុងក្រោយនេះ ទេីបយេីងមានឱកាសអភិវឌ្ឍន៍ខេត្ត​ តាមរយៈសាងសង់ផ្លូវ​គមនាគមន៍​ សាលារៀន​ មន្ទីរពេទ្យ​ ដេីម្បីបម្រេីរអោយផលប្រយោជន៍ប្រជាជនជារួម​។ ទាំងនេះជាយុទ្ធសាស្រ្តមួយ​ ក្នុងចំណោមយុទ្ធសាស្រ្តជាច្រេីន​ ដេីម្បីប្រែក្លាយខេត្តកែប​ ជាខេត្តទេសចរណ៍​ មានផ្លូវគមនាគមន៍ខ្វាត់ខ្វែង​ ក្នុងន័យសម្រួលការធ្វេីដំណេីររបស់បងប្អូនប្រជាពលរដ្ឋ​ នៅក្នុងខេត្តឲ្យបានកាន់តែប្រសើរ៕

អត្ថបទ៖ សេង ណារិទ្ធ